اليوم بحط لكم طريقة كيكة .. سهلة وان شاء الله تعجبكم :)
بوقتها ماكان عندي طريقة كيكة معينة .. فحطيت هذي المقادير مع بعض والحمدالله طلع كيكة هششششة وطعمها واااايد حلو ..
بسم الله ..نبدأ .. :wavetowel2:
::المقادير::
4 بيضات (( اذا صغار حطي 5 ))
فانيلا
1 ك سكر
2/1 ك زيت
1 ك لبن (الحامض) أو روب(زبادي)
4/1 ك ماء
2 ك طحين
2 م ك باكنج باودر
رشة ملح
::الطريقة::
نخفق أولا البيض مع الفانيلا .. جيدا
نضيف السكر ونخفق ..
نضيف الزيت ..ونخفق ثم اللبن + الماء..
ننخل الطحين مع الباكنج باودر والملح.. ثم نضيفه للخليط السابق..
تدخل فرن مسبق التسخين على حرارة 180 س .. حتى تنضج.. وترا ماتاخذ وقت طويل .. لأنها في النهاية تطلع كيكة مش واايد مرتفعة..
أولاً هذي الصينية المستخدمة ..
وهذي الكيكة بعد ما استوت وقلبتها..
بعد ما حطيت عليها الكريم باتيسير..
رشيتها بالفستق(( اسمحولي هذي الصورة شوي الألوان مش حلوة مادري الكاميرا شوي تعبت هههههه))
وهذي قطعة منها.. وهنا باللون الطبيعي هههههه
صورة مقريبة..شوفو كيف هشة ماشاء الله..
::الكريم باتيسير::
(( أول شي اعمليه وخلية لحد ما يبرد .. وبعدين حطيه على الكيكة بعد ما فترت))
1كوب حليب سائل
2ملاعق طعام طحين
بيضة واحدة
2/1 ملعقة صغيرة فانيلا
1 ملعقة كبيرة سكر
::الطريقة::
تخلط المقادير جيدا في قدر ثم ترفع على النار (((مع التقليب المستمر<<<ضروري جداً)) حتى تتكثف وتتماسك..وتترك قليلا لتبرد قبل وضعها على الكيكة..
ويالله جربوها..
مطرح ما يسري يمري :8875:<< على قوله اخوانا السوريين ههههههه