مستحية منكم !!

السلام عليكم يا خواتي العزيزات اللي مالي غيركم


اول شيء اعذروني لاني جيت قبل فترة ونزلت موضوع شكيت فيه

حالي وساعدتوني وبعدها ابتعدت بس لظروف فوق ارادتني بسبب مرض الوالدة وانا بعد كنت اشوي تعبانة ومسويه عملية

واليوم هم جايه ابي رايكم بشغله

موضوعي كان اني اكره نفسي من اخطاءها لكن ابشركم تغيرت

ولله الحمد ومازالت اجاهد واجاهد لحد ما راح ان شاء الله اوصل للمرحلة اللي اتمناها

والسبب يا بنات والله اني مره قطعت الاغاني من يومها وحياتي تغيرت للاحسن 180 درجة لانها تقسي القلب


خواتي في موضوع شاغلني احس انه حلم نفسي يتحقق بس خايفه اني انصدم

اكتشفت شيء غريب فيني لا تضحكون علي يا بنات والله اتكلم من جدي

اني ارفض الخطاب اللي يجوني واني ماقدرت احب اي واحد عرفته

بسبب ياربي ....


ماادري هذا عقل زايد والا غباء مااقدر احب أي شخص زي باقي البنات استغرب كيف يقدرون انا احس اني مااقدر اسوي هالشيء الا مع واحد حلالي والسبب الثاني هو قمة الخبال

اني متعلقة في شخص مايدري حتى عني هو حلمي وصار لي سنين انتظره بقولكم قصته هو واحد يقرب لي من بعيد يعمل برا الرياض حاليا وراح يرجع قريب لمنطقتنا

قبل 3 سنوات يمكن كلمتني قريبته انها تبي ترشحني لامه بس ماصار شيء طبعا ومن يومها مدري ليش تعلقت فيه ودخل قلبي وقبل سنتين شفته من وراه قلبي ما تتخيلون كيف دق وقبل سنة بعد جه زيارة وشفته وجه كويس ومع انه حتى ماشافني لكن زين نمت ليلتها واشوي وابكي ولاعمري حسيت بهالاحساس الغريب حتى لو عجبني واحد ما ارجع افكر فيه ابد

يمكن لاني اعتبره حلم ابي اوصل له واغلى امنية وانتظره على احلام ضايعة ادري اني غبيه بس وش الحل كل ما يتقدم لي واحد لاشعوريا اقارن وبصراحة امه احيانا احسها تهتم فيني وتنصحني ودايم تدعيلي اتزوج تقهرني واحيانا عادي جدا اخاف اجلس انتظره على وشووو اما انه يحب وحدة وبيتزوجها او انه اهله بيخطبون له بنت غيري او ..او .. يعني السالفة واجد واجد صعبة
يوم جلست وكتبت هالكلام وكأني اوجه له شوفو وش طلع معي:

يمكن أنت بقلبك وحدة ثانية
وإلا اهلك بيخطبون لك وحده ثانيه مع إني قدام عيونهم
وإلا شايف إني مااناسبك
يمكن أنت تروح تعمل برا وانا ماابي أكون بعيد عن أهلي
يمكن أنت ما تقدر تتقبلني حتى لو اهلك خطبوني لك
يمكن حتى لو تزوجنا ما تقدر تحبني
يمكن تطلع تصرفاتك غير عني ويكون في فجوة بينا وما نصلح نكمل مع بعض
يمكن الصلاح لك انك تشوف غيري وأشوف غيرك
يمكن يصير لي شيء قبل ما ترجع وما ينكتب لنا نصيب مع بعض
يمكن لو عشت معاك وشفت أسلوبك اكتشف إني حبي كان وهم
ويمكن تكون قاسي علي
والاهم من هذا كله يمكن انه أبدا مايصير أي التقاء بينا

قمة الجنون مرات ابكي من قلبي اذا فتحوا سيدي زواج واحد من قرايبنا وشفته
والا تلاقوني جالسه بمجلس حريم واقول يمكن بيخطبون فلانه والا فلانه وهات يا بكي اذا رجعت البيت

تخيلوا انه كل ما يخطبني واحد قلبي ينقبض واقول لاااااا هو راح يرجع كيف اتزوج قبله

اعرف اني كلمت وخطأت كثير بس هو اللي كان راسخ ومتربع واني مااستاهل ربي يحقق احلامي بس ماادري عن جد ماادري

عاهدت نفسي اني ماراح اتزوج الا اذا رجع وتزوج غيري وقتها بفكر اتزوج غيره

امي قبل فترة حلمت اني سجدت لله اشكره واشكر ابوي انه زوجني انسان واجد كويس وامي في الحلم كان تقولي مبسوطه بتزوجين ولد فلان وهو اسم عيلته ولما فسرت الحلم

قالوا لها انه معناه انه البنت بتتزوج واحد كويس بس مو الحين خلها تنتظر اشوي

وانا وربي يا بنات مره قلت بتوضأ وبفتح القرآن وبشوف الاية اللي تطلع لي اذا كانت خير بخلي الموضوع براسي واذا الايه معانيها عن جهنم والكفار خلاص بشيله من بالي نهائي

لما فتحت القرآن تخيلوا طلعت الأية بما معناه انه الله استجاب دعائي ولكن علي بالابتعاد عن المعاصي وكل مره ارجع اسوي هالطريقه تطلع لي آيات كلها خير وجنات

عاد مو عارفه وش اسوي مرات اقول اذا جاني واحد كويس بتوكل بطريقي ومرات اقول بنتظره

لحد ماالبارح خطبوني ناس ولدهم واجد واجد زين على كلام ابوي

بس مطلق بدون اطفال

ماادري اشوفه والا اكنسل السالفه لانه نفسي اكون مع واحد يجرب كل شيء معاي لاول مره مو مطلق فرحة الزواج الملكة كل شيء حتى البيت الجديد وعارفين

شوري علي وسامحوني قتلتكم من مشاكلي