بغيت رايكم بليزززززز دخلوا

مرحبا امهات

انا عندي موضوع وابي رايكم فيه

واحترت وين احطه قلت هني احسن مكان عشان انا ابي اشوف راي الامهات

انا اعرف وحدة من الاهل بس بعيد يعني عندها ولد كان مافي شي وولد عادي جدا

لين وصل 6 شهور وما كان يتحرك ولا ينقلب وحركاته مثل الطفل الي في الشهر الاول (w)

والمستشفى قامو كل يوم يقولون لها كلام

قالو ان راسه كبير ومو طبيعي وبعدين قالو احتمال عنده لين عظام

وبعدها قالو عنده مشاكل في الكبد

ولين وصل 9 شهور صار في غيبوبة ولحد الان وهو في غيبوبة وما يقعد كل نايم

وعايش على الحليب الي يدخلونه له عن طريق هوز للخشمه

والحين وصل عمره سنة ونص وقبل جم شهر سوو له فتحة عشان يدخلون له بهوز الاكل لانة كبر والحليب ما يكفيه

والحين حالته وايد صارت اخس من قبل وكل تصيده تشنجات وبوزه يصير على صوب

ويطلع منه دم :cry::cry: وعلى فكرة هو عايش على الاجهزة يعني لمجرد يشيلون منه الاجهزة يمووت


والحين كل الدكاترة ينصحونها انها توافق على شيل الاجهزة عشان يموت ويرتاح

لانة عايش ويتعذب من الي يصيده من تشنجات وغيره

وطبعا الاجهزة ما يشيلونها الا بموافقة الام والاب

والزوج موافق ويقنع زوجته بس هي موب راضية تقول خله عايش جذي وما تقدر تقول كلمة شيلو الاجهزة

والدكاترة قالو لها ان في واحد حالته مثل ولدها وما مات عايش لحد الان وعمره 12 سنة ويتعذب واهله مو راضين يشيلون منه الاجهزة

وقاعدين يقنعونها عشان توافق وما يعيش متعذب

احس القرار صعب وكاسرة خاطري هالام

انتون شنو رايكم اي افضل ان يعيش الطفل جذي واحتمال يظل العمر كله

او تشيل الاجهزة ويموت ويرتاح

وهل هو حلال او حرام

يعني هي تقول اذا وافقت بتحس ان هي الي قتلته:tears:

بغيت رايكم في هالموضوع :(