عندى مشكلة مع زوجى يا اهل الخبرة فيدونى

اخواتى انا تزوجت من سنة تقريبا وكانت حياتى قبل الزواج عبارة عن شغل وخروج مع صحباتى كانت اخر دلع فى كل شئ بس كانت امنيتى اتجوز عشان ابقى ام
والحمد لله ربنا كرمنى وانا الان حامل فى بداية شهرى السابع
ومشكلتى مع زوجى انه لا يطيق البيت لانه اتعود على كده من طفولته
انا الحمد لله مش وحشة ولا مهملة انا بهتم بنفسى جدا وببيتى وبمظهرى وبهتم بزوجى جدا لما يكون موجود فى البيت لكن للاسف الاقيه يلبس ويقولى انا خارج ويرجع البيت وش الصبح يعنى الساعة 5ونص الفجر ولما اسأله ليه اتاخرت يقولى كنت مع اصحابى على القهوة
والموضوع ده بقاله فترة طويلةةةةةةةةةة جدا
وانا اعصابى تعبت من القعدة فى البيت لوحدى
هو بيصحى من النوم يلبس وينزل ويروح الشغل ويخلص شغله الساعة12 بالليل ويرجعلى البيت خمسة ونص الفجر
وكل يوم كده
خلانى احس انى فقدت الثقة فى نفسى وكتير اقعد ابكى فى البيت من الوحدة القاتلة
ولما اكلمه بخصوص موضوع الملل او الوحدة يقولى اتفرجى على التليفزيون او اقعدى على النت او روحى عند مامتك
لكن انا مش متجوزة التليفزيون ولا النت ولا اتجوزت عشان اقعد عن امى:(

يقولى خلاص اتحملى كلها تلات شهور ويجى البيبى يسليكى
يعنى من الاخر كده متحاوليش تقعدينى فى البيت
وحتى لو طلبت منه نخرج كل يوم يقولى اتفقت مع اصحابى
ولو حصل وخرجنا يقعد ساكت او متعصب عشان اطلب منه نرجع البيت ويتصل باصحابه ويكمل السهرة برة معاهم
انا مش عارفة اعمل ايه
وتعبت جدا وحالتى النفسية بقت سيئة جدا من الحمل ومنه
والله كتير احس انى عاملة زى الشغالة اطبخ واغسل واحضر الاكل وبس
هو ده دورى فى بيت زوجى :icon9:
وطالبة مشورتكم
اعمل ايه فى مشكلتى دى؟؟