معلومه صحيحه ومن مصدر موثوق منه

معلش انا تقلت عليكم واكيد زهقتوا منى
بس من اللى عماله اقرأه فى المنتديات والمواقع وانا خلاااااص اتعقدت ومش بقيت عارفه حاجه ولا واثقه ولا متأكده من اى معلومه

يعنى مثلا :

فايده الاكل اللى بناكله
شويه يقولوا مثلا يعنى البيض بيرفع الكوليسترول وتلاقى بقى كل الناس ماسكه الاغنيه ديه وشغالين عليها

وبعدين يرجعوا يقولوا البيض برئ من الكلام ده وكلوا بيض زى ما انتوا عايزين

وزيت الزيتون مهم جدا لكل حاجه اكل وشعر وبشره ، وبعدين يرجعوا يقولوا خلوابالكم اثبتت الدراسات العلميه انه بيسبب السرطان وبلاش تسخنوه وبلاش تحمروا الاكل فيه

وهكذا يعنى حتى الحاجات اللى فعلا ليها فايده ومهمه للصحه واللى اجدادانا عارفينها من زمان بيطلعوا فيها برضه اضرار وحاجات كتير


لو اى عضوه مننا ساعدت فى الموضوع ده وبحثت ووجدت معلومه صحيحه عن اى حاجه تفيدنا فورا بس بشرط

ترسل لينا اثباتات قطعيه ومن اى مصدر عشان كلنا نتأكد وناخدالمعلومه الصحيحه

شكرا
السلام عليكم