اختي خانت زوجها

السلام عليكم ورحمة الله وبركاته

كيفكم خواتي عساكم بخير انا من كثر ما انا حاسبه حسابكم مش عارفه كيف بدي احكي قصة اختي الي كاسرة خاطري بس يا ريت بطلب من كل الاخوات في المنتدى سمعو القصة وبعدين يحكمو عليها المهم خليني ابدأ بالموضوع وكلمكم عن بعض امور حياتها الي صارت بينها وبين زوجها وبعدين بكلمكم عن المشكلة طبعا انا بدي اختصر لاني صعب اكتب كل اشي ويا ريت لو في عندي وقت كان جزءت مشكلتها اجزاء من كثر الاحداث المهم هي متزوجة من خمس سنوات حابه اذكركم انا من فترة كتبت مشكلتها مرتين وللاسف لغاية الان ما لقينا حل وبحاول ادور على حل يا ريت تساعدوني اكثر وتهتمو في المشكلة اكثر خليني اكمل متزوجة من خمس سنوات وعندها 3 اطفال ولدين وبنت واعمار اولادها اصغار يعني لكبير عمره 3 سنين وسبع شهور والبنت عمرها سنتين وسبع شهور والولد عمره عشر شهور هي موظفه وهي كمان اصغر من زوجها بيبع سنوات اكيد اتذكرتم مشكلتها وهي كانت موظفة من قبل ما تتزوج وظروف اهلي الصعبه هي الي خلتها تستمر بشغلها طبعا كانت اتساعد اهلي باجار البيت ومصروف البيت لانها كانت عايشة هي وامي لحالهم والدي متوفي من زمان وكل خواتي متزوجات حتى الاصغر منها متزوجات وعندهم اولاد الحمد لله كانت تحب الخير النا احنا خواتها طبعا العمرمضى وصار عمرها 30 وتعرفت على زوجها معرفة بطريقة الصدفه وحبته 5 سنين بس ظروفه ما كانت تسمح يعني وضعه مش كثير المهم خلال فترة معرفتها فيه صدقوني ما اتقدملها حدا عشان هيك رضيت بحبيب القلب اهون ما تعيش لحالها طبعا الوالدة طبعا الله يطول عمرها مش دايمه الها وكلنا شجعناها وتوكلت على الله المهم بعد ما اتزوجت ساعدت زوجها واخذت قرض عشان تكاليف الزوج طبعا مش كلها بس تكاليف الذهب لانه الذهب راجع الها قالت مش مهم وهو كثير بحبها وهي كمان صدقوني كان يموت فيها المهم بعد الزواج سكنت عند اهله بغرفتين وحمام ومطبخ تسوية يعني اي كلام مؤقت على اساس انو يتغير وضعه وتطلع من عندهم لانه البيت خرابه مش كويس ومش صحي المهم اهله كانو يدخلو كثير بحياتهم وبعد سنتين اختي رحلت من عندهم وسكنت لحالها بعيده عنهم شوي المهم زوجها من قبل ما ترحل عن اهله وهو اتغير كثير مش زي زمان كان يحبها موت هلا حاسه انو اتغير والمشكلة كل ما تمر الايام بتغير اكثر ما بحن عليها ولا بساعدها ومحملها مسؤولية اجار البيت والمربية والكهرباء الماء ومصروفها ومصرف الاولاد هو بس متحمل مصروف الاكل وحليب الاولاد والفوط بس غير هيك هو مش سائل المهم هو كان مديون لواحد من قرايبه كان عليه شكات مبلغ كبير طبعا صار يهدده انو يبحسه اختي طبعا ما رضيت لزوجها انو ينحبس راحت اخذت قرض من راتبها وسددت الشيكات على اساس هو يدفع من راتبه قسط القرض لانه راتبها ما بكفي وافق هو على اساس هو يسدد طبعا سدد شوي وبعدين بطل وهي اتورطت مع البنك ومع المربية ومع اصحاب البيت وهو ما دخله لانه راتبه على كلامه ما بكفي المشكله بعد فترة اختي اكتشفت انو جاب سيارة بالقسط على راتبه وزاد الطين بله صارت مشكلة كبيرة بينها وبينه وحكالها انتي شو دخلك انا بعطيكي قسط البنك من العمولة طبعا كله كلام في كلام يعني بدال ما ياخذ قرض يسدد الدين الي على اختي راح اخذ قرض تاني عشان يركب سيارو قدام الناس وهي تروح مواصلات وتتشرشح بالمواصلات خصوصا انو الطريق بعيدة كثير سامحوني انا طولت عليكم

المهم اختي رضيت بالامر الواقع وقالت بدي اشوف اخرتها معاه والله اختي من كثر المسؤوليه صار عندها وجع في ظهرها يعني قرب يصير عندها دسك بظهرها المهم هو ما بسال عن اختي او بحس فيها مثل الغريب كانه مش عايش مع انسانه كانها حمارة جاي بس للشغل والخدمة وترربية الاولاد وبس عشان مصلحته بالفراش لاكن احساس امان هذا كله مش موجود كل يوم بتروح من شغلها تعبانه غير تربية الاولاد ومشوار الطريق لا تحكو خليها تترك الوظيفه صعب لانه البنك بدو منها فلوس المهم حاولت اكثير تتقرب من زوجها على اسا انها تلاقي راحه ما خلت ولا طريقة بتقرب منها بس بالفراش وبس حاولت تتطلب منه السيارة رفض اتخيلوا بخليها تروح مواصلات وهو بروح بالسيارة على دوامه وهي الله لا يردها طبع هي مخلصه كثير وعمرها ما فكرت اتخونه بس الحياه بدها احساس وامان وهي صدقوني مش عايشه هذا الاحساس الى ممكن يخفف عنها تعبها المهم اتعرفت على انسان بطريق الصدفه طبعا وهي رايحه على الدوام اتفقت معاه انو يوصلها شهري بدل ما تروح مواصلات كل يوم بتروح معاه على الدوام هو صاحب سيارة اجرة عمومي وهو كثير كويس شعرت معاه بالامان والراحه والاحساس وهو حاس فيها اكثر من زوجها يا خواتي هاي انسانه من لحم ودم محتاجه الحنان والاحساس طبعا انا ما بحكي انو لازم الدور على الحنان برا بس صدقوني هي كثير مرتاحه مع هذا الانسان بكفي انو بسمعلها وبتفضفض معاه من كثر الضغط الي عندها انا بعرف انو هي غلاطانه بس شو بدها اتسوي وانا حذرتها انها تترك هذا الطريق بس هي تعبانه وانسانه ظعيفه طبعا هذا الشخص بتشوفو كل يوم وبتحكي معاه على الجوال . خواتي ارجوكم بدنا انساعدها ما نلومها هي بضيقة ما يعلم فيها الا رب العالمين خصوصا الديون الي صارت تتراكم عليها من كل اتجاه وزوجها ولا على باله راكب سيارة ومش سائل. ولا بفكر انو يساعدها او يوقف جنبها لانها هي ياما وقفت جنبه كثير وعمرها ما اتخلت عنه وهي بتحب زوجها كثير بس هو مش معطيها مجال انها تكون جنبه الخيانه صعبه عليها كثير وهي محطمة بزيادة بسبب الي صار لانها عمرها ما فكرت انها تخون. هي بس محتاجه الحنان والامان الي ما لقته عند زوجها الي حاولت معاه كثير عشان يكون جنبها ادعو انو الله يفرج همها ويسريلها الطريق الصحيح.