وااسوني,, ساعدوني

انا مشكلتي يمكن ناس كثير مايعتبروها مشكله لكن هي بالنسبه لي مشكله كبيرة جدا جدا بحجم ماتتخيلوه

انا في تشوه في وجهي وهو ضمور مو طبيعي في الخدين يعني عضم وجهي باين من شدة الضمور عانيت هذا الشي من وانا صغيرة وكنت من وانا صغيرة اسمع تعليقات تخلع قلبي من مكانه
لما كبرت فكرت وقررت اني اروح لدكتور تجميل والدكتور ساعدني وسوى لي حقن دهون في وجهي بحيث انه اخذ دهون من جسمي وحقنها في وجهي..

ولأن الضمور كان شديد مرة الدكتور قال راح اخذ اكبر كميه ممكنه من الدهون من جسمك عشان تبقى معك الدهون على طول لأن مع الوقت الدهون تروح وتبقى كميه قليله جدا
والدكتور قال انه احتمال احتاج حقن مرة ثانيه

والحمدلله ماتتخيلوا شلون حياتي صارت صرت احب اروح واطلع مع صحاباتي مع العلم اني قبل ماراوح ولا اجي على طول جالسه في البيت
وصرت واثقه من نفسي كثير



مشكلتي الحين انه عدت تقريبا 6 شهور على الوقت اللي سويت فيه العمليه وتقريبا الدهون اللي في وجهي بتروح يعني راح ارجع مثل قبل ,, راح ارجع للظلمه بعد ماصرت في النور راح ارجع للقبر بعد ماكنت في الحياة

انا مو مشكله اني احقن مرة ثانيه بس المشكله شنو يعني راح اضل طول عمري احقن وانا بعدني صغيرة يعني الحياة قدامي وبعدني ماانخطبت وشلون اذا انخطبت راح اضل احقن واحقن

والمشكله مافي احد اسئله والدكتور اذا سئلته مايعطيني كلام شافي

بس اتمنى تريحوني بردودكم واذا اي احد عنده فكرة او عنده احد من قرايبه سوا حقن الدهون هاذي وضلت معهم عادي من غير ماتروح او عنده دكتور تجميل من قرايبه يطمنوني لأن والله الوسواس ذابحني بجد ومو عارفه شلون اعيش وكل ماراح هالتفكير عن بالي يرجع مرة ثانيه واقول شلون اعيش وانا كل مابين ست شهور اروح احقن وكأني اعبي بنزين كلام يضحك صحيح بس هذا حالي وربي

مع العلم ان جسمي تماام وحتى اكلي صحي
بس هذا اللي صاير معي :(

اتمنى تساعدوني حتى لو بدعاء بظهر الغيب