اخواتي المتزوجات اخواتي الحوامل ساعدوني

اختي .. اخوي بعد يسكن بالطابق الثالث ببيت ابوي ! و زوجته ممرضة و تروح الدوام ..

الحمدلله الحين هي حامل بالثاني و ماصاير الا الخير ..

اهو بالبداية حاولي انك ماتستخدمين الدرج اكثر من 3 مرات لان المشيمة تنزل و مشكلة على ما ترتفع من جديد ..

انا صرت واجد اتحرك لما كنت بالشهر الرابع و نزلت المشيمة و حذرتني الدكتورة و صرت كلش ماشوف الدرج ليما ارتفعت !

ماعندي فكرة الغالية

الله يثبت حملج ان شا الله

ما فيه أي تأثير بإذن الله تعالى ولكن كوني حذرة وبطيئة عند الطلوع أو النزول وخذي دقيقة راحة بين الطوابق

اختي تسكن في الدور الثاني لكن عندهم قبل البيت منحدر شديد يعني كأنها ساكنة في الدور الخامس الله يعينها وما شاء الله هي الان في نهاية الحمل الثاني وتدرس بالجامعة .. صحيح احيان تشتكي من ظهرها لكن الحمد لله كله تمام بس حاولي اذا حسيتي بتعب ترتاحي لأن احساسك بنفسك مهم جدا وفي الحمل كل وحدة تختلف عن الثانية وانتي بكرية الله اعلم عن عاداتك في الحمل بس ان شاء الله ربنا يتمم لك على خير ..

الله يجزيكم خير

واتمنى الكل يرد علي ويساعدني

كوني حذره وبالهداوه على ما يقولون

اهلييييين اختي
انا ساكنة بالطابق لثالث.......
ولما كنت حامل عادي اركب وانزل الدرج....
بس بعد لازم تنتبهين على نفسك....
موفقة اختي....

كل حامل تختلف في حوامل اقل حركه تاثر والبعض لا انتي حاولي تنزلي وتطلعي بهدوووء لان البعض ياثر عليهم الدرج وينزل المشيمه يالطيف والاسقاط

اختي انا بعد ساكنة بشقة فالطابق الثالث وعادي بس شوي شوي كلش درجه درجه وحاولي ترتاحين بين الدرج ومابيصير الا كل خير ولاتروحين وايد على الدرج بس مره نزول ومره ركوب يفضل يعني

مشكورين يا اخوات وانتظر رد الباقي

هل باحس بثقل وألم في الاشهر الاخيرة عند صعود الدرج؟

ماعندي فكرة عن الاشهر الاخيرة


اتمنى يساعدونك

السلام عليكم


يأثر يالغاليه .... خلي بالج على نفسج ابوووي


واذا في امكانيه تصيرين في بيت ريلج على الاقل اول ثلاث شهور من الحمل .. يكون وايد افضل

واذا ما تقدرين حاولي ما تصعدين وتنزلين وايد .. لان اكثر حالات الاجهاض ( بعيد الشر عنج ) تكون باول ثلاث شهور


انا عن نفسي ... ريلي نزلني بيت ابوي اول ثلاث شهور ... وبعدها رديت بيت ريلي ...


ان شاء الله ما يأثر عليج وعلى حملج بس الحذر واجب ..(( الله يثبت لج ويتمم لج ولنا على خير ))


تقبلي مروري

يعني بآخر الشهور ماباحس بثقل في الطلعة والنزلة؟؟؟


لأني اشتغل وباضطر كل يوم اروح الشغل

الله يتبت جملكي اختي

حبيبتي اليازيه كل واحده يختلف حملها عن الثانيه فانا كان حملي حرج شويه وكله بسبت ها الدرج حتى اني ولدت في ثاني اسبوع من الشهر الثامن فديري بالك على نفسك وعلى الا في بطنك انا والله ما اخوفك بس خايفه عليكي وعلى فكره انتبهي واحذري من الكحه [السعال] لانها تخليكي تولدي قبل شهرك انا صار معي كذا يعني لو كحه بسيطه لا تسوي مثلي وتستهنين بها روح لدكتوره الى انتي متابعه حملك عندها وخليها تصرف لك الدواء المناسب هذا الدواء الى راح تصرفه لكي لازم تستخدميه بعد ما تعدي الثلاث الشهور الاولى والله يتمم حملك على خير بدون مشاكل

[تقومي بالسلامه ان شاء الله]

خوفتوني يعني الحين شلوووووووووووووووووون؟

اختي انا عن تجربتي في حملي الأول وكان قبل 4 سنوات وكان حمل السلامة كنت ساكنة بالدور الثالث وماسبب لي اي مشكلة وجبت ولدي الله يخليه بس لما انتقلنا الى شقة طابق ارضي صادتني 3 اطراحات بسبب مشكلة بالدم. المهم حبيبتي نصيحتي لك استخدمي الدرج بالراحة واختصري عدد مرات استخدامك له يعني حسب الحاجة الضرورية بس. والله يتمم لك على خير.

بصى انا معنديش فكره بس انتى حاولى تسالى دكتورك وابقى اطلعى براحه على السلم :)