احمل ولالا..؟

والله انا اليووووووووووم كنت ناويه احط هالموضووووووووووووع

انا نفسج زوجي يحن علي ليل نهار

يقول لي هذي اخر شهر تاكلين فيه حبوب لان نمور هالشهر بيكمل السنه

وانا وااايد تعبانه ماقدر احمل عليه على طووول

كل يوم اصيح من التفكير ومهمووووومة

احس ان بهالطريقة بنعيز بسرعه

اذا جبنا عيال ورا بعض

الله يكون بعونك ...........
صحيح تعب بس احتسبي الاجر وإذا كبروا بينفعونك باذن الله

حاسهب معاناتكم

بس تصدقون الحين لما اشوف اليهال يكبرون مع بعض احسه وايد اريح للمستقبل ..

باجر بيكبرون كلهم وتضلين باقي حياتج مرتاحه لاهم ولاعيال ..

بتنضغطين الحين بس بعدين ان شاء لله مرتاحه ..


ام زوجي الحين وحتى امي يابونا دفعه وحده والحين اشوفهم ابدا مو هامهم غير وناستهم ..من بيت لبيت وللصالون رايحين رادين .. وينامون متى مابغوا .. يعني حياتهم من جد راحه ..

الله يوفقكم..

الله يوفقكم في حياتكم ان شالله

بس انا اشوف انه عيالج صغار بجعة ..

بالذات انج يبتي ماشالله اول اثنين ورا بعض .. يعني خلي لنفسج راحة ..

صدقوني الرياييل جي حتى لو وافقتي ويبتي الثالث .. عقبها بيقول ياللا ابا الرابع هههههه

يعني لو عندج واحد صح معاه حق لكن ماشالله احلى شي اذا اول اثنين مع بعض يكبرون ...

اتريي سنة على الاقل او 6 شهور واقنعيه بصحتج ..

ام نموري بعده حرام صغيرون خليه على الاقل يوصل سنة ونص

بتخلوني اشك في ريلي هههههههههه .. عمره ما يفتكر بالحمل .. انا الي حنيت وقلت ابا لو ما قلت اظن عادي تمينا سنة زياده هههههههه

السلام عليكم ورحمة الله وبركاته

لا يكلف الله نفس الا وسعها ... والسالفة هذي لازم تتم بتفاهم بين الطرفين .. يعني هم كل الي عليهم يقولون يبون واحنا يا الحريم نتحمل الحمل والولادة والتعب بالتربية بعدين سهر ومحاتاة وشطانة وووووو ويهالج ورى بعض الله يخليهم لج ع الاقل نطري سنتين ليما ترتاحين

جذي حتى الجسم يتعب ...وبدنج عليه حق منج ... الرحم يتأذى اللهم يا كافي ...

حاولي تقنعينه بالمنطق و ان الوحدة بالحمال لازم تكون مرتاحة وانتي حاليا مب مرتاحة واليهال يبي لهم تربية ومداراة .. وان انتي اول ما تجوفين نفسج قادة ما يصير خاطره الا طيب

انا زوجي كان مصر قبل سفرته اول ما يرد من دراسته يبي الثاني يعني يكون ولدي كمل سنتين بس بعد قلت له لا بانطر لين يكمل فهودي 3 سنوات ان شاء الله


في أمان الله

انا عندي بس عيال اثنين .. والفرق بينهم اكبر من الفرق اللي بين عيالج ، وما افكر احمل الا بعد ما يكمل الصغير 5 سنوات وساعات اقول اذا كلش يعني حنيت للحمل وصار خاطري في بنوته بفكر احمل لما يكمل حمود 3 سنوات او 3 سنوات ونصف لكن قبل 3 سنوات مستحيييييييييل لاني ابغي ارتاح واكمل دراستي وان شاء الله اتوفق واحصل لي وظيفة زينة ..


لكن زوجي من فترة بسيطة ما شفته الا يطالع حمود وحسون وهم يلعبون ويفكر .. بعدين فاجئني وقال اذا كمل حمود سنتين او سنتين ونص بنفكر في الثالث قلت له ليش ؟؟ الا يقول مو حلو البيت مو دون ياهل صغيرون :schmoll::schmoll:لكن انا احس ان زوجي عادي يعني اذا انا رفضت ما راح يحن في هالموضوع .. مع فكرة ال5 سنوات فرق بين حمود والطفل الثالث فكرته هو من البداية:whistling:

طبعا انا قلت له شيل هالشي من بالك:surrender: انا بصراحه اثنينهم ومب قادرة على تعبهم وجسمي بعده تعبان من الحمل والولادة واعصابي تلفانه منهم اثنينهم ..



لكن في النهاية كل وحده وظروفها .. حاولي تقنعين زوجك وتتفقين معاه على حل يناسبكم اثنينكم ، وان شاء الله ما يصير الا كل خير :flower:

اذا زوجك يبغا تحملين ومو راضي بأي عذر تقولينه
معناته ما بيوافق انك تاخذين او تسوين موانع
الله يكون بعونك..
اهم شي قبل الحمل الراحة النفسيه
وتقبل الحمل منك انتي مو من زوجك!!!
أنا زوجي أمس بس قلت له عن مزحه
أبا أحمل بس تكمل بنتي سنتين
قااااااااااااااااااااااااااااااال..
أكبر مجنونه إذا تسويهاخخخخخخخخخخ
مو موافق الا لين تكمل بنتي 4 سنوات
يقول ما يحب الازعاج
حتى لو ما عندي الا ولدين بس خخخخخخ
الله يكون بعوننا ..

هل ظروفكم الماديه تسمح عندك شغاله اوكي احملي اذ عندك احد يساعدك اهلك واهل زوجك
بس اذ ماصار عندك ها الظروف لاتحملي الحمل صعب اذ مامعك احد يعينك

السلام عليكم ورحمة الله وبركاته..
قريت مشكلتك ما حبيت امر بدون دعاء... ربي يسهل امرج ويتفهم زوجك لحالتك..

مثل ماقال ست الغتادير وياها في النقطة

اختى الله يعينك و يعين اولادك لانك انتى تعبانة و اوالادك بعد انا عندى بنت واحدة و مطلعة عينى بس اذا زوجك مصمم خلية يجيب لك شغالة و احملى يعنى مو شرط الشغالة علشان تربى اولادك بس تساعدك وعلى ما يتم حملك تكون بنتك كملت سنتين ان شاء الله بس اهم شى الحمل يكون ما فى تعب لكى يعنى لازم شغالة لان للاسف رجاجيلنا يبغون عيال لانهم ما يتعبون قدنا ولا يحسون بتعبنا و الله يعينك و يعينا يارب

هلا بجعه الصراحة انا احس ان بنتج لحد الحين صغيرة فديتها انطري على الاقل كم شهر على الاقل لحد ماتكمل سنة ونص وبعدين احملي...
والله يقدم اللي فيه الخير ان شالله

بصراحة الاطفال يبي لهم مداراة وعناية واذا صاروا ورى بعض يأذون انتي لهذا لو هذا لو ذاك والنفسية تكون زفت

تكلمي معاه بالمنطق قولي له انت ماتبيني اتفرغ لك شوي ومن هذا الكلام قولي له اذا جبت الحين بيصير وقتي كله للاطفال

لكن من جد الله يكون في عونك الله يهديه عليك ان شاء الله

كلام البنات صحيح وانتي ادعي ربك يعينك انتي ماراح تقطعي الانجاب والعياذ بالله اني ودك تنظمين وهذا من حقك وربي يسهلك

[GLOW="FF6633"]الله يعينك والله يفرج همك[/GLOW]

بجعه فيه صيحه ليش الرياييل ما يفكرون فينا؟! وين حقوق الانسان عنهم؟؟

لا تستعيلين يا بجعه بتتعبين وفهمي ريلج والله يسخره لج

لاااااااااااااااا بجعة لا تيبين لازم تقنعين زوجك

انا عندي ولد عمره 3 سنوات و4 شهور
وما افكر الحين كلشششش وزوجي ما اخليه يفكر في هالموضوع لانة صدوقي اذا يجنني احده على ابوه ويأذي ابوه اذية وبعدين اساله شفت صدوقي اشلون يغربل بتقول تبي عيال يقول اذا مثل صدوقي اكيد ما ابي

ومخططين ما نييب الثاني الا لين صدوقي يروح المدرسة لانة تعبببب ما ينوصف

وحتى اختي ام نمور حاولي باي طريقة تقنعين زوجك لانة العيال على بعض ماساااااااااااااااااااااة

ربي يسهل امرج ويتفهم زوجك لحالتك..

نطري بنتج لما تكبر اشوي وبعديين فكري في الثالث وحاولي تقنعينه الحمل والولاده والتربيه مو سهليين
وفهميه وخليه اشوف معاناتج شلون مع عيالج والجسم لاازم يرتااح والله يعينج ويوفقج انشاء الله
انا عندي بنت عمرها 6 شهور وما ابي احمل الا لما بنتي تكمل 4 سنوات على الاقل لانه تعب تعب تعب تعب
تحياااااتي