بطالة البحرين تفضلوا هنا...

يسعدني اني اكون اول من يرد عليج

والله يا اختي انت ضربتي عالوتر الحساس

وخصوصا اني محتاجة للوظيفة عن قريب

بعد تعب الدراسة الطويل

هلا اختي مزنة محبة معانا

اختي شنو تخصص ومؤهلاتج؟

من متى متخرجة؟

قدمتي وين؟

تفضلي سولفي معانا انا حاليا احاول انقل بعض الوظائف على ما تردين

حاولت انسخ من هذا االموقع لكنه يرفض النسخ بكل الصور

المهم انا راح احط لكم وصلته وتقدرون تشوفون التخصصات في القائمة على اليمين ...

eWaseet: Manama, Jobs, Administratives, Secreterial, All Areas, Job Opportunities

أختــي الغاليه جمـــانة

جزاج الله خير عالبادره الطيبه

ومثل ماقالت اختي مزنة محبة جيتي عالجرح

وزارة العمل مامنهم فايده والله انصحكم اعتمدو على نفسكم

ودورو لكم شغل بروحكم

وبخصوص الضمان الاجتماعي سمعت يقولون شهر 12بنزلوون

وبنشوف آخرتهااا

والله يوفقنا ان شاء الله

أختــــج الدانـــــه

موفقين اخواتي و الله يرزق كل اللي عايزين يشتغلو بشغل مناسب ليهم

و انا ان شاء الله لو لقيت اي شغل يخص البحرين مش حقصّر

اهلين


طبعااا دورت شغل بمده 5 سنوات تقريبا وانه ادور شغل واخير حصلت والحمدالله والحين طبعاا ادوريلي شغله ثانيه لانه شغلتي متعبه

وثنكس على الموضوع :)

شنو سالفة الضمان الاجتماعي
بقولكم
انا اشتغلت من فتره وفنشت ثاني يوم
بس بطاقتي السكانيه ما غيرتها
الحين لين بروح بحول من موظفه الى ربة منزل
يعطوني شئ وزارة العمل ؟؟

أختــي الغاليه * بنت الكبيسي *


والله كـــــــــريم ان شاء الله

أختــي الغاليه بحور اشواق

لازم بطاقتج تكون فاضيه مب طالبه ولاربة منزل

وروحي شوفي يمكن يعطونج

والله يسهل لج امورج ان شاء الله

أختــــج الدانـــــه

الله يرزقني و يرزقكم نشاءالله الوظائف المناسبه
وانه مثلكم قدمت كل مكان ولمى قدمت في التوظيف نادتني في عز الظهر والحر واخرته شغله في شركه من الساعه 6 الصبح الى 2 الظهر ومن 3ونص الى 8 فقلت لها بكل سخريه اشرايج اجيب فراشي وارقد في الشركه احسن يعني زوجي وولدي متى اشوفهم قبل ارقد يعني لازم يراعون ظروفنا كحريم وامهات
الله يعينا بس انشاء الله اذا قدرت الاقي اعلان عن وظايف راح اعرضه على طول
والسموحه

بسم الله الرحمن الرحيم
الحمد الله رب العالمين

شخباركم؟؟
والله خوش موضوع
تسلمين جمون
اني اعرف اماكن يبون وظائف
بس يصير احط جميع المعلومات
مع اسم المكان
عادي يعني؟؟
اخاف اكتب ويحذف ردي

اي اي بنت النواعم... هالشيء مسموح هنا في هذا الركن وتقدرين تشوفين المواضيع المثبتة بخصوص الدول الثانية فيها نفس اللي تقولينه..


مرحبات بنات مشكورة عمري الدانة ماتقصرين خيرج وااااااااااااااااااااصل لهني..

بحور الاشواق ايه لازم تقلبين البطاقة ولا ما راح يقبلج السيستم...
ولازم بعد التسجيل تحضرين محاضرة
وبعدين تنتظرين يرسلون لج المسج وتروحين بصورة عن كشف الحساب وآخر مؤهل ...

بنت الكبيسي الله يوفقج يا غالية
بس احسه وايد 5 سنوات :( حرام..
انا الحين بكمل سنتين من تخرجت وللحين ما محصلة شيء... واحسه وااااااااايد
وكل مرة اروح مقابلة مكان يسئلوني ليش هال GAP ? ما تحركتي على عمرج واشتغلتي مكان؟ واكيد هاي يعتبرونه بوينت سودة في السيفي
انزين اذا محد مشغلني سشوي

موناليزا تشكرين حبيبتي على التشجيع

المهم بسألكم الحين

انا خريجة حقوق وعندي بكالوريوس... المهم انا حبيت اشتغل بوظيفة غير المحاماة حالياً لأن المحاماة يبيلها تطليع رخصة مزاولة المهنة والي تطول على ما تجهز شهور وشهور...

المهم انا كنت حاطة بالسيفي عندي اني ابي وظيفة بمجال تخصصي اولا .. واذا مافيه اي وظيفة متاحة..
بس اشوف الاتصالات كلش قليلة
فوحدة من البنات نصحتني اني اشيل هالكلام واخلي مكانه ABLE FOR ANY JOB
واشوف رزقي...
شرايكم؟



وبعد فيه شغلة ثانية,,
انا ما عرف اداور بروحي اوزع سيفيات... يعني اي مكان ادشه وبس اقول لهم ابي اشتغل عندكم هاكم خذوا اوراقي؟؟؟
كله استحي يقولون احنا BRANCH وروحي الفرع الرئيسي


انزين وبعد احد قدّم في مكتبة الشيخ عيسى؟
ووو المؤسسة الملكية الخيرية الا توها منشأة هاليومين احد قدم فيها؟


امممم بعد ف بالي شركة البحرين للدواجن وين اقدم فيها؟ في مقرها بالهملة؟ على ما سمعت انها شركة مدعومة من الحكومة ودوامها ل 4 بس... فتشجعت لها..


يالله برب وراجعتلكم ببعض الوظائف ان شاء الله

السلام عليكم جميعاً

مطلوب مصمم أو مصممه في مؤسسة أقليمية خليجية المطلوب في المتقدم للوظيفة أن يكون على المام كافي ببرامج التصميم من الفوتوشوب و الإن دزاين و غيرها من برامج التصميم وذلك لعمل بروشورات و مجلات دورية (( الخبرة غير مطلوبة ))

يمكن أرسال السيرة الذاتية على الإيمل أدناه

[email][email protected][/email]

بالتوفيق للمتقدمين

* بنت الكبيسي *;4705427:
اهلين

والله ديرتنه كله يبيلهاا واسطات لو مو الواسطه جان انه لين الحين ماشتغلت
طبعااا دورت شغل بمده 5 سنوات تقريبا وانه ادور شغل واخير حصلت بواسطه والحمدالله والحين طبعاا ادوريلي شغله ثانيه لانه شغلتي متعبه

وثنكس على الموضوع :)

ايه والله ياختي كلامج كله صح تدرين انه اشتغل في بنك اثمار ومن 4 شهور موظفين وحده عندها شهاده اعداديه تخيلي موظفة استقبال يالله الدنيا كلها ارزاق :whistling:

بسم الله الرحمن الرحيم
الحمد الله رب العالمين

شوفوا في شكرة مجموعة الراشد
الي اظم سبلاش واستديوا 1 وغيرها
يبون وايد بنات
والدام على حسب الي يناسبج
في4 ساعات 100 دينار
في5 ساعات 125 دينار
و6 ساعات 150
ودوام كامل 8 ساعات 200
وشغلة وايد زينة ومريحة
ونوع الشغلة
ماادري على كيشر ولا الي يرتبون ثياب
اني بروح اقدم وان شاء الله يقبلوني
والي اعرفها وتشتغل هناك وايد تمدح في الشغلة
ومعاملتهم وايد
زينة
ان شاء الله قدرت افيكم

وابي منك شغلة
ابي طريقة السي في

موضوع حلو
وتشكرين اختى جمانه عليه

وانا حالى من حالكم ادور شغل
وتخصص اعلام وعلاقات عامه
وكملت سنه وبدش فى الثانيه
وليلحين ماشتغلت

الله يرزقنا جميعا بالعمل الصالح ان شاء الله

و الله بالصراحة عقدتنا الشغل أني و الله تخرجت من الثانوية سنتين وأحس روحي بموت ما نحصل شغل الله يساعدكم أنتون اللي تدرسون في الجامعة و بعدين بعد ما تحصلون في البحرين لا الشباب و لا البنات عندهم شغل

أو بنت النواعم لو سمحتي بغيت أعرف هاي وين صاي في أي منطقة و و الزي رسمي والله لا

بنت النواعم;4712350:
بسم الله الرحمن الرحيم
الحمد الله رب العالمين

شوفوا في شكرة مجموعة الراشد
الي اظم سبلاش واستديوا 1 وغيرها
يبون وايد بنات
والدام على حسب الي يناسبج
في4 ساعات 100 دينار
في5 ساعات 125 دينار
و6 ساعات 150
ودوام كامل 8 ساعات 200
وشغلة وايد زينة ومريحة
ونوع الشغلة
ماادري على كيشر ولا الي يرتبون ثياب
اني بروح اقدم وان شاء الله يقبلوني
والي اعرفها وتشتغل هناك وايد تمدح في الشغلة
ومعاملتهم وايد
زينة
ان شاء الله قدرت افيكم

وابي منك شغلة
ابي طريقة السي في

خبيبتي ممكن توضحين اكثر او رقم تلفونهم او شركتهم ع الخاص ووين تصير المنطقة

مطلوب موظفات
شركه كنديه في مجال تسويق اجهزة كهربائيه وطبيه بحاجه الى موظفات للعمل داخل مقر الشركه في مدينة المنامه
وذلك حسب الوماصفات التاليه:-
1- يفضل ان تكون جامعيه.
2- ان تكون قد عملت في مجال التسويق.
3- لباقه في التعامل والحديث.
4- امكانية الدوام في الفتره الصباحيه أو المسائيه.
[GRADE="4169E1 FF0000 8B0000 FF7F50"]الراتب عالي+عموله[/GRADE]
لتحديد موعد المقابله في مقر الشركه
هاتف:- 17257357 من الساعه 10 صباحا الى 4 مساء
والله الموفق