تبكي ولدها - منتديات عروس

الله يعين اللي تعكّر مزاجه ***** وزادت عليه همومه اللي تحداه
وعكّر عليه الجو عقب ابتهاجه **** حتى نهار العيد جته المعاناة
وحالي عجوز سببت في انزعاجه ***** تبكي بصوت فألادعه سمعناه
تبكي وترجي للظروف انفراجه ***** يالله عسي كل ما تنمناه تلقاه
تشكي من اللي بان فيه انعواجه ***** تذرف عليه الدمع تبكي وتنخاه
تنخى ولدها .. ياملا بالتعاجه ***** من داخل اسوار عليها منباه
في دار عجز كملت في سياجه ***** الهم والعزبال ويا.. المجافاة
ولو الحكومة وفرت كل حاجه ***** السجن هو السجن لو غير اسماه
لو حطوا .. الترفيه زايد علاجه ***** مثل الضنا .. مافيه شخص بيرعاه
تشكي ولدها .. واشهد انه خماجهً ***** اللي تركها في حياته مشقاه
تقول همي مبتدي من زواجه ***** فرحانة في عرسه اللي تمناه
تزوج اللي سببتلي عجاجه ***** ثم غيرت جوي على غير مشهاه
قلبي عليها وقلبها لي صاجه ***** ما تحتمل شوفي ابيتي وانا ارعاه
لان راح عنها كثرت باللجاجه ***** وان شافته تذرف دموع مغطاه
قامت تحيك من الحيل في لزاجهً ***** لين أوضعتني في محل كرهناه
وهو وراها .. ما شين كالدجاجه ***** وبكيفها قامت تقوده بعلباه
اليوم تطلب قبل طفيت سراجه ***** وقدام ياتي الموت وتقوله يالله
شوفت ولدها وشوف ضحكت حجاجه ***** يزوها وعياله اليوم وياه
وعقوق هاليومين زايد رواجه ***** شياب في دار المسنين مأساه
يبون بين الناس بس اندماجه ***** وتعزير باقي العمر ومن حوله ابناه
ومن صاح منهم من سمع لا حتجاجه ***** والمطلع ما ظن هالشي يخفاه
ومن ضيع الصيدات وسط العجاجه ***** العمر يفني .. والشغل ما قضيناه
في والدينك .. لا تقصر بحاجه ***** موجود في القران ذكره ومعناه
ومعروفهم خله على الراس تاجه ***** ومن ينكره خسران دينه ودنياه
ولابد ما يوم القيامه انتواجه ***** ويا سعد من يحمل كتابه بيمناه
ومن يزرع المحصول يحصد نتاجه ***** وما تزرعه في والدينك بتلقاه

الشاعر : مطلق الشلاحي

تقبلووو تحياتي

دلوعه الكويت