ام ريلي عضتني

تذكرون يوم قلت لكم عن ام ريلي اتغار مني وتسرق اغراضي وكسرت جامت السيارة وسبتني لو اقول لكم الحين شو سوت شو بتقولون ؟
والله السالفه صار لها اربع تيام اسمعو شو السالفة
اقول لكم بدايت السالفة
كنت امظهره عديلت ام ريلي بس والله هذي الحرمه وايد زينه والله اتحب اعيالي وتحترمني وشالتني على راسها كانه انا حرمت ولدها بس للاسف اهيه حرمت ابو ريلي الاولا وام ريلي الثانيه والثالثه في بيت جد ريلي واطلبت حرمت ابو ريلي اظهرها واوديها السوق في الشارجة ووديتها السوق وام ريلي سارت المستشفى قبل ما نحن انسير السوق ويوم درت اني امظهره عديلتها السوق ازعلت وسوت حشره ما خلت حد ما قلت له حرمت ولدي امظهره عديلتي وولدها قال حرمت ابوي زينه وتحب اعيال اخوي انتي شو فيج قالت لا انا ما احب هذي الحرمه مرت ابوك وعقب في اليوم الثاني ولدي كان تعبان في حما بس انا وديته المستشفى وعطوه ادول وصار الحمد الله ابخير بس عشان الحين انا امظهره حرمت ابو ريلي اهيه امسويه حشره تقول حق ولدها ود ولدك المستشفى قال ريلي مرتي ودته المستشفى والحمد الله الولد وايد زين قالت لا ما يخصني الحين اتوديه قال لا وصارت ام ريلي ادق علينا باب الغرفة بلقو مثل الزلزال وعقب قال ريلي حق امه والله ولدي وايد زين لا حراره ور حما الحين شو عندج قالت ليش حرمتك امظهره عديلتي السوق انا ما احبها قال انتي كل الناس ما تحبين جان اتصرخ وتقول تعرف حرمتك ما تحبني ولا تحب اعيالي ونا والله ما اكره حد ولا حتى اهيه الحمد الله بس هي اتقول جي ليش انا ايلس مع حرمت ابو ريلي ادرس اخت ريلي الصغيره الي اهيه اخت ريلي من الابو وهيه اتغار تبا بس اعيالها هم الاحسن وحرمت ابو ريلي جاهله ماتعرف تقراء ونا ادرس بنتها والله عشان اجر عند الله بس ام ريلي ما تعرف شي بس اهيه وعيالها وعقب تمت اتقول حق ريلي حرمتك ما تحبني انا قلت لها انزين انتي اتقولين حق ريلي انا ما احبج انزين شو ريلي بيضربني عقب ريلي صفعني على وجهي عشان هذا الرد انا هب ريال تقصدين قلت ما اقصد بس امك يوم اتقول انا ما احبها شو تقصد انت بتضربني وعقب مره ثانيه ضربني طراق وانا عصبت عليه ورميت عليه كوب على يده واخوان زوجي يفكون من بينا وام ريلي استقلت الخناقه وجت ورايه من غير ما اشوفها واضربتني على ظهري لكمات بلحيل ونا حامل وعضتني على ظهري والله لو اتشوفون العضه والله بتقولون انتي جذابه هذي حرقه بشي دائري شو الله كلت لحمي مثل الكلب يوم جوعان وصار ريلي يصرخ على اخوانه يقول فكو يدي حرمتي تنضرب وبنت ام ريلي الي اهيه اخت ريلي من الام والاب تقول حق امها امي خلي الحرمه وريلي شلني على فوق حتى ما توصل على امه وزعل ريلي من امه وقال لي حبيبي والله لا تزعلين خلاص قريب نحن بنظهر من البيت خلاص وضل يبكي على ونا تعبانه من الحمل وبطني يوجعني وصار عندي نزيف حاد بس الحمد الله ما نزل الجنين الحمد الله وعقب يوم قال ريلي ليش تعاملين حرمتي جي قالت انا اونه وقت الخناقه عضيتها قال ريلي والله حرمتي كان وجهها على وجهي كيف عضتج الحين ليش حرمتي بومه انا والله استحي اقول انه ام ريلي كذابه والله اهيه وايد تكذب بل حيل معنه اهيه تحج وتعرف الله بس الكذب في دمها والله واليوم الثاني قالت حق ريلي انا سبتها وسبيت ولدها الصغير معني انا ما طلعت من الغرفة لا بليلل وجالسه مع عيالها البنتين والله متى شفت ولدها ولا اهيه والحين انا في شو غلط هل استحق العض ولا لا شو رايكم