نخيتكم تكفون لاتنطشوني مالي حد في الدنيا

السلام عليكم ورحمه الله وبركاته


بييييه الصراحه مشكلتج عويصه شوي .. وانا اكره ما عندي الريال العنيد :schmoll: لان انا ازيد عناد بالحاله هذي وبعدين اختي مو معناه انك تتزوجين يعني تقضين على شخصيتك .. بالعكس .. انتي حاولي تفهمين بطريقه النقاش والحوار ان هو غلطان ,, وان اعتذارك له هو بحسن نيه منج انتي وانك ما تبين المشكله تستمر ...

والشغله الثانيه كيف تسمحين له ان يمد يده عليج .. ؟ المره الي تخلي زوجها يمد يده عليها من البدايه مستحيل تقدر توقفه بعدين .

من الي كتبتيه انا ما شوف الطيبه والحنيه الي تقولين عنها لزوجك .. عموما حاولي انك تطلبين من زوجك قعده مصارحه .. من غير ما يكون فيها زعل وهواش ,, ويكون فيها نقاش هادئ ,,
تاخذون وتعطون وحاولو يكون هالشي على عشا او طلعه هاديه ولو ماقدرتو تطلعون سوي له عشا او طلبي عشا وكشخي وقعدي معاه ,, يمكن صعب حاولي ... تصرين على طلب ان يقعد معاك ويناقشك..

كلمه اهون عليك ويرضيك ,, هذا شي ما يمشي .... لو كل الحلول ما فادت بقولك .. شغله .. لو مد يده عليج ,,, قولي لي ( لايكون عبالك ان مالي ظهر ولا لاقيني في الشارع ,, ولا شاريني بفلوسك) ... وان كنت تظن ان الحريم مالهم شور ,, تراك جاي من بطن حرمه ومتربي على صدر حرمه وكبرت على يد حرمه ,, وان كنت ماتحترم الحريم . يعني معناه حتى امك ما تحترمها ولا خواتك .
وبقولج .. اشغلي نفسك مع اولاد وحياتك لو كان عندك اولاد .. وبعدين سوي اشياء تهمك في حياتك.. والتنازل بين الطرفين شي حلو بس لمه يكون التنازل من طرف واحد هالشي مب صحي حق شخصيته ولا مفيد ... قولي له الاعتذار يبين لج انه يحبك مو تنازل عن شخصيته وكرامه ولا عزه نفسه...

حاولت اني استوعب الموضوع وارد عليج بموضوعيه ,,, واختي لا تستلمي ختي وتلغين نفسج وشخصيتك .. وحاولي تكسبين زوجك بالموضوعيه الي شرحتها لك ... واقري كتاب ( لماذا الرجال يكذون والمرأه تبكي ) من مكتبه جرير لونه ازرق

والا انا مكانج بالطقاق الي يطقه ويرقع راسه بالطوفه وعساه ما رضه وان مد يده علي والله ماخليه يتهنى بحياته هههههههههههههههههههه تحياتي لج حبوبه

ام جنى

الله يعينك اختي

ربي يهدي زوجك ويسخره لك يااارب

ان شاء الله اللي عندهم خبرة يفيدونك

اختي الله يعينج وربي معاج ويسخر لج زوجك يارب

شوفي اختي في بعض الريايل اسلوب جلف في التعامل لكن من الداخل يحبون حريهم لكن مايبينون عندهم عزة نفس وكرامة لكن بطرق غير مباشرة يبين حبه لج مو بالرمانسية والكلام الحلو مايعرفون يعبرون لانه تفكير الرجل عملي ( البعض منهم وليس الكل)
انا زوجي نفس طبع زوجك مايعتذر ابد بس يبيني حبه بطرق مختلفة وانا اعرف ( مثلا يشتري لي هدايا او يقضي لي شغلات كنت احن عليه قبل)

اما بخصوص الزواج المسيار .. فكل رجل بعد فترة من الزمن يحب التغيير يابزوجه او بسيارة او .... الخ
انا انصحج اختي اكسري الروتين وغيري كل شي في بيتج في استايلج في اسلوبج لانه اتغيير في كل شي حواليه بينسى موضوع الزواج مؤقتاً وبعدها ردي جددي
وخليكي دايما مستمعة وهادية لانه مبين على زوجك العصبية واي شي يكدره على طووووووووول غيريه واي شي يقوله قولي ان شاء الله ( صدقيني كوني له امةً يكن لكي عبداً )

واصبري ياختي .. كلنا صبرنا وفي النهاية نلنا
نصيحتي لكي عليكي بسورة البقرة يوميا وادعي " ربي سخر لي زوجي واجعلني في عينه وقلبه " وصدقيني بتلاحظين التغيير الحسن والسعادة في بيتك ( عن مجرب)

وانتظر منك الاخبار الحلوه

الله يعينج ياختيه على هالريل ..لكن باقولج شي .. الريال اللي كله يتكلم عن الزواج صدقيني مايسويها..وهذا الكلام من واقع وتجارب .. يعني حطي في بطنج بطيخه صيفي..وبعدين لاتسوين من هالمشكله عائق وهم تشلينه على ظهرج طول العمر.. عيشي واستمتعي بحياتج واللي الله كاتبنه بيصير ولو شو ماتسوين!!

اختي مشكلتك بسيطه
كثير اسمع ناس يصير لهم كذا عادي
السبب يرجع من غير زعل اختي لك انتي انتي السبب
تقولين كيف اختي زوجك من النوع الي مايحب المرأه الضعيفه الي تطيعه في كل شي
تغلي عليه ولا تكلمينه الا بثقل يعني اذا زعلك لاتراضينه جلسي لين مايراضيك او على الاقل يكلمك بهدوء
واشغلي نفسك لاتحسسينه انه اهم شي اشتغلي او شغلي نفسك بعيالك
واهم شي اهتمي كثير في مظهرك وبيتك دائما لبسي الماركات وتمكيجي مكياج حلو وناعم
وتغلي صدقيني بيلحق وراك مااقولك خانقيه لا تغلي بنعومه ودلع
صدقيني لو تطبقين كلامنا بتفلحين
وصدقيني لو انه مايحبك كان تزوج من زمان بس هو يدور على التجديد حاولي دائما تغيرين من شكلك وشكل بيتك
اختك
احلام فتاه

الله يهدي زوجك و يفك كربتكي و يسر أمورك يا رب

حبيبتي والله

ربي يسهل امورج

بعطيج شي سحــــــــــــــــــــــــر والله

سحر حلال

و دعاء مضمون و مجرب

قبل أي عمل تقومين فيه مع زوجج او اي حوار او اي كلمه و اتصال

رددي (( ربي اشرح لي صدري و يسر لي امري و احلل عقدة من لساني يفقه قولي ))

ردديديها 3 مرات و كلمي زوجج او سوي اللي تبين تسوينه

مره عن مره و بتشوفين الامور تتسهل حييييييييييييل

ربي يسعدج حبيبتي

اختي الله يعينج وربي معاج ويسخر لج زوجك يارب

تسلمون خواتي وماقصرتو

بالنسبه للضرب انا ماقلت ضربني
احيان ابي اشوف غلاتي عنده اقرب عنده بمزح وبعد ضحك ومزح واضربه بشويش اقوله اتحداك تضربني بمزح وانا اضحك ابيه يقول قلبي مايطاوعني او اي شي من هالكلام الحلو يقول تعالي والله اعطيك واحد عمرك ماحلمتي فيه << يقصد الكف
اقوله يطاوعك قلبك يرد ببرود ايه عادي والله تبيني اضربك عادي
يوم اسمعه يقول كذا انسحب بهدوء وقلبي يوجعني لهالدرجه انا هينه عنده وين الحب اللي يقول اياه

اما بالنسبه للزعل والله يابنات اني حاولت ماقدرت امسك نفسي واشوفه زعلان ماقدر وربي ماقدر
لو يوم يومين بصبر بس يجلس بالاسابيع زعلان الى ما اجي عنده واراضيه من لاشي

ااااااااااااه اما لسالفة زواج المسيار وربي سواها يعني دور ولقي بس ماتزوج تخيلو يابنات حطو نفسكم مكاني
جالسه اضحك واسولف معاهم جاتني وحده اشرت لي تبيني على انفراد جيت لها وياليتني ماجيتها سئلتني على علاقتي مع زوجي قلت لها سمن على عسل
ارتبكت وخوفني ارتباكها وربي ان قلبي احسه راح من مكانه ناظرت يدي قالت لي اهتمي بنفسك حاولي تتكشخين قدامه سئلتها ليش فيه شي
سكتت
سئلتها مره ثانيه وقالت لي القنبله اللي طاحت على راسي
قالت لي والله انا اعزك واعتبرك مثل اختي بس هالزمن مافيه امان وخصوصا من الرجال زوجك يبي يتزوج بالمسيار والحين يدور
وربي ماشفت شي من الدموع ماغير الله يكرمكم اروح الحمام علشان لايشكون امسح دموعي واخرج
سئلت زوجي وياليته انكر قالي ايه ادور
قلت له لقيت رد ايه
قلت ليش ماتزوجت الى الحين وش تنتظر
قال ادري ماراح تصدقيني بس والله عشانك
وربي ثقتي فيه انهزت للأخر وربي الرجال ماله امان
صحيح ماتزوج والحمدلله بعد مابكيت وشاف حالي كيف تغير انسدت نفسي عن الأكل وجهي صفر من الهموم والبكا ثلاث ايام مادخل في فمي شي من يوم ماعرفت وش كان ناوي عليه بس الى الحين احس الجرح ينزف الله يسامحه مع كل اللي سواه وربي اني احبه وما اقدر ازعله

تعبت يابنات وربي تعبت

حريم اصحابه عرفو بسالفه المسيار وانه كان ناوي
صارو يقولون لي مسكي زوجك لايخرب رجالنا وهو راسه عنييييييد وربي عنييييد ماقدر اقوله كذا لأنه راح يعند تعبت وش اسوي شورو علي وربي ما اقدر اتجاهله اذا جا جريت عنده قبل اطفالي بس مع هذا احسه باااااارد بمعنى الكلمه مع اصحابه سواليف وضحك اما عندي احيان اقوله شكلي اكلم جدار او صنم

يارب رحمتك ارحمني يابنات لاتخذلوني انتظر ردودكم على احر من الجمر
هالايام زادت عصبيته وزعله وانا مالي الا دموعي والصبر اكره شي عندي يوم يصرخ علي قدام اطفالي كني طفله صغيييره
وش اسوي احس نفسي ضايعه
نفسي احس انه يحبني مرره
انا مانكر انه يحبني
بس
والله مدري وش اقول
وش اسوي
انتظركم

ماعندي الا اقولك ادعي له بالهدايه الله قادر ان يغيره من الحال هذا الى حال اخر

ولي عوودة

حبيبتي قبل لا تحكمي على اي شخص ابدأي اول شئ بـسرد مزاياه قبل مساوؤه

وانتي من كلامك زوجك طيب & يحبك & بطل يتزوج عشانك & يزعل لما يشوفك زعلانه &&& وغيره اشياء ممكن انتي تحدديها وتعرفيها

عشان كذا زوجك عيبه الوحيد الي انا اشوفه انه عنيد و ما يحب احد يتحداه بشئ

والدليل على كذا لما يزعلك يتضايق من نفسه ويزعل والعناد الي فيه ما يخليه يراضيكي

وغير كذا لما قولتيله ما تقدر تمد يدك علي وشاف ان الموضوع تحدي لا اكثر ولا اقل ..... ولا نظر له من وجهة نظرك انتي وانه تبغي تشوفي غلاتك عنده !!!

عشان كذا لا تحكمي على زوجك على طول ......
اعرف اني طولت الكلام .... وبتقولي اديني المفيد
وهذا زوجك ومستحيل تغيريه بس ممكن تتأقلمي عليه وتأقلميه عليكي

اول شئ حاولي لما تتكلمي مع زوجك لا تتطرقي للمواضيع الي تضايقه وهو معصب او قدام عيالك عشان ما تنحطي بوضع يحرجك

لا تخلي النقاش معاه فيه طريقة تحدي ابدااااا

هذا كبدايه وقبل لا تفكري بحلول ثانيه

والحلول الثانيه الي بأقولك عليها ...... تغيري من شكلك مثلا اصبغي شعرك بشكل مختلف عن الي انتي متعوده عليه ...... غيري طريقة لبسك من وقت للثاني ...... ومكياجك
ولا تخلي هذا كله بشكل مفاجئ له عشان ما يحس بشئ
خليه بالتدريج .... يعني البسي الجينزات والبدياهات مثلا وبعدها بفتره غيري مكياجك واستغلي مناسبه معينه تصبغي شعرك وتغيري اللوك من جديد

غير كذا لما يصير شئ وتزعلو من بعض اذا كنتي غلطانه خليه شوي وبعدين اعتذري بطريقه غير مباشره كأنك تقدميله كوب عصير مثلا

ونسيت اقولك على شئ ... يمكن زوجك من النوع الي اذا زعل او زعلك يحب تقعدو فتره بعيد عن بعض عشان كل واحد يحس بغلاة الثاني
يعني اتركه واشغلي وقتك مع عيالك او شغل البيت او اي شئ ثاني وبعد يوم او يومين تكلمي معاه عاااادي من غير اي اعتذار او جدال كأن ماكان في شئ قبل ( انا زوجي احسه كذا اذا زعلنا من بعض من سابع المستحيلات يعتذر بس يجي بعدها بيوم او يومين يكلمني عادي كأنه ماصار شئ وانا صرت اتبع اسلوبه اذا هذا الي يريحه)
ان شاء الله يكون كلامي خفيف عليكي وتستفيدي منه

تسلمون حبايب قلبي

زوجي عنده عزة نفس مرره وهذا اللي يضايقني الحب مافيه عزه ولا كرامه
ناااااااااااااااااادر مرررررررره اذا جا وراضاني

اشوفه اذا كنت زعلانه يتقلب في الفراش يبي ينام مايقدر وربي حاسه فيه بس عزة نفسه تمنعه اته يعتذر

وعنده افكار مدري من وين يجيبها ان الحرمه لاحد يدلعها ويعطيها وجههه زياده لانها بتعبك وبتبهذلك مدري من وين جاب هالافكار
سلفتي الي هي زوجة اخوه
اخوه مررره مدلعها وباين عليها الدلع لدرجة اخوانه راحو الزاج كلهم الا هو ماراح جلس عندها مايبيها لحالها
قلت لزوجي شف شف اخوك كيف طايح حب ودلال ودلع لحرمته
قالي : وربي راح يندم على تدليعها وبتشوفين

بالله و ش اسوي اذا كان تفكيره ضيق

السلام عليكم ورحمه الله وبركاته

اختي بكون صريحه معاج ,, انتي عرضتي مشكله ,,و والمشكله واضحه تقريبا ,, وانتي قاعد تحطين مبررات لزوجك من قبل المشكله ,,, يحبني بس مغرور .. يزعل بس عنده عزه نفس .. لكن ما يرضى يراضيني .... يحبني بس عنده الحريم .. ما ينسمع لهم شور ... عشاني ما تزوج بس هو يفكر في الزواج متى ما حلا له الموضوع والجو ...

اذا بديتي تركزين على المشكله الا وهي نفسك ,, وتحاولين تقوين شخصيتك وتعززين ثقتك بنفسك ,, ما وصلت للوضع الي انتي فيه ... بعدين ان يصارخ عليج جدام الاولاد شي .. اصلا راح يهز ثقه اولادك فيك بالمستقبل وراح يعرفون ان مالك شور ولا راي يعني مالك شخصيه ,,
كنت اظن مع تقدم التطور والثقافه .. ان هالشي ينمحي ويروح .. والناس ترتقي بتفكيرها بس للأسف هالشي ما قاعده اشوفه ...

مادري اذا تتابعين اوبرا او لا .. بس من اكبر الاخطاء الي الزوجه تسويها في الاساءة النفسيه واللفظيه من الزوج هي بوضع التبريرات له ,,, باجر يتعدل هوو يحبني ... مع الوقت بتعدل ...
والنهاية دايما تكون مأساويه ......

اختي قبل لا اقول لج مثل ما قالو لج الخوات اهتمي بنفسج وشكلج ... اهتمي بشخصيتك ورجعي ثقتك بنفسك.. التحطيم النفسي الي انتي عايشته ترى شي مب صحي . و اول مشكله لازم تحطينه التبريرات الي قاعده تسوينها وتحطينها وترسمينها حق زوجك ....

إضافه إلى حسنات زوجك ,, الي ماقدره استوعبها وايد ,,, والسيئات افضل انج تركزين على الاثنين .. ومثل ما قلت لج اول خطوه هي المصارحه ,, لا تقولين ماقدر ماعرف ما تحمل ...
اذا انتي مقتنع بالكلام هذا عيل لا تعبين نفسج تطلبين حل للمشكله ,,, ... لانج انتي اصلا ما قاعده تحاولين تحلينها ..

كتبي حق فوزيه الدريع ,, صدقيني بتفيدج وايد... واذا تقدرين اتصلي فيها ... الصبر شي لابد منه
بس لمه تكبرين وتشوفين عيالج صارو نسخه عن ابوهم لا تتحسرين على نفسج لانج انتي الي حطيتي روحج بالموقف هذا ..

تحياتي لج واتمنى لج حياه سعيده
ام جنى

صدقيني غيري طريقة تفكيرك حسسي زوجك انك شخصيه قويه
يعني اهتمي بنفسك عطيها اكبر اهتمام يعني دلعي نفسك لاتركضي وراى متطلبات عيالك وزوجك وتهملي نفسك لاخليك انانيه ايه لابد تهتمي شوفي يوم انك بنت كيف تهتمين وتلبي مطالبك وعايشه بغرور
يعني اعطي نفسك مااقول اهملي بعيالك وزوجك لالا بس لازم تعطين نفسك اهتمام خلي لك مكانه اللتهي بصديقات وجمعات عيشي حياتك وصدقيني الرجل الشرقي يحب المرأه القويه
تغلي شوي ولايهمك لو قال بتزوج وماادري ايش خلي الموضوع عادي
ومثل ماقالوا البنات غيري اللوك تبعك ولاتدلعينه زياده قومي بواجباته فقط واسأل الله لكي حياه سعيد مع زوجك
واهم شي اختي الاستغفار <<<اهم من هذا وذاك

والله ياعزيزتي انا مع تسبيحات

سيبي زو جك شوي اهتمي بنفسك لاتعطيه اكبر من حجمه

وهالنوعيه مع الايام والعشرة يتغير اعرف شخص كان يقول لاتسمع كلام حرمتك

زوجته اثبتت له هي ميييييييين بذكائها وشطارتها ووالله ماسار يسوي شئ الا باذنها

وعن تجربه

لاتقولي زوجي وزوجي عيشي حياتك اعطيه حقوقه بسسسسسسسسسسسس

لايكون هو اكبر شغلك وههمك هم بعد الرجل يحب المرة القويه

وبعدين الله يهديك مايصير تقولين اعطيني كف ومن هالكلام ترى يستحليها يعني الشغله تعجبه

يعني ماتشوفين قدرك عنده الا من خلال الكف

الايام هي تحبب زوجك فيك

واذا قلكك بتزوج قولي الرجال ماعليه حسافه ابددددددددددددددددددددددد

واذا بتتزوج حتى انا بروح اتزوج لو مااخذالاهندي ههههههههههههههههههههه

لاترويه ان الزواج نقطة ضعفك ابد
الرجال مايحب يقول لزوجته احبك ومن هالكلام لكن افعاله تثبت لك هالشئ

ياما طفشت زوجي بهاالسؤال بس هم مايهتمو بهالكلام والفعل ابلغ من القول

ابي اسالك سؤال اخير

كم لك متزوجه والله يوفقك

مشكورين خواتي وربي ماقصرتم

انا اعترف شخصيتي مررره ضعيفه الحين حتى اطفالي اذا قلت لهم مثل مابيكم تسوون كذا يطنشوني ويسئلون ابوهم فيجاوبهم ابوهم عكسي يخالف كلامي يكسر كلمتي قدامهم

احاول وربي اقوي شخصيتي بس اخاف يطفش هو يحب احد يسئل عنه واذا جا استقبله
احسه مايبيني انشغل عنه
وربي مدري نفسي وربي شخصيتي تكون قويه حاولت بس ما اقدر اتراجع بسرعه
شخصيته هو اقوى مرره مني

مع ان لي عشر سنوات متزوجه

السنوات الاولى من الزواج كان شايلني على كفوف الراحه اما الحين تغير وربي ابكي على السنوات الاولى اللي راحت

ادري تعبتكم بس وربي مدري مدري وش اسوي

ما اقدر اقول له وراي سند وظهر لأن كلن لاهي بدنياه غريبه في وسط ناسي وهلي
ياااااااربي رحمتك وش اسوي

يا بنات ترا موضوع تغير شخصيتها او تكون شخصيتها قوية بعد مرور 10 سنوات زواج مرررره صعبة
هذا الشئ ممكن يصير اذا كان لها سنه او سنتين متزوجه بس هذه عشرة عمر يعني مستحيييييل تتغير من يوم وليله بالذات مع زوج شخصيته قويه

انا ما اقول انها تفقد الأمل بس البنت ما لجأت لنا في طرح مشكلتها إلا عشان تبغى حل
انا احترم وجهة نظركم بس من وجهة نظري ان الحل مو بتغيير الشخصيه وتقوي شخصيتها

بس تبدا تحل وتصلح الأمور الثانويه لحد ما توصل للأساس عشان يصير اسهل لها تحله وانا اتمنى انها تصبر وتحاول ولا تيأس حتى توصل للأساس وتحله (انا اقصد الأساس هو شخصيتها)

عشان كذا انا قلتلها الأمور الثانويه الي مضايقتها مثل عصبيته ورده عليها بصراخ قدام العيال ..... هذا مليون بالميه غلط .... لكن الحل السريع هنا انها ما تتناقش او تتجادل معاه قدام العيال عشان ما تنهز صورتها قدام العيال

واذا حصل وصار موقف غصب هنا وقعد يصارخ عليها قدام احد .... على طول من غير مجادله تطلع من المجلس الي هو فيه من غير ما تعطيه اي اهتمام عشان حتى هو يتحرج ويشوف كيف طنشته وممكن يحاول يروح وراها وهو معصب ولما يصيرو لوحدهم تقولو طالما انت تتكلم معايه بهذا الاسلوب لا تستنى رد مني وتعطيه ظهرها ..... والله انه بيموت قهر من هذا الرد واذا صار اي موقف مره ثانيه راح يفكر مليون مره قبل لا يكلمها ....طبعا هذا يبغاله صبر يعني مو من اول مره بيحس بس لازم الصبر

ومثل ما قالو البنات اختي الغريبه المهاجره حاولي انك تشغلي نفسك بعلاقات مع صحباتك او جيرانك
واطلعي من البيت ولا تحاولي انه طول فترة وجوده بالبيت تكوني موجوده ...... لا استأذني منه واطلعي لجاراتك او اهلك او قوليله معزومه عند صحباتي
والله الرجال الأيام هذه ما يحب الحرمه الي بس قاعده بالبيت وشغلها الشاغل هو زوجها وبس زي ماهو يحب يتحرر فتره من زوجته يحب حتى هي تتحرر منه فتره .... وبكذا يصير في اشتياق لبعض وكل واحد يستنى الوقت الي يجتمعو فيه

ترا زوجك يحبك ..... بس يمكن شخصيتك خلته بهذا الأسلوب ..... ابدأي خطوه خطوه لين تحصلي على مبتغاكي انتي وشطارتك (ولا ما قالو ان كيدهن عضيم)