السلام عليكم خواتي
بصراحة ماأدري من وين ابتدي قصتي.
حبيت شاب من ايام المراهقة التقيته في سوق بالصدفة سألت نفسي عنه لأنه كان يبدي اهتمامه فيني طنشت الموضوع، اليوم الثاني صار يطلع لي عالباب في معاد روحتي المدرسة ونفس المعاد اللي ارجع له البيت بشكل يومي، وكان يعرف بعض اخواني فصار يزورنا البيت واشوي اشوي اتعلقت فيه. يوم ورا يوم حصلت رقم تليفونه وكلمته، بس بعد شهرين تقريبا انفصلنا لأنه اعتقد اني بعدي مراهقة وما أعرف أحب.
اتفق وياه بهالموضوع وفي هالفترة اختفى من حياتي وماعدت اشوفه. الشي الغريب في الموضوع اني ما بكيت او صحت ولا دمعة نزلت عشانه وصبيت كل غضبي في الدراسة وبس. حاولت انساه وحاول غيره ياخذ مكانه بس مافي فايدة، وكان في شباب يتقدمون لي وكنت اما ارفضهم او اقارنهم فيه لما جاء شخص ليه نفس اسمه وحسيته مناسب وحبني فعلا، لكن بعد رفضته لأن اهلي رفضوه لأنهم يبغوني اكمل دراستي اول وخافوا علي كوني دلوعة البيت واصغر وحدة ان هالشخص ممكن يحرمني من دراستي خصوصا واني طالبة جامعية متفوقة مع انه ما فيه شي يستدعي رفضه، باختصار الفكرة اللي كونتها عن اهلي انهم ما يبغوني اتزوج (صححوني اذا كنت غلطانة) لأن كل شخص يجيني ما يوافقون عليه. مرت الأيام ورد اتقدم مرة ثانية الشخص وصار في بيتنا صراع ونص البيت صاروا ما يكلموني لهالسبب لأني كنت موافقة عليه. الوالد شخصيته ضعيفة واخواني يسيطرون عليه لأنه يحتاج لهم يودونه من مكان للثاني واذا ما اتفق معاهم بالراي بتتعطل مشاويره. امي مغلوبة على امرها وكلمتها مو مسموعة. المهم، سويت الفحص وجاء اخذ مقابلة وفي نفس اليلة من كثر الحنة والرنة والمشاكل اللي صارت في البيت بسبب هالوضوع اغمي علي وطحت. في اليوم الثاني اضطريت اني اخلي اختي تكنسل الوضوع كله، وللعلم هو الشاب الوحيد اللي وصلت وياه للمقابلة والبقية كلهم رفضتهم قبل ما اعطيهم اي فرصة.
عكل حال الشاب اللي اختفى ظهر مرة ثانية بعد 5 سنوات في حياتي وكنت لما اشوفه احس بقلبي يرقع بسرعة كأنه بيطلع من صدري. كلمت صديقتي وحاولت اجيب رقمه اللي سبق وعطاني اياه وضيعته، فهمست له باالمطلوب وخليت صديقتي تكلمه. كلمته صديقتي لأني محبيت اكلمه واني من هالنوع اللي يسوي علاقات، اتأكدت من حسن نواياه وعطته رقمي بدون ماادري وكلمني. حسيته صادق في كلامه وصرنا نكلم بعض واتعلقنا ببعض اكثر وخبرني انه ندم عكل السنين اللي تركني فيها واتأكد اني كنت وفية لحبه طزل هالسنوات.
المشكلة اني حبوبة وكل من يشوفني يعجب فيني فكثروا الخطاب وخلصت اعذاري وامي كان عندها علم بالسالفة كلها. مع كثرة الخطاب زاد انزعاجي وكثر ضغطي عليه لما جاء اليوم اللي خبرني فيها ان اهله جايين يتكلمون فيني وحزتها اشتعلت النار في البيت مثل ماصار مع الشاب اللي اتقدم لي مرتين. كل ليلة صراعات وتهديد من اخواني انه مستحيل هالزيجة تتم. ما كنت احب البيت وكلنت نفسيتي جدا تعبانة وكنت احتاج اشتغل عالكومبيوتر فصار شغلي في الجامعة وبيت جدي. انتشر خبري وخبره في منطقتنا وكل الناس صارت تعرف ان اهلي معارضين بس اهو بعده مصر على موقفه ويبغيني، كذا مرة حذرته ان طريقي صعب وكله اشواك بس بعده مصر. وصار في نفس الوقت اني فتحت الفال حق خواتي لأنهم مو مزوجين، فقرر البابا طبعا بعد مشورة الأولاد انه بعد ماتنتهي خطبة اختي بيلتفتون لموضوعي.
مرت الأيام واتأخر الشاب في انه يجي بسبب الظروف المادية الصعبة التي تخنقه وصار لي انتظره من اليوم اللي جوا اهله فيه لهاليوم شي سبعة شهور. وطبعا ما تتصورون حالتي في البيت كل اخواني مايكلموني مااطلع مكان وما عندي سيارة اروح فيها اي مكان اريده واني قريب اتخرج فاحتاج مواصلات بشكل ضروري عشان ادور لي شغل واطلع لي سيارة. اللي ما يعرفونه اهلي اني بعدي للحين اكلمه وهم متصورين ان كل شي انتهى بيني وبينه.
الأوضاع اكيد هادئة اللحين في البيت لأنهم اتأكدوا اني نسيت الموضوع بس مانسيناه، خبرني ان شا الله انه راح يتقدم خلاص شهر 6/ 2008 .
المشكلة اني ضايق صدري من العيشة في بيت بهالطريقة. ومتأكدة انه مهمن يكون الشخص اللي بيتقدم لي حتى لو كان غير هالشخص اللي احبه ، هم بعد ماراح يوافقون عليه والحرايق بتشتعل في البيت على طول بسببي وسبب زواجي.
اكبر اعتراضهم عليه انه مو من مستواي بس لمن اختي انخطبت زوجها ما كان من مستواها ومحد اتكلم لأنه يقرب الينا. كانت اختي نفسها تقول انها غي عني، لأني شاطرة ومتفوقة ولازم لآخذ شخص مثلي ونفس مستواي، وهي عادي اليها. رديت عليها الزواج نصيب مو بكيفنا نقرر من راح يكون زوجنا.
اقبح شي صار لي انه وحة من خواتي من شدة رفضها اتصرفت بكيفها وراحت بيت الشاب وخبرتهم على لسان البابا انه ما في نصيب؟؟؟؟
شوفوا لأي درجة ؟؟؟ بس اضطرينا نصلح الموضوع مع اهله.
ماادري اذا اقدر اصبر بعد اكثر في هالعيشة احس اني محرومة من اشياء كثيرة والموعد كلما يقترب يطلع ظرف ويبتعد؟
آآآآآآآآآآآآآآآآآآآآآآآآآآآآآآآه شو اسوي وشو الحل؟ احب هالشاب ومتهلقة فيه وفي نفس الوقت مو عارفة شاسوي في البيت عاساس ان موضوعي منتهي بالنسبة لهم واحس اني صرت اكرههم بسبب فعايلهم فيني؟؟؟؟
والله تعبانة وتكفون شوروا علي شاسوي؟؟
:tears:
سنة ونص انتظر الفرج... شوروا علي؟؟
م
29-11-2007 | 09:50 AM
*
29-11-2007 | 10:11 AM
انتو عندكم قبلي وغير قبلي ولالا؟
m
29-11-2007 | 10:13 AM
حبيبتي مزنه تأكدي من شي واحد إن أهلنا يعرفون مصلحتنا اكثر منا ولا عمرهم يفكرون يضرونا بشي بالعكس يتمنون لنا كل خير
إنت انسانه مؤمنه بقدر الله والزواج قسمه ونصيب اذا كان هالشخص نصيبج بتتزوجيه واذا كان لا فهذا قدر ربج
إنت انسانه مؤمنه بقدر الله والزواج قسمه ونصيب اذا كان هالشخص نصيبج بتتزوجيه واذا كان لا فهذا قدر ربج
م
29-11-2007 | 10:21 AM
men gady
بس ما يصير كل مرة يجيني شخص يرفضوه
بس اهم يبون يتزوجون ويحرمون غيرهم هذا ظلم
بس ما يصير كل مرة يجيني شخص يرفضوه
بس اهم يبون يتزوجون ويحرمون غيرهم هذا ظلم
م
29-11-2007 | 10:22 AM
ام يارا
مافهمت قصدش ياريت توضيح اكثر
مافهمت قصدش ياريت توضيح اكثر
q
29-11-2007 | 10:46 AM
الله يعينج ان شاء الله يا حبيبيتي والله كسرتي خاطري ليش اخوانج يوقفون في نصيبج
انزين انتي كلميهم مره ثانيه وثالثه لا تيأسين
وخلي حبيبج مصر على رايه علشان ما يضعف لو تقدم لج مره ثانيه وصار شيء
والله يوفقج حبيبتي وطمنينا عليج
انزين انتي كلميهم مره ثانيه وثالثه لا تيأسين
وخلي حبيبج مصر على رايه علشان ما يضعف لو تقدم لج مره ثانيه وصار شيء
والله يوفقج حبيبتي وطمنينا عليج
q
29-11-2007 | 10:47 AM
ام يارا قصدها يعني
مهم عندكم يكون من عائلة او لاااا؟
مهم عندكم يكون من عائلة او لاااا؟
م
29-11-2007 | 10:56 AM
qshark
والله مشكورة بس حبيبتي
صدقيني حتى حاولت اكلم اخوي العود ورحت وياه مطعم
حسسني انه اقتنع بالفكرة بس بعد يومين غير رايه و صار مايجي البيت كلش خير شر لا هو ولا عياله
مو مهم عندي انه يكون من عايلة كل همي انه يحبني واذا حبني بيكرمني
مشكووووووووورة على ردج
والله مشكورة بس حبيبتي
صدقيني حتى حاولت اكلم اخوي العود ورحت وياه مطعم
حسسني انه اقتنع بالفكرة بس بعد يومين غير رايه و صار مايجي البيت كلش خير شر لا هو ولا عياله
مو مهم عندي انه يكون من عايلة كل همي انه يحبني واذا حبني بيكرمني
مشكووووووووورة على ردج
م
29-11-2007 | 11:50 AM
والله احس الدنيا ضاقت علي بسبب عالموضوع لأنه موسهل
ا
29-11-2007 | 12:33 PM
والله قريت مشكلتك اكثر من مره
الله يصبرك بس اختي ليش ما تصلي صلاة الاستخارة وتواظبي على الدعاء وان شاء الله ربي بيبين لك الطريق الصحيح
الله يصبرك بس اختي ليش ما تصلي صلاة الاستخارة وتواظبي على الدعاء وان شاء الله ربي بيبين لك الطريق الصحيح
&
29-11-2007 | 12:41 PM
يعني لا تحكمين انا معاج ان الزواج شي شخصي لازم البنت والرجل هو الي يقرر منو يتزوج او بالاحرى يختار شريكة حياتة بدون ضغوط والبنت بعد حق لاعيب فية بس اصبري شوفي الله وين ينطيج قسمتج الله يوفقج ويرزقج بابن الحلال ان شاء الله
م
29-11-2007 | 01:11 PM
الينبوعة والجوكرة
حبايبي مشكورييييييييين وماقصرتو
الله يسدد خطاكم
مع اني ماشفتكم بس والله مرتاحة لكم
تعبت من العيشة في بيتنا
انتظر على نار اليوم اللي يجي فيه الشاب عشان انتهي من هالموضوع كله واخلص
ادور راحتي بره البيت
وألقاها في احلى منتدى
:8875:
حبايبي مشكورييييييييين وماقصرتو
الله يسدد خطاكم
مع اني ماشفتكم بس والله مرتاحة لكم
تعبت من العيشة في بيتنا
انتظر على نار اليوم اللي يجي فيه الشاب عشان انتهي من هالموضوع كله واخلص
ادور راحتي بره البيت
وألقاها في احلى منتدى
:8875:
م
29-11-2007 | 01:31 PM
صج الواحد لمن يشوف مصيبة غيره تهون عليه مصيبته
اللهم فرج عن كل المهمومين والمكروبين والمغمومين
اجمعين يارب العالمين
اللهم فرج عن كل المهمومين والمكروبين والمغمومين
اجمعين يارب العالمين
م
29-11-2007 | 01:38 PM
ادعو لي
الله يفرجها علي
ويصير اللي في بالي
بعد كل هالتعب
الله يفرجها علي
ويصير اللي في بالي
بعد كل هالتعب
ن
30-11-2007 | 12:17 AM
الله يفرج همومج وتتيسر أمورج ،،،
اختي هذا حالنا احنا البنات والحريم ضعفاااااء مانقدر نسوي شي وماعندنا الا الدعاء ،، وصدقيني لازم بيحي يوم بتتغير الاحوال ،،
لين متى يعني بتقعدين عند امج وابوج ،، واخوانج لين متى بيتحكمون فيج،، لازم بيجي يوم بترتاحين فيه
بس المساله يبغى لها صبر ،،
ترى الدنيا تدوووور والايام تتغير ،، اصبري وادعي .
اختي هذا حالنا احنا البنات والحريم ضعفاااااء مانقدر نسوي شي وماعندنا الا الدعاء ،، وصدقيني لازم بيحي يوم بتتغير الاحوال ،،
لين متى يعني بتقعدين عند امج وابوج ،، واخوانج لين متى بيتحكمون فيج،، لازم بيجي يوم بترتاحين فيه
بس المساله يبغى لها صبر ،،
ترى الدنيا تدوووور والايام تتغير ،، اصبري وادعي .
ش
30-11-2007 | 01:51 AM
انصحج اكثري من الاستغفار لانه والله عجيب وانا جربت بوايد امور وكانت النتيجه رائعه............جربي وادعيلي. الحين صرت كله استغفر والحمد لله اموري قاعده تمشي عدل
الله يوفقج.
الله يوفقج.
h
30-11-2007 | 01:52 AM
الله يكون فى عونك ومعك اختى
#
30-11-2007 | 02:07 AM
والله ياختي قبل كل شي استخيري
وبعدين لاتنسين محد راح يشيلك غير هلك
لا تضيع مسقبلك واخذي راي اهلك وموافقتهم لازم
على الاقل امك وابوك
لان راااضهم بدنيا
والله يكون بعووووونك
وبعدين لاتنسين محد راح يشيلك غير هلك
لا تضيع مسقبلك واخذي راي اهلك وموافقتهم لازم
على الاقل امك وابوك
لان راااضهم بدنيا
والله يكون بعووووونك
ا
30-11-2007 | 02:25 AM
مزنه محبه ابي اسالك انت استخرتي الله اول شئ
امكن تكون خيرة من ربي انك ماتتزوجيييييييييييييييييه
وبعدييييين نصيييييييييييييييييييييييييحه
لاتوقفين في طريق اهللك ماتدري بكرة امكن لو تزوجتيه وصار بينكم مشاكل
مافي احد بيوقف معاك ويسااااااعدك الا هلك
الله الله في اهلك
امكن تكون خيرة من ربي انك ماتتزوجيييييييييييييييييه
وبعدييييين نصيييييييييييييييييييييييييحه
لاتوقفين في طريق اهللك ماتدري بكرة امكن لو تزوجتيه وصار بينكم مشاكل
مافي احد بيوقف معاك ويسااااااعدك الا هلك
الله الله في اهلك
م
03-12-2007 | 10:56 AM
بس يا اسيل لمتى بخليهم يتحكمون فيني وفي مصيري؟
مو المفروض القناعة تكون شخصية وانهم يوقفون مع بنتهم مهما صار
مو هذا اللي المفروض يكون دور الأهل؟
اني طعتهم من قبل في اشياء كثيرة بس العمر يمضي واحنا البنات معرضين
بأن القطار يفوتنا بعدين من لنا حزتها؟
الأخوان لك واحد بيلتهي مع زوجته وبيتركونا لحالنا وثم محد يظل لأحد على طول؟؟؟
مو المفروض القناعة تكون شخصية وانهم يوقفون مع بنتهم مهما صار
مو هذا اللي المفروض يكون دور الأهل؟
اني طعتهم من قبل في اشياء كثيرة بس العمر يمضي واحنا البنات معرضين
بأن القطار يفوتنا بعدين من لنا حزتها؟
الأخوان لك واحد بيلتهي مع زوجته وبيتركونا لحالنا وثم محد يظل لأحد على طول؟؟؟