عندي سؤال للمشرفين والاعضاء كمان.مهم جدااا

انا دلوقتي وزني تقريبا 48 وعندي 21 سنة
انا ماشيه علي نظام في الاكل

ممكن اكتبه وحد يكون ليه في السعرات يقولي كده كام سعر يعني اتخن اد ايه

لان عايزه اتخن ومش بقدر اكل كتير
انا هكتب نظام غذائي وكميات لاكل وانتوا قولولي اعمل ايه علشان اتخن وقولولي كميه الاكل دي تخليني اتخن اد ايه بلييييييييييز

محتاجه الرد بسرعه لان فرحي قرب ان شاء الله


الفطار: نص رغيف بلدي جبنه بيضه او نستو او جبنه رومي او طعميه حسب اللي موجود بكل نص رغيف بس مع كوب شاي باللبن عليه 3 معالق سكر ...... بعد كل ده معلقه عسل اسود


الغذاء : طبق ارز متوسط مش كبير ولا صغير مع صنف خضار وقطعه لحمه او ورك فرخة
ولو مفيش ارز باكل رغيف او رغيف ونص مع الاكل ((ملحوظه انا بموت في البطاطس المحمره))



باكل في النص فاكهه وحلويات لو موجود جاتوه او بسبوسه قطعه بس وممكن اشرب بيبسي مش دايت طبعا او عصير اي حاجه


والساعه 6 بشرب شاي بلبن تاني ب3 معالق سكر

العشاء: رغيف اي حاجه جبنه انواع او بيض مقلي وساعات بطاطس محمره وباكل عسل بطحينه او حلاوة طحينيه
يعني رغيف واحد بس


ومعلقه عسل اسود برضه قبل النوم


ده نظامي كل يوم حد يقولي بقي بسرعه مستنياكوا اوعوا تتاخروا عليا :(

في ناس بتقولي الموغات بتخن اوي ده صح ولا غلط؟؟؟؟؟؟؟؟؟؟؟؟ :(