رضيعي و خدوده الجافة

حبيبتي وقفي فورا استخدام الزيت..اكيد هو اللي سواله الحساسيه....خليه كم يوم لين يروح الاحمرار....و بالنسبه للجفاف استخدميله بعد ما تروح الحساسيه كريم موستيلا للوجه..روعه الدكتور وصفه لولدي...

وبعد البوس يخيلي الخدوود جافه انا ولدي جي خخخخ

بس احطله فازلين..

كريم مستيلا انا اذكر هالماركه كنت استخدم كريم لمنع التشققات اثانء الحمل بس روووووووووعه كان ماشاء الله وايد نفعني..

هذي الحساسيه بتروح مع مرور الوقت استمري عالفازلين
تره انا بنتي وديتها المستشفى عن الحساسه اللي في وجها ولا استفدت من الادويه ورجعت للفازلين وراحت الحساسيه والاحمرار
تحيااتي

في بعد كريم سيباميد روعه
وان شاء الله بجرب فازلين

نفس مشكلة ولدي بس ولدي عنده اكزيما

تسلمون عزيزاتي ع ردودكم
الفازلين صراحة ما عالج المشكلة فقط نعم المنطقة بس كاحمرار و قشرة ع الخدود مازالت موجودة
بجرب الدوا اللي قلتوا لي عليه و انشاء الله يستفيد

حبيبتي اذا ويهه مقشر يمكن هذي اكزيما..انصحج تروحين للدكتور....واللي ذكرته مب دوا..هذا كريم مرطب..

حبيبتي 100% من زيت جونسون للاطفال

ان ولدي يوم كمل الاربعين وديته التطعيم كانت بشرته كثير جافه ووجه بعد وفي هذاك الوقت كنت استعمل له زيت جونسون

قالت لي الطبيبه مو كل الاطفال يناسبهم هذا الزيت قلت لها شو استعمله قالت اي كريم مرطب ينفع بس لازم توقفين زيت جونسون وكثير من الاطفال يتحسسون منه

اتمنى اكون افدتك حبيبتي

:)

نسيت اخبرك عن زيت الزيتون تدهنين ولدك كامل جسمه وحتى وجه وتخليه نص ساعه وبعدين تسبحينه

والله يخلي بشرة طفلك ناعمه

انا الحمد لله استعمل الزيت الزيتون وجاب نتيجه صارت بشرة ولدي احسن من الاول

عادي حبيبتي ... انا امسحه بزيت بيبي اويل جونسون و لاحظت هذا الشي على ابني ان جسمه مخشن ومأنه عنده حساسية من الزيت ... ممكن تغيري له لزيت تاني ... او تستخدمي اي زيت طبيعي ...

و الله ؟؟
بجرب زيت الزيتون من الليله و بكره بسبحه ان شاء الله
مشكورين خواتي ع ردودكم

ياااختي انا اقوولك من ايش

انتي اكيد ترضعين ولدك وهاذا الشي بسبب حليب الام لمن ينزل على خدود الطفل لان انا مجررربه الحاله هاذا

ولاتستعملين زيت او لوشن جونسن لان هو كماااان يسبب احمرار وخشوونه في الخدود

ادهني له مثل ماقالت الاخت بزيت السمسم او زيت الزيتووون لانه طبيعي اكثر من جونسن وبعدي طفلك عن

حليبك حاااولي تحطين منشفه او مريله تحت فمه على طووول عشان ماينزل الحليب..........

ابتعدوا عن البوس ، واستعملي له كريم QV ترى ممتاز.....

السلام عليكم ورحمة الله وبركاته

جونسون اند جونسون معرووووووووف عنه الزيت مالهم يسبب جفاف لبشرة الطفل والدكتور مخبرني لان ولدي فيه اكزيما ونصحني ما استخدمه بالمرة

بداله استخدمي زيت الزيتون وايد زييييييييييييييين

في أمان الله

ومنكم نستفييييييييييييييد ^^

لا تستخدمين جونسون اند جونسون


انا مافي شي نعني غير الفازلين و كريم BEPANTHEN



قبل كانت خدود بنتي تكسر الخاطر ..

و الله العظسم ان كل حد شافها يقولي شو هذا و تكسر خاطرهم

خدها كان خشن و حبوب حممممره و صغيرة

و وصفلي الدكتور هذا الدوا

و الحمد لله .. بشرتها استوت طريه