حمل ........ولكن

استغفر الله العظيم!!! حبيبتي هذي نعمه من الله تعالى لا تقولي مو بفرحانه ومدري شسوي ربي بيعاقبك ...صلي واستغفري وقولي احمدك يارب غيري يتمنى...والشغل والمراكز مو اهم من بيتك وشوفة طفلك حرام وش ذنب الطفل في اهل مو فرحانين فيه؟؟ ربي يعينك وبالتوفيق

هلا حبيبتي

استغفري ربك.. تتوقعين ان احنا الحوامل.. ماورانا اشياء نفكر فيها؟
انا موظفه .. وعندي شقه .. بس فوق راسي وراس زوجي ديون وش قدها! ماقعدنا نفكر بعد مانخلص ديونا بنكون عايله..


حبيبتي مافيه طفل يجي للدنيا الا برزقه معاه من السماء.. حطي هالشي في بالك..

بعدين ماعليك من امك او اي احد ثاني.. الحياه حلوه مع الاطفال!! وحتى لو كنتي توك متزوجه.. هذي نعمه من نعم ربي عليك! ومايجوز ترفسين النعمه برجلك!


حبيبتي انتي الحين لكي 5 اسابيع و 3 ايام حامل!

أول شي ببارك لك على الحمل
وصلي ركعتين شكر لله لانك حامل والله احلى نعمة على المتزوجين
واحلى شعور للبنت
وانا حملت من اول دورة بس باموت من الفرحة
الله يتمم لك على يارب ولك الحوامل

ان شالله

مشكورات رفعتوا شوي معنوياتي


استغفر الله




loneliness

كيف اعرف احسب

يعني انا الحين شهر وشي حامل !! والله على بالي اسبوع

هلا حبيبتي

بالنسبه لشلون يحسبون الحمل.. فهو غريب شوي ترا.. والحساب يصير عن طريق اول يوم دوره لك..

فـمن 10/24 - 11/24 هذي 4 اسابيع .. والى 11/28 هذي صارت خمس اسابيع.. واليوم 12/1 وهذي صارت 3 ايام!

اختي استغفري منو منا مايحب الاطفال .. كل شي صغير وكتكوت .. ولبس وتعديل مثل العروسه الصغيره
انا اول ما حملت تفاجأت لاني انا وزوجي مقررين نصبر اشوي و بصراحه خفت اصارحه بس يوم عرف طار من الفرحه وانا فرحت اكثر .. والحمدالله العرايس الي في المنتدي كلهم على قلب واحد ويساعدون وايد والله استانس يوم ادخل المنتدي احس استفدت وايد من خبراتهم و يرفعون المعنويه بعد ..
انتي استانسي وان شاء الله شي حلو صغير كتكوت بيج وبتحسين ان الحياه حلوه
الله يسهل علينا جميعا

استغفر الله العظيم من كل ذنب عظيم ..

عارفة يا اختي وانا مريت بهالشعور .. انا حملت من اول شهر لي وانا طالبة في بداية دراستي الجامعية وكنت مو متهيأة ابدااااااااااااا للحمل الولادة والظروف كانت صعبة وبعدين شقتي اصغر من شقتك وزوجي كان في وظيفة غير من قبل وكان راتبه على القددددددددد حتى اني لما قربت ولادتي ما كانت عندنا ميزانية كافية لتجهيز اغراض الولادة فاضطر زوجي انه ياخذ سلفة من البنك بس علشان نجهز البيبي :(
وكنت بعد ما احب الاطفال ابدا والكل يتذكر من الاهل اني كنت اقول قبل الزواج ان انا ما ابغي عيال ابدا واني ما احب الاطفال حتى انهم قالوا لي بعدها ان من كثر ما كنتي تقولين انا ما احب الاطفال ولا ابغي انجب اطفال الله عطاك من اول شهر ...

الف الحمد لله على كل حال .. وصدقيني بعد شهر واحد بس من ولادتي زوجي حصل زيادة في راتبه ببركة هالمولود وانملأت حياتنا فرحة وسعادة بهالمولود حتى الاهل اللي قالوا لنا في البداية ليش مستعجلين وتو الناس ووراك دراسة كونوا نفسكم اول بعدين فكروا في العيال وحتى زوجي اللي كان مخطط يأجل الحمل سنتين الكللللللل فرح بطفلي والكل يحبه وامي اللي سوت زوبعه صارت مو عارفة شتسوي في ولدي ما خلت شي ما اشترت له وحتى ابوي اللي قال ليش متسعيله على العيال وهي وراها دراسه وبعدها صغيره حباه حب مو طبيعي حتى اكثر من اخواني ويوم بغيت امشي ارجع البيت بعد النفاس ما كانوا راضيين يوقلون لي انتي ما تعرفين للياهل قعدي هني <<< خايفين اعوره او شي وكنت في فترة النفاس مادري شي عنه كل على امي انا يادوب امسكه وارضعه او الاعبه شوي ..

يعني يا اختي هي فترة مؤقتة وتحسين فيها باكتئاب لكن صدقيني <<< ومن واقع تجربة شخصية ، هالطفل هو احلى شي بدنياج وما عليج من احد دام زوجك راضي وفرحااااااان بهالحمل والكل بعدين بيفرح بحملك وبتشوفي بعدين كيف امك بتتولع بالبيبي وراح تحبه اكثر منك هههههههههههههههه ومثل ما قالوا البنات كل بيبي يجي برزقه وخيره وبركته على اهله..

افرحي بهالايام تراها احلى ايام العمر وخلي عنك هالاشياء ووكلي امورك على الله وقولي دائما قل لن يصيبنا الا ماكتب الله لنا ..
ترى انا ندمانه على الايام والليالي اللي قضيتها في حزن وتفكير وبكاء بسبب الحمل مع اني بديت استمتع بالحمل من بداية الشهر الرابع ..
واحلى شعور لين ابتدا البيبي يتحرك في احشاءك .. تحسين وقتها باحساس الامومة فعلا ،، وخلي في بالك ان في ناس يدفعون الآلاف علشان يحسون بهالشعور بس وانتي الحين عندك نعمة غيرك بيتمناها ..

وعلى الرغم ان حملي الثاني صار ايضا بدون تخطيط .. لكني حاولت استمتع فيه بعد لان الايام الحمل على تعبها الا انها ممتعة ومن اجمل الفترات اللي تمر علينا .. ويا رب حملي الثالث يكون بتخطيط علشان فرحتي تتم ..

اتذكر في حملي الثاني لما عرفت بالحمل كنت مصدومة والدكتورة قالت لي " الدكتورة اردنية " احمدي ربك غيرك بيتشمموا :tears: وكلمتها اثرت فيني وتقبلت الموضوع بسرعه وقلت الحمد لله ..

لا تحاتين كل ياهل رزقه يجي معاااااااااااااااه، انا ماكنت مستعده للحمال مره ثانيه بس خليتها عالبركه، مع ان صحتي ماكانت لين هناك، بس من سمعت صوت دقاااااااااااااات البيبي قلت والله يجي رزقه معاه والله الحافظ، فطنشت كل الامور واستمتعت بهاللحظات كلها ونفس ماقالت الاخت عروس مغتربه ان اهم شي انتوا تكونون مستانسين، لان لا امج ولاحد من هلج بيصرف وبيتكفل فيه الا انتوا..

استانسي بهاللحظات ولا تفكرين بشي..

والله يوفقج ان شاء الله، وتذكري في ناس متشفقين عاليهال..

اول شي حبيبتي الف الف الف مبروك
ثانيا قولي الحمدلله ترى والله مافي احلى من شعور انك ام
وبتحسين كذا لما تشيلين طفلك الجميل بين ايدينك
واما من ناحية الوضع الاقتصادي صدقيني عن تجربة
الطفل يجي وحامل معه بركات
هذي هدية من رب العالمين قولي الحمدالله
والله يوفقك

الحمد لله رب العالمين

ماقصرتوا والله خليتوني احبه واشتهي شوفته

فديييييته حبيبي الصغنطووووووون:happy1:

حتى اني دخلت الشهر الثاني وانا ماعندي خبر على بالي امس اني حامل فاسبوع

اريد اكتب دعاء عشان الله يحميه بس محتاره اي دعاء احط

انا احكي لك عني .. لربما يطمئن قلبك ...

انا تزوجت ومن اول 5 ايام حملت ... احوالنا انا وزوجي المادية كانت صعبة .. للاسف كان بيتنا ناقص فيه اشياء كثيرة .. ما كان في الا تلفزيوم وغرفة نوم ... سريرين وادوات مطبخ وبوتجاز فقط ... يعني بيتي يحتاج الكثير ...

انا ما كنت شغالة وكان اعتمادنا على راتب زوجي وكانت علينا اقساط من هذا الراتب نفسه ...
لما حملت اسودت الدينا في وجهي ... بس كنت واثقة ان ربنا بايعدلها من نفسه واي طفل يجي برزقه ...

اول شي اتفقنا عليه اني ادور على عمل فورا ... كنت كل ما ادور على وظائف شاغرة في الصحف ... اطلب من زوجي التقديم في بعض الشركات والمنظمات وخليها على الله ... ومن مكان الي مكان ومن مقابلة الي مقابلة ومن رفض الي رفض ...
اخيرا وجدت عمل في شركة محترمة بس كنت في الشهر الخامس وما حد اكتشف حملي لاني انا اصلا وزني زايد ...

بس بعد الشهرين بدات البطن تظهر ... وكنت خايفة على الشهر التاسع ما يعطوني اجازة وضع لاني لسه ما كملت الست شهور فترة التجربة ... خبرتهم بحملي واني بعد شهرين بولد فقررت المديرة حقي ان تقاتل من اجلي لانها كانت معجبة بعملي وراضية عنه ...
وبالفعل اقنعت الشؤون الادارية باني ضروري اخذ شهرين اجازة الوضع ... فاعطوني اجازة شهرين ... شهر براتب وشهر بدون ...

فرحت كثير وحسيت في قرارة نفسي ان ربي كاتب لي رزق في هذا المكان ..
يوم الي كنت قاعدة اولد ... وانا داخل غرفة العمليات اتصلو لزوجي من احدي المنظمات الجيدة وطلبو يشتغل معاهم وبراتب ضعف الراتب الاول والحمد لله ....

والحمد لله جهزت بيتي وجهزت لابني ... والحمد لله الحالة ماشة معدن ...
زوجي صار يقول ان كل هذا من فضل الله وتسبب فيه هذا الطفل الذي كنا من البداية حزينين انه بايجي في ظروف سيئة ... بس جيته في الدنيا كانت حلوة علينا ...

رغم اني ما كنت اريد الحمل بسرعة بس احس ان ابني هذا احلي شي حصلي في حياتي ... واحبه اكثر من نفسي ... وحاسة اني عايشة علشانه ...

مبروووووووووووووووووك اختي

والله يثبت حملج ...

وهذا رزق ارضي فية وماعليج من احد ... والبيبي بي مع رزقة

والاوضاع راح تتعدل ان شاء الله ..

بس انتوا لا تستعجلون ابد

شكرا خواتي الحمد لله راضيه بحملي والله يثبته ويسهل علي ولادته

اولا حبيبتي اشكري الله على هذه النعمة
في كثير يتمنوها والله ما كتب لهم

ثانيا احكي لك حكايتي
انا متزوجة من سنة و زوجي شغله مش فالبلد و سافرت معاه بعد العرس
و كنا مشترين شقة و تخيلي للحين ما استلمناها يعني سنة و احنا من غير بيت و في الغربة
و بس حملت رجعت البلد عند اهلي.

و الحين هو في بلد و انا في بلد و الله يسهل علينا يا رب.

و مثل ما يقولوا الطفل يجيب رزقه معاه

و الحمدلله على كل حال

والله يثبت حملك و يتمم لك على خير

الحمد لله وألف ألف مبرووووك
وتستاهلي زغروووووووووودة كلوووولوووولووولييييييييييش

ان شاء الله ربي يتمم لك بخير ولا تتعبي نفسيتك واستمتعي بحملك

وفرفشي ترى الايام تجري ولا بنحس فيها وديري بالج على نفسج

ومبروك مرة ثانية

استغفري ربك هذي نعمه من عند الله تدرين اني تزوجت وصار لي شهرين وبعدين حملت وزجي عصب يوم دره اني حامل يقول مب وقته وضروفنا ما تسمح ان يكون عندنا عيال اقوله استغفر ربك الياهل يجي برزقه يقول لي انا مانا معترض لاكن الضروف كذاوبعدين فرحتي ما تمت مات الجنين في بطني في الشهر التاسع وبعدها حصل الي 3 مرات اجهاض وحين اني حامل انشاء الله يتمم بخير احمدي ربك ان فيكم عيال