كيس الحمل والنبض

السلام عليكم حبايبي ..


تني نزلت موضوع من كم يوم اقول فيه اني اخذت تحليل منزل وطلعت حامل رحت المركز اتاكد من الحمل اخذوا تحليل بول وقالوا اليي حامل مبروك وكذا وقلت لهم ايحتااج دم قالوا لا بس بنسوي لج سونار بس مدام نتيجتج حامل خلاص بس قلت لهم لا ابي سونار علشان اتاكد تمام وقعدت وسووا لي وتالي الله يسلمكم قالوا اليي موجود كيس .. لاني اقول شنهو السالفه وشنهو الكيس ققالوا اليي كيس فكرت اني يعني انه كيس ع المبيض والله شي قلت لهم بتشيلونه الكيس قالوا لا موخطر وجدي المهم قالوا بنخليج عندنا هني بس يوم وااحد واني ماحب اقعد بالمستشفى يوم قالوا يوم قلت ما يخالف وقالوا اليي ان عندي التهاب بالبول فحطوا عليي سيلان وكذا وودوني فوق ويوم اللي قعدت عندهم يوم ثاني جت الدكتوره وقالت لي تحسين بالم قلت لها لا اخف يعني لان يوم ياخذون السونار وهي تغط على المثانه لان لازم تكون مليانه شوي حسيت بالم فقالت لي الدكتوره بنسوي لج سونار مره ثانيه للتاكد فرحت بس ماكانت المثلنه مليانه عاد الصدمه تقول لي فيه كيس حمل بس مو جايفين الجنين فاني خفت يعني فقلت لهم الحين اني حامل والله شنهو الا تقول حامل حامل .
عاد ركبت فوق ع الجناح اللي في المستشفى وقعدت اضرب اخماس في اسداس ويوم قلت لوحده من قريباتي متصله الي الا تقول ايه هذا ويااش كيس من جدي ماحملتي الا متأخره شوي ,,تفكر هذا كيس دهني والله شي فرديت عليها هذا كيس مصاحب للحمل .
واني سالت الدكتوره هاي الكيس منه مضره قالت لا كل ماكبر الرحم صغر الكيس وكذا عاد اليوم الثاني ( مسكينه خلوني يومين ) وتالي جت قالت اليي وحده ثانيه لان الدكتوره جتني واني نايمه فجت مساعده مدري شو وقالت الي خلاص تبين تطلعين قلت لها اوكي ابي اطلع قالت اوكي وسالتها شنهو هالكيس يعني خبركم مادري بهالسوالف ااالا تقول الي هذا كيس الحمل وسووا لج سونار وماشافو شي يمكن ماتلقحت البويضه من بعد الدوره مباشره لاني اعتبر الاسبوع السادس بس يمكن مايدرون لان ساعات مو من اليوم اللي جتني بيه الدوره والحين بينطرون اسبوع مدري اسبوعين اذا ما شافوه يعني كيس حمل بدون جنين فاذا نزل عليي دم بيكون مثل السقط :tears:فاني هني واايد واايد خايفه لان الكل درى عني اني حامل وجدي ومو عارفه شنهو اسوي بس تذكرت انييوم اروح اسوي سونار للمره الثايه ماكانت مثانتي مليانهفهل هو السبب والله لاني توني حامل مادري صرااحه متأثره وااايد زنفسيتي تعبانه كلش ..
:tears:
واخذوا مني دم وعندي بعد يومين حق دم وتاي اراجعهم علشان يشوفون هل هالحمل طبيعي والله لا ,,وغير السلان ماجابتهم 7 سيلان يخلص واحد ويحطون غيره اني وحالتي لا توصف زوجي مايدري لانه مو هو اللي جى وخذاني من المستشفى وكل ما سالني قلت له كل شي اوكي اخاف اقول اليه واصدمه خبركم اول فرحه وننتظرها من زمان ,,:schmoll:

ياصاحب العصر زالزما يالله بحق محمد وال محمد ثبت حملي يالله ادعوالي بنات والله النفسيه حدها مو عارفه شنهو اسوي مع اني اشعر بكل اعراض الحمل والنوم واايد وغثيان ودوخه يعني شنو بالله عليكم كل وحده تقول لي كلام ووحده قالت لي لاتروحين لهم وخلهم عنش بيمرضونش زياده ومو عارفه شنهو اسوي في عمري ,,


يالله ماعليه طولت عليكم بس هذا اللي صار معي :tears:,