قصة ولادتي..

المستشفى عاطيني موعد للولاده على حسب الدورة تاريخ 18/11/2007
وعلى حسب الاشعه تاريخ 28/11/2007

وتاريخ 1/11 كان عندي موعد بس
الدكتورة تقول ليي مانعطيش تولدين هالاسبوع ..:tears:

ولدت تاريخ 8/11/2007:wavetowel2:

المهم
كان يوم الاربعاء وانه عند امي احس بتقلصات فضيعه وماقمت اتحرك كل نايمه وخايفه امي تحس وتخاف عليي لان امي تخاف واجد... المهم ماقلت لهم

اتصلت في زوجي يجي ياخدني ...
قلت له احس بالم فضيييييييع قال بنروح المستشفى مارضيت
قلت له لا باجر الصبح بروح يقول انتين تعبانه لازم تروحين ما وافقت:schmoll:

واني احس بالالم يروح ويجي كل شوي

المهم طول الليل مانمت قاعده واصيح من كثر الالم بس معانده مااروح المستشفى من وقت..

صارت الساعه 6 وصحيت زوجي للشغل وقال لازم تروحين المستشفى لان تعبانه ماوافقت بعد:shiny:

قلت له روح واذا زاد الالم بتصل فيك..(y)

طلع للشغل وصار له 10 دقايق جان اتصل فيه يرجع لان احس بتفجر:tears:

المسكين رجع واني مجهزة نفسي:whistling:
دخلنا المستشفى وجيكوني الا يقولون 3 سانتي :(
ودمعت عيني اقول كل هالالم بس 3 سانتي:tears:
وبدلت ودخلت غرفة الولاده الساعه 8 تقريبا الصبح

ومن دخلت كل شوي يجيكون كم سانتي انفتحت ومن اسالهم يقولون 3 سانتي
لين الظهر بس 3 سانتي واني تعبت والالم ذبحني

وتالي السستر تقول دقات قلب الجاهل تعبانه
ضربوني ابره الظهر العصر وابره في الفخد وزاااااااااااااااااااااااااااااد الالم
وكنت رافضه ابره الظهر بس ماسمعو كلامي ( عمك اصمخ):(

وصارت المغرب واني تعبت واجد
وقمت اصارخ ابغي اروح الحمام قالت هذا الجاهل ادفعي

وقمت ادفع وادفع لين سمعت صوت صياااااااااااااااح
بس ماحطوها سيدا على صدري لان كانت تعبانه
ونظفوني وجابو بنتي ( بنين) لي وحطوها على صدري

وطلعوني الى زوجي بره يطمن عليي وسوينا فلم مصري هههههههههههه:wavetowel2:

توته توته خلصت الحتوتة:wavetowel2: