ممكن دقيقه

شكلكم خفتوا من العنوان ..بصراحه انا عضوه جديده ودخت وانا ادور محل الترحيب حتى اكتب فيه كيف عرفت المنتدى وكيف ان المنتدى من جد شدني ..بس مالقيت

على فكرة لا يغركم معرفي تراي دبا اخوف ..المهم ياحبيباتي انا طالبه مساعدتكم زوجي سافر ومو جاي الى بعد 25 يوم وابي تعطوني فكره جديده اسويها له لما يجي ان شاء الله ..و محدثتكم في سفرته العام الماضي مسويه حركات بركات فا تبي شيء جديد بليز

وبما إني حبيتكم وان شاء الله تحبوني مثل انا ما حبيتكم ابعطيكم تفاصيل حفلة العام بالتفصيل الممل ..حتى تعطوني فكره غيرها ..

يالله خليكم معي قبل ما اقول شيء ..ابقولكم اني بعد ماكتبت كل شيء وجيت ابرسله قالي مادخلتي اسم المستخدم وراح ومسح كل الي كتبته صراحه انقهرت بس ما عليه تعبكم راحه ..

العام زوجي مثل هالوقت بالظبط سافر بشغل وماراح يجي الى بعد عيد الاضحى 4 ايام ..المهم بديت استعد من سفرته لما رجع ..في البدايه شريت مفرش السريري وحطيت ورد كأنه طبيعي على السرير احمر واصفر ..وحطيت طاوله على جنب عليها مفرش ساتان احمر وعليه ورد وفيه على جنب صندوق شريته جاهز من حق الهدايا مكتوب على باب الصنوق من برى اغنية ماجد المهندس والله واحشني موت والصندوق كان مخمل وجوى الصندوق فيه صورته جوى برواز زجاجي ودبدوب وورد كثير وشموع ..والارض مليتها شموع والتواليت بعد حطيت فيه شموع وفواحه والغرفه طبعا فواحه وبخور ..وجبت ورق مقوى احمر من مكتبة جرير وقصيته على شكل قلوب وكتبت كلمات حلوه بالصمغ وجبت لماع ذهبي وفضي وقبل ماينشف انثر الماع على الصمغ بعدين يلصق ويصير شكل الكلمه مررره حلو ..ومن كل الجهتين طبعا جهه فضي وجهه ذهبي والكلمات مثل احبك اموت فيك اعشقق اهواك وكلام مثير وغيره ..بعدين خرمي من اعلى القلب ودخلي فيه شريطه ساتان حمراء وبعدين دخلي كرت ثاني بعدين ثالث وبينهم مسافات طبعا ولصقيهم على السقف سويت كثير ان شاء الله فهمتوا الحركه ..بعدين شريتله هديه وهي عباره عن قماش شتوي حلو وكان غالي وحطيته بصندوق وغلفته وشلت ملابسه من الدولاب وحطيت الصندوق فيه ومليته بالونات حمراء وسكرته ..بعدين مو على طول قلتله عن الهديه سويت كروت صغيره وحطيت كل كرت بمحل بالغرفه تدله على الهديه ,,حطيت على الطاوله الي فيها الصندوق وكتبت فيها ،، فيه هديه لك بس دور عليها زين،،الكرت الثاني يمشي شوي ويلاقيه على التلفزيون مكتوب فيه وانت تحسب انك راح تلاقيها بهالسهوله معليش دور عليها ثاني ..الكرت الثالث لا امشى شوي يلاقيه ومكتوب فيه سوري قلبي ودي اعلمك بس ما اقدر شوف كرت ثاني يمكن يدلك ..ويمشي شوي ويلاقي كرت رابع مكتوب فيه خلاص والله ابوس التوبه ((كلمه شاميه ))راح اعلمك مكانه شوف الكرت الي بصدري اليمين وتلاقيها ..وفيه كرت خامس بصدري اليمين مكتوب فيه تبي الهديه بوسني اول وتلاقيه بصدري الشمال اكيد فهمتوا وش اقصد بصدري ..بعدين يلاقي كرت سادس مكتوب فيه كل عام وانت بخير ياقلبي افتح دولابك ..فتح دولابه وطاحت البالونات عليه وشاف الصندوق ..وحتى بناتي يخططون مثل امهم اقترحوا انهم يجيبو سله فيها ورد وينثرونها على ابوهم اول مايدخل وفعلاً سوينا كذا ..وشريت لهم الي تفرقع ويطلع الوان كثيررره شريتلهم 3 كل وحده معها وحده وخليتهم يمسكونها عند باب الشارع وهو يبي يدخل وفتحوها عليه ..وطبعا انا لبسه ومستعده وبناتي ومجهزه الحلى والقهوه والعشاء ..والعشاء كان بالصاله واناوياه بس بدون البنات متفقه معهم :21_133: وحطيت الطاوله المدوره وحطيت عليها مفرش وصحون التقديم ومناديل تقديم وغيره بعدين الاكل حطيته على طاوله ثانيه كأنه بوفيه ياخذ ويجي يجلس على الطاوله والشموع بكل مكان على الطاوله الشموع كانت جوات فلفل الرومي اكيد تعرفونها هالحركه تشيلي راس الفلفل بعدين تفتحين من جوانبه فتحات صغيره معينات او قلب وتحطي الشمعه جوى الفلفل وتشغليها يطلع شكلها شي ..العشاء عباره عن اوزي ولبن بخيار ومحاشيء وورق عنب وتبوله كله متعب ويوتر ..المهم تعشاء الرجال التعيبان وراح بسابع نومه عليه بالعافيه كنت ناويه اشغل اغنيه بس قلت توه جاي بالسلامه من سفرته وماشيء خط 8ساعات وكنت حاطه ايدي على قلبي بس خايفه عليه واروح اشغل اغاني بدال ما اقول الحمد والشكر لله وحده على وصلته بالسلامه ..وهو بعد مو حريص ابد على الاغاني ..وبس يارب تعجبكم حفلتي وتساعدوني بشيء جديد وشكلي هذرت واجد السموحه منكم ..كان ودي لو فيه صور انزلها لكم لكن ماصورت إلى فديو ..لكن القلوب الي بالسقف من العام ماطاحت توها تطيح وباقي وحده للحظه اصورها لكم وانزلها

http://go.3roos.com/q28wezuixnm