حياتي صالونه..و السكن أزمه!!!!

خواتي العزيزات..أنا مشكلتي في حياتي إلي أحس أنها ملخبطه مثل الصالونه..أنا متزوجه صارلي سنه و سبع شهور و عندي بنت الله يحفظها و أنا أشتغل في اليوم تسع ساعات يعني من 8 لين 5 العصر..أرد البيت هلكانه لا أروم أجابل بنتي و ريلي و بيتي..صرت هامله نفسي و صرت أحس بقهر في داخلي لأني مب قادره أودر وظيفتي بسبب صعوبة الحياة و ديون زوجي و في نفس الوقت وظيفتي الحاليه تعطيني سكن فإذا توظفت مكان ثاني راح أخسر البيت وما راح نقدر أنا و ريلي نسكن في أي مكان و خصوصا مع الغلاء...فكرت أترك الوظيفه و أسكن بيت زوجي بس هم الثانيين ساكنين أجار وصراحه ما أقدر أسكن معاهم لأن نحن بعاد وبعد يطلبون من ريلي فلوس و كل كم شهر هات و عط كأن زوجي مب فاتح بيت و كأن نحن عايشين على كنز فمابلكم لو سكنا معاهم!!!...ورغم هذا كله بعد نسمع كلام من أهله أن ريلي بخيل..مع أنه والله مب مقصر لا فيني و لا فيهم و إلي عنده يصرفه بس الله يسامحهم..المهم أبا أدور حل للموظوع بس مو لاقيه..بنتي ما أقدر أيلس معاها و لا أقدر أربيها مثل ما أبا دام هي 9 ساعات مع الخدامه..مب قادره أحصل وقت حق نفسي مع إني قبل الزواج كنت من المهتمين بنفسهم ما أودر صالات الرياضه و الصالونات و دايما شكلي مرتب حتى في البيت بس أحين جنه مطلعيني من الغابات!!!
حتى حياتي الإجتماعيه صارت صعبه لا عندي وقت لزيارة الأهل و لا المجاملات و لا شي..
صراحه مليت!! شو الحل كيف أقدر أوازن كيف أقدر أعيش وأنا مرتاحه من غير غصه؟؟؟!!!