هل الماء ممكن يضر الرضيع؟

ما يضر ولا شي

انا عادي اعطي عيالي ولا يصير لهم شي

وجعلنا من الماء كل شيء حي

يعني الطفل راح يتعرض للجفاف اذا ما قطرتي في فمه كم قطرة مويه

هلا سنبولة
مشكورة على الرد
آنا بعد اقول نفس كلامج بس هذا كلام اكثر من وحدة وكثير قالوا انه الممرضات ما يقبلوا يعطون الاطفال الرضع ماي بس حليب الأم

انا عطيت ولدي ماي لان خفت انه يصيده بوصفار

لا ياختي الكريمه اعتقد الماء مايضر الطفل

على ما يقولن امهاتنا الله يطول باعمارهن
ان الماء يطلق لسان الطفل ويتكلم بسرعه والله اعلم
تقبلي مروري وتحياتي

اختي ..

انا لما ولدت و الدكتورة شافت عندي ماي بالرضاعة اعطيه ولدي ، قالت لي مالك حاجة بالماي لان اوردي حليبك يحتوي على 90 % ماي ! ..

سألتها هو مضر يعني ؟ قالت لا بس ماله داعي !

يقولون اذا رضاعه طبيعيه خالصه مايدخل لها رضعات صناعي مافي داعي للماي واذا رضاعه صناعيه أو مخلوطه يحتاج البيبي شوي ماي بس بدون سكر.

الماي مو مضر بس لو ما عطيتيها عاادي لانه حليب الام فيه مااي
تحيااتي

وانا بعد سالت الدكتورة وقالت لي ماله داعي فقلت انا بعطي بنتي لانه ساعات احس بشفايفها ناشفه وحتى ريجها يكون ناشف قالت عادي ما في ضرر،، شوفي قبل كانوا يعطون الياهل الماي الا الحين طالعين لنا طلعه!!

مرحبا

سواء كانت رضاعتها طبيعيه او صناعيه ماتحتاج تشرب ماي بناء علر كلام الدكتوره اهني
لكن لو كان الجوو حار اعطيه ماي
بس مامنه ضرر لو عطيتها ماي بس مامنه مضره لو ماعطيتيه لان الحليب الطبيعي يحتوي على الماء
وهم الرضاعه الصناعيه الفورميلا ( في بتركيبته نسبه كبيره للماء)

وجعلنا من الماء كل شيء حي

انا وايد سمت عن الماي من اهل ريلي بس انا كنت مااعطيه لاى قريت في كتاب اجنبي بس انتى احتياط عطيه لانه مايضر لو كم ملل في اليوم انا بس اعطيه بالمرضعه يعني تقريبا 3 ملل في اليوم واذا عطيته صناعي اعطيه مااي

حليب الام يغني عن الماي

والماي ما يضر بس ما ينصح فيه عشان ما يشرب الطفل ماي ويشبع وتقل رضعاته هذا الهدف من عدم اعطاء الطفل ماي


لانه ما يكون محتاجنه واذا شربه يشبع وما يرضع زين

انا قاريه في كتاب تغذية الطفل انه الرضاعه الصناعيه لا تروي ظما الطفل ابدا . يعني ما في مشكله تعطينها ماي كمن قطره اذا وايد صغيره .. بس لازم يكون مغلي ومبرد ...

الدكتور قالي عقب كل رضعه حليب لازم ماي علشان حلج الطفل ولسانه يتنظف من الحليب على اساس ما تصيده بكتيريا

انا سألت نفس الشي الدكتوره و كان ردها نفس رد اختنا انثى

ما يضر بس ما له داعي

و لكن بما انك تعطي الصناعي لازم تدخلي ماي

انا نفس وضعك وسألت الدكتور قام يضحك يقولي انتو من وين تجيبوا ها الخرافات

يقولي حليب الام تقريبا كله ماي

يعني ما يحتاج الطفل ماي زيادة لحد ما يكمل الطفل الشهر الرابع وفيه ناس تنصح للانتظار للسادس

لان معدتهم توها ما تتحمل اشياء كثيرة انا بالبداية قمت خبصت بولدي منقوع التمر واعشاب وبلاوي وكثير تعبته فديته بس الحين وقفت كل هذا قلت لحد ما يكمل الشهر الرابع ان شاء الله ببدأ معاه

قالي ممكن تقطريله قطرات ماي لو حبيتي

عن خبرتي من قراءتي للمنتديات

وسألت دكتورة بعد ماولدت

قالت لي اذا بترضعين طبيعي لاتعطينه مااااااااي

اما اذا صناعي يحتاج ماااااااااااااااااااااي