تأخرت الدوره وخـــــــــــــــايفه....؟؟

حبيبتي شكلك حامل
الف مبروووووووووووووك
لان الام الحمل نفس آلام الدوره
لاتجهدي نفسك الى ان تحللي و تشوفي النتيجه
يا الله روحي الحين و سوي التحليل و بشري زوجك و بشرينا
لا انا مثل حالتك او 3 شهور من زواجي تجيني في و قتها وآخر شهرين جتني
غير كل مره الدم قليل و ها الشهر ماجتني و تأخرت علي 3 ايام و تنزل عندي افرازات بنيه و آلام مثل الدوره استعجلت و عملت تحليل دم و الحمدلله حامل
و الافرازات البنيه بسبب الجهد الي سويته و نصحتي الدكتوره با الراحه و عطتني مثبتات حمل
اتمنى افدتك

مشكوره أختي أم أحمد على الرد

وانشالله أكون حامل يارب بس مابي أتسرع وبعدين مايطلع حمل..

حبيت أسأل ممكن يكون فيه حمل مع أفرازات نفس افرازات الدوره؟؟؟

اهلييييين حلا احمد....
احتمال كبيير يكون فيه حمل
انا في حملي الاول كان نفس الشئ

والان متاخرة علي الدورة اكثر من اسبوع

ونفس الشئ الالام وافرازات لكن للحين الاخت

ماشرفت بس انا يمكن مسبعد ة اكون حامل
لان البويضة عندي كانت صغيرة
مادري....

الله يوفقك وتطلعين حامل يارب ...

اي حبيبتي عااادي
لاتجهدي نفسك الى ان تاخذي النتيجه
سوي تحليل دم اسرع من الجهاز المنزلي
لان الجهاز احيانا ماتطلع النتيجه مظبوطه لان يمكن الحمل كان متأخر
لكن الدم من اول يوم للحمل تطلع النتيجه

الله يبشرك و يرسم الفرحه في شفايفك
وتشوفي النونو بين احضانك

بشرينا الغالية... وإن شاء الله تكونين حامل...

انشاء الله تكونين حامل والله يرزقنا جميعا الذريه الصالحه يارب..

تقبلي مروري
الحب الكبير

بشرينا ان شاءالله طلعت النتيجه وحامل

بنات أشكركم كثير على دعواتكم اللي فرحت قلبي

بس للأسف نزلت الدوره ...الحمدلله على كل حال

مستغربه كثير ليش صارت تتأخر كذه مع أنها كانت منتظمه مـــــــــــره

وأنا كنت متأمله اني أكون حامل وزوجي المسكين دايم يسألني وانصدم لما قلت له انها شرفت

لأني ماكنت متعوده على هالشي

اللي صار لها مثلي أو تعرف أسباب هالتأخير

وبالمناسبه الدوره خفيفه وعندي صداع فظيع وأحس بخمول وأهلي مستغربين مني لأني على طول نايمه

وأنا مش عارفه ايش هالأعراض

وهل عندي مشكله ..؟؟

أعذروني بنات أنا طولت عليكم بس من جد خايفه

أنا زوجي يشتغل بعيد وماأشوفه الا في الأسبوعين يومين وهذا الشي متعب نفسيتي وكان نفسي أحمل


عشان أفرح وأفرح زوجي بس أرادة الله فوق كل شي...

أكرر أسفي حبيباتي على الأطاله

حبيبتي اذا تحسين بهالاعراض يجوز عندك حمل وانتي من الناس اللي تجيهم الدوره وهم حوامل

لا تتهاونين بالموضوع وروحي لدكتوره عالاقل للاطمأنان

لان بنت خالتي كذا تحمل المسكينه وتجيها الدوره لحد الشهر الثالث وكم مره تسقط وهي ماتعلم بالحمل

الله يستر عليك ويحفظك انشاء الله وطمنينا عليك ..

مشكوره حبيبتي الجوهره

بس معقوله أكون حامل وتيجي الدوره؟؟؟


والله مافي شي بعيد على رب العالمين



الله كريم

هلا و غلا

روحي تطمني احسن يمكن انتي اجهدتي نفسك
صديقتي حامل و ماكانت تدري و في موعد الدوره ماجاتها و اعتقدت انها حامل و بعد 3-5 ايام نزل دم
فكرت دم دوره و انتهى الشي على كذا زوجها جاب لها تحليل حمل منزلي قالت له جاتني الدوره
لكن اصر عليها و يوم سوت التحليل طلع لها خطين و عرفت ان الي فيها نزيف و راحت بسرعه المستشفى

روحي تطمني ..
والله يرزقج إن شاء الله بالذرية الصالحة...

انا اتوقع انها الدورة
وكثير تتلخبط لهم بعد الزواج
وانت قلت شي اظنه السبب
انت قلتي ان زوجك يبعد سبوعين وماتشوفيه الا قليل ونفسيتك تعبانه
ومعروفه ان الدورة لها علاقه بالنفسية

فحبيبتي حاولي تريحي نفسيتك ... وشغلي روحك في الفترة الي يكون زوجك بعيد
وان شاء الله تحملي

اخت زوجي صار لها كدة .. بعد الزواج في موعد الدورة نزل عليها دم خفيف ثلاثة ايام ووقف وبعدها الشهر اللي بعده في نفس الوقت نزل عليها دم خفيف وهي على بالها دورة عادية راحت الدكتورة لأنها كانت تحس بتعب وقلقت من الدم الخفيف وطلعت حامل من أول شهر بس كمل الحمل معاها للخامس ونزل بعيد عنك لأنها اصلا كانت مارتاحت من الأول ولا ريحت نفسها بعد الحمل .. وصديقتي نفس الحكاية شالت اللولب وعلى بالها اول ما تجيها الدورة تاخذ حبوب بس جاتها خفيفة يومين في غير موعدها وبس تنتظر الدورة ماجات وطلعت حامل وعليها ما شاء الله قربت تولد الحين .. هذي يسموها عندنا شقحة وتصير لكثير من الحريم .. احتمال تكون عندك او تكون نفسيتك متأثرة برغبتك في الحمل وبعد زوجك عنك الله يرزقك انشاء الله الذرية الصالحة وطمنينا عليك ..

بنات الله يرزقكم الجنه على ردودكم اللي تحسسني أن لي خوات يخافون علي

بس من جد أنا خايفه حيل لأني أحس بألالام في أسفل بطني والدم اللي كان عندي غريب شوي هو مقارب الدوره


بس انتوا تنصحوني أسوي تحليل؟

وينك حبيبتي

بشرينا عنك لك يومين ومارديتي

ان شاءالله طلع عندك حمل .

حللي يمكن تكونين حامل زوجه اخوي كان ينزل عليها دم وقت دورتها خمسة اشهر وهي ماتدري عن روحها حامل