اشرايكم في حليب نان 1 اللي تستخدمه تدخل

رفععععععععععععع

انا كنت استخدم سيميلاك

وعقب غيرته وخذت نان واشوفه وايد احسن واخف

بس بخصوص الذكاء والله ماعندي فكرة للاسف

ان استخدمت نان لبنتي ووزنها كان ثابت:surrender: مايزيد وكانت ترجعه وسبب الها امساك وغيرته لسيميلاك لان الدكتور نصحني به والحمدالله ماشي معاها:shiny:

ماحبيت ادخل وماارد .. انا استعملت لبنتي S26 وبعدها بروميل ... بس حسيت بروميل تقيل على بنتي ... وغيرته لصحة من يومين ... للاسف مااستعملت نان ... بس سوي بحث في المنتدى باسم نان راح تلقي اراء البنات وتجاربهم

استخدمته حق ولدي

بصراحه مشى معاه وحتى ماكان يرجع الا الترجيع الطبيعي يعني مره في اليوم

وصحته ماشالله واااااايد زينه ماكان ضعيف ولا كان دب جسمه طبيعي

وهو اقرب حليب لحليب الام خفيف على المعدة

بس ترا كل ياهل يختلف عن الثاني

شوفي شاللي يمشي مع بنتج واستخدميه لها

والله يخليها لج

اني استخدمتة الى بنتي ما ناسبها و حتى وزنها ما زاد و الدكتور قالي الية وزنها ناقص و كان برازها اخضر بعدين غيرتة صارت زينة و حليب نان في حديد اضافي و الطفل من 4 شهور يحتاج الى حديد احسن الواحد ياخذ حليب بدون اضافة حديد بعد 4 شهور ياخذ بزيادة الحديد

انا ستخدمته من قبل واهو اقرب حليب مطابق لحليب الام بس مااعتقد الذكاء له علاقة بنوع من الحليب الذكاء بعد ماتكون نعمه من الله انتي تنمينها في عيالج

أستعملت نان وما زاد وزن ولدي وقال الدكتور ان نان خفيف كثير ودائما اسمع ان نان مع الرضاعه الطبيعيه يكون ماشي

انا بعد استخدم نان1 بس ما زاد وزنه وعنده امساك

مشكورين حبايبي

الله يسلمكم انا استخدمته لبنتي 20 يوم من جبتها بعدين صادها امساك وبعدها صادها امساك بس في البدايه كان ماشي اوكي

وبعدين غيرته ل 26 وبعد امساك وبعدها غيرته نان منخفض التحسس ونفس الشيء وبعدين غيرته لأبتاميل كمفورت

يعني لعبت بمعد بنتي لعبه بس شاسوي كله من الامساك واللحين افكر ارجع لنان 1

شتنصحوني اسوي لنه خلاص تعبت ودار راسي والله

فيدوني الله يخليكم

النوري


خلج على نان
بس خففي كمية الحليب البودرة
يعني اذا مكتوب على العلبة 4 حطي 3 وشوي او 3
يعني الماي يكون اكثر

وعطيها ماي ضرووووووووري
واعشاب ميلوبا
ومنقوع التمر
شكلي لها كل يوم شي

بس لا تغيرين وايد حرام
خلج عليه وعطيها هالاشياء
ومسدي بطنها شوي

وماتشوف شر نفنووفه

انا استخدمت نان لبنتي وما ناسبها وغيرته واستخدم S26 وناسبها الحمدالله
بس بقولج مافي حليب مقارب لحليب الام كله كلام فاضي وكل الحليب الصناعي نفس الشي بس اختلاف في اللون والطعم

ما انصحج تغيرين على طول لها الحليب لانه معدتها ما تستحمل

انا ولدي الكبير جدا ناسبو لكن الصغير كان بيموت منه بس يبكي ماينام لا ليل ولا نهار لغاية ماغيرتو لسيميلاك وبرضو ماناسبو واخيرا ارتاح ولله الحمد على اس 26 وبعد ماتم ال6 شهور بديت معاه المرحله الثانيه وهوبروميل

انا استخدمت لولدي نان 1 لكن البراز تكرمين كان لونه اخضر فغيرته لابتاميل 1 وماشاء الله حسيته نفخ ولدي شوي

تبغي الصراحة يا النوري بقولك تجربتي ويا نان ، جربته ويا المهند وما شاء الله ربربه واستوت صحته زينة فديته وما شكيت لا إسهال ولا إمساك منه ..

والحين مع بنتي بعد أستعمله والحمد لله ماشي معاها أقصد لا إمساك ولا إسهال بس أبد ما ألاحظ وزنها يزيد أو بالأحرى ما ربربها ( شفتي كيف مو كل الأطفال نوع واحد ) .. ومرة من المرات إختفى نان من أسواقنا وإستخدمت لها سيميلاك وجاب لها مغص وإمساك المسكينة وخلاص كنت بجن لو ما شفت نان من جديد والحمد لله رجعوه وهذا أنا أستخدمه لها ومواصلة عليه .

أحسه خفيف على معدة الطفل .. وما راح أحاتي النفخة دام إن صحتها زينة وماشي معاها تمام وعلى زيادة الوزن الحين بديت شوي شوي أدخل لها وجبات مع حليبها والله يتمم على خير .

امي تقوول اني يووم كنت بيبي كانت تستعمل معاااي نان

واللحين انا اعطي عيالي منه وجدااااااااا كووويس لكن عيبه الوحيد انو الطفل لمن يطلع الحليب يكووون ريحته شووي قوويه

انا اعطيت بنتي لكن ولدي المستشفى كتب له سيميلاك

وكل طفل يختلف عن الثااني

الحمدلله
ماشاء الله
استخدمت نان وكان ماشي مع بنتي
والدكتور الي نصحني فيه بصراحة
ومشيت عليه

مرحبا انا ام راشد واستخدم لابنى نان ومنيح الحمداللله بس انا سالت الدكتور انو اي احسن نوع حليب قلي انو كلو مثل بعض اهم شي يناسب الطفل ما له علاقه بذكاء انتى لازم تقري شو يلي يساعد علا ذكاء الطفل اقرئي قصص الطفل يفهم كل شي وشكرا اتمنى انو فدكم في يلي اعرفه

بالصراحه انا كنتاستخدمه وفي كل مره اشتريه والله وربي ما كذبت كل اشوف فيه سوسيعني دود صغير واحاول اقنع نفسي وبعدين امي اكتشفت وغيرته الى ولدي وصرتاستخدم بي بلأك