حتى لا يتزوج عليييييييك

يسلمووو حبيبتي ماقصرتي
فعلا اهم شي هالثلاث اشياء
واتمنى ان شاء الله مايجي اليوم الي نهمل ازواجنا وبيوتنا ونفسنا بعد

الله يبعد عنا الزواج الثاني

ويخلينا حق بعض

وتسلمين حبيبتي عالنقل

والله كلامك صحيح 100%
لاني كتير اسمع انو يرد يزوج زوجته مومحترمته
او مابطيعوا

فعلا هذ اهم الاشياء الي تخلي الزوج يتزوج على زوجته

والله مب شرط

لان شي حريم يطبقون هالنقاط واكثر بكثيييييييييييييييييير

بس رياييلهم يتزوجون من وحده وثانيه وثالثه ولا يملي عينهم غيرالتراب

وفي العكس وايد حريم مقصرين بكل شي
ومع ذالك رياييلهم ما يفكرون مجرد تفكير بالزاج من الثانيه

يعني يعتمد عالرجل
وفنفس الوقت كل هالنقاط مهمه لوايد رياييل لمنعهم من الزواج من الثانيه


يعني الرياييل انواع واشكااااااااااااااااال والله يعين

يسلمو عالمرور

واحد من قرايبنا زوجته مافي مثلها

جمال واحترام وتقدير واهتمام وخضوع للزوج وحتى وهي معانا دايما تقول الرجال له احترامه مهما كان انتي حرمه وووووو....الخ ، يعني لو يسمعها رجال من برا كان قال هذي المرة السنعة..

لكن زوجها راح وتزوج عليها ثانية ومع ذلك ماتقول عنه الا كل خير قدامنا وتحبه تموت فيه وزاد اهتمامها فيه اكثر من اول وصارت تحترمه اكثر من اول..يعني تحترمه بذمه وضمير قدامه زي وراه مو تمثل عليه او تصطنع..

والله عطاه الزوجه ثانية مثلها بالضبط..يعني مع هذي مدلل ومع هذي مدلل..كل وحدة تقول الزود عندي من الدلال..

وفي الأخير:

يروح يتزوج عليهم ثالثة...والبنية الجديدة مسكينة طيبة وتحاول تقلد زوجاته اللي قبل..

وفي الاخير تزوج الرابعه وكم شهر وطلقها لأنه يقول انها قصيرة ولا البنت والنعم منها ويوم راح يشوفها النظرة الشرعية كانت لابسه كعب كثير عالي ومطلولة الفستان كثير فمش مبين طولها الحقيقي ولا مبينة علاوة الكعب اللي لابسته ..ويقول انه ماظلمها يوم طلقها لانها خدعته وان قصرها مو طبيعي..وانه مو قادر يتقبلها بالطول هذا..

ويخاف يجيب منها عيال وينربط فيها ولا يقدر يطلقها بعدين.. خاصة انها الرابعة ولا يقدر يتزوج بعدها ..فقال اطلقها احسن

والآن يدور على رابعة بديلة..وزوجاته ميتين من القهر والغيرة وقاعدين يتنافسون مين ترضيه اكثر ومين تدلعه اكثر..ويخططون مع بعضهم شلون يشغلونه عن الزواج من الرابعة.وكل وحدة توصي الثانية انها ماتقصر معاه وان لازم يلقى عندهم اللي يغنيه عن الزواج الرابع..والله اني اذا شفتهم اموت ضحك عليهم..

ورغم انه محظوظ بزوجاته الثلاث..الا انه يقول لهم انا للآن ماتوفقت في الزوجة اللي ابيها..

لاحمد ولاشكر يكفي ان زوجاته زي الخوات ولابينهم مشاكل .. وحياته مستقرة رغم وجوده بين 3 زوجات..اللي غيره زوجه وحدة ومو خالص من المشاكل وعوار الراس..

اصلا الاولى بس لحالها كان الكل يحسده عليها من سناعتها..لكن شنقول الشكوى لله

مو كل الرجال ينفع معهم هالاسلوب بعضهم يعتبرونه ضعف في المرة ويستغلونه ضدها

اهم شي ان المرة تقوم بواجبات زوجها اللي رب العالمين بيسألها عنها يوم القيامة..وان كان والله يستاهل ويقدر لها اللي تسويه..تعطيه الاكثر والاكثر لأنه بالأخير بيرجع لها..

لكن لو كان انسان لئيم وبيعتبره ضعف وبيذلها بالشي هذا وبيستغله ضدها..فهالانسان مايستاهل..يعني تتعامل معاه بميزان الشرع علشان ترضي ربي العالمين وبس وتبين له الشي هذا ..

تخليه يعرف ان حتى الاشياء هذي هي جالسة تسويها علشان ترضي رب العالمين..مو جالسة تذل نفسها فيها او تقلل من قدرها ..

يعني الرجال مو واحد كل زوج له اسلوبه ونظرته ..

ولازم الوحدة تعرف اسلوب زوجها ونظرته للامور هذي علشان تعرف تتعامل معاه وتلعبها صح..

والله الامور هذة سهلة وفعلآ اذا طبقناها نقفل عقولهم عن التفكير بالثانية
ومشكورة على هذا الموضوع الرائع

3 امور تكمل بعضها و تصير مثل الشبكة .. و لو نقص واحد منها انتهت السعادة الزوجية !

اشكرك !

انا اشوف ان الريال ماحد بقدر على راسه اذا يبا الزواج وحطه بباله ماشي بيمنعه لو شوه تسوي الحرمه
ومشكووووووووره ع الموضوع

يسلمو يالغلا

يسلمووو حبيبتي ماقصرتي
فعلا اهم شي هالثلاث اشياء
واتمنى ان شاء الله مايجي اليوم الي نهمل ازواجنا وبيوتنا ونفسنا بعد