متى بالضبط تجهزين لنفسك وللبيبي

ي بالنسبه لملابس الحمل متى ماحسيتي ان بطنك صار كبير اشتريها وبالنسبه للسنتيان اشتري مقاس اكبر

او دووري في محلات ملابس الحمل ...

انا حامل في نهاية الشهر السابع وللحين ماشريت شي للحمل لان الدراعات كافيه بالنسبه لي

وبالنسبه للتجهيز الولاده انا لسى ماجهزت ومادري متى بجهز يمكن على نهاية الثامن او بعد العيد

بس انا اشوف ان انسب وقت للتجهيز هو الشهر الثامن

انا اقول جهزي من الحين شوي شوي ... ابدي بالاثاث مثلا هالشهر واللي بعده الملابس ... وجذي

اول شي ماتثقلين على زوجج بالمصاريف كلها مرة وحدة .. خاصة انج بكرية وبتحتاجين تشترين اشيا وايد..

وثاني شي .. لانج بكرية وماجربتي نفسج في الثامن يعني ماتضمنين حالتج شلون بتكون... بالذات انج بتثقلين واذا انتي من النوع اللي تنتفخ ريلها مابتقدرين تمشين وتروحين من مكان لمكان... في حريم مايقدرون يطلعون .. شلون بطلعة سوق وتمشي واغراض وايد تبين تشترينها .. وحطي في بالج ترى مب كل اغراضج بتلقينها في مكان واحد ...

يعني انا اقول ماتدرين بالظروف شلون بتكون ... خلصي نفسج من البداية احسن

انا بعد اقولك جهزي من الحين شوي شوي احسن لك لاتنزحمين بعدين وخاصة انو من تدخلين الشهر السابع راح تحسين بثقل وغيرو

افضل تاشهور اختي هي الشهور الوسطى

يعني خامس سادس سابع بالكثير

ويفضل انك تجهزين على راحتك علشان المصاريف والزحمة والتعب عليكي

انا عن نفسي بديت التجهيز من السابع وكملت كل شي تقريبا

باقي لي اشياء بسيطة حتى زوجي يقدر ياخذها بروحه

انا جهزت للبيبي وللنفاس من السابع لانه في الثامن والتاسع تحسين بثقل

ابتدي الحين احسن .. انا في الخامس و السادس كنت نشيطة و خفيفة و بديت اجهز نهاية السادس.. الحين في السابع و بديت احس بالثقل و التعب و لين الحين باقي لي اشيا ما خلصتها!