هالمره قطه واني حامل

حبيبتي لازم تروح لطبيب بيطري و تاخذ تطعيمات .. و يسوي لها فحوص.. و اذا كانت تربية بيوت و نظيفة مو مشكلة.. بس راجعي الطبيب..

الله يكون في عونك المفروض زوجك اعقل من كذا صحة البيبي اهم شي
لأن اذا جبتيه يصير ماعنده مناعه ويتحسس من كل شي حتى الطيور مابالك القطط اذا تساقط شعرها
الله يكون في عونك حاولي تتفهمين معاه والله يقومك بالسلامه ان شاء الله
مع الف سلامه

مافي مشكلة من القطة عليك بس علي البيبي ... لان ممكن لقطة تطلع له في السرير ممكن تعضه او تخربشه .. انا شخصيا اكره القطط ..

انا اخت زوجي مهووسه قطط بس كانت على طول توديهم مواعيد عند البيطري يطعموهم وغير جدي كانت تداوم على تنظيفهم والدكتور قال لها مافي ضرر لو ضلت بالبيت بس ماتصلح للي عندهم الربو والحساسية وانا انصحش تكلمين زوجش مرة ثانية وتقولين له انه خطر على البيبي والله كريم

اظنها مو كويس بالنسبة للعندهم حساسية
بس للحامل مو متأكدة الله يحفظك ويحفظ البيبي وتقومي بالسلامة

تسلموووو حبايبي علي ردودكم

دام انتي بالتاسع مرحلة الخطر عدت ان شاءالله
و ثانياً ترا بس القطوة الوسخة الي مضرة
اذا نظيفة و تربية بيوت و تسوون لها تطعيمات مالها اي ضرر ان شاءالله
عند اهلي قطوتين باليت نظاف مايطلعون بره و ماخذين تطعيمات و انا دايماً ازور اهلي و انا حامل و الحمدلله ماصار بنتي شي
و انا سويت تحليل جرثومة القطاوة طلع مافيني الحمدلله و هذا لان القطاوة نظاف و محافظين على صحتهم

ترا انا اموووووت بالقطاوة

الحقوني يابنات عروس

زوجي امس كان ماخذ القطه شارنها واليوم وداها الي البيطري وقال الدكتور البيطري معاها فطريات
واني كنت امشي عند بابا الغرفه عشان البس نعالي دست علي ماي ولما شميت ريحه طلع بول القطه
وغسلت رجلي علي طول واني خاااااااااااااااااااااااااايفه موووت
هل احتمال يصير شي الي الجنين وخصوصن اني بكريه ويوم السبت احتمال الولد

حبيبتي شكل القطوة اللي عندكم ذكر لأن هو اللي يتبول بأي مكان مو مثل الأنثى ..

وأنا أنصحك وعن تجربة شخصيييييييييييييية تطلعونها ولا تخلونها عندكم مهما كانت نظيييييييييييفة ومهما تطعمت .. الكبير راح تجيب له حساسية والبيبي لاقدر الله مع التنفس دخلت شعرة من شعرها بصدرة ماتتخيلين حجم العواقب اللي ممكن تصيييييييييييير أنا أنصحك تطلعينهااااااا بأسرع وقت ولو إستدعى الوضع تشكين لأهل زوجك يكلمونه لو ماطاعك..

أنا مثلك بعد بكرا معطيني موعد الولادة وأنا بكرية وأول حمل لي وهذا الكلام قلته لك لأني من عشااااااق القطط وكنت أربي وحدة وسببت لي حساسية ربو ولا أهتمييييييييت وكنت مبسوطة فيها لكن هالكلام من نصيحة الدكتوووووووووووووووووووور .. وأنتي براحتك وزوجك...

مهما كانت القطوة نظيفة وتودونها للطبيب البيطري ...

بس حاااااااسبي...

لا تقربين من المكان اللي توصخ في القطوة (البراز الله يكرمج) لانها مهما كانت نظيفة برازها فيه جرثومة لو انتقلت لج ممكن تسبب اجهاض للحامل (بعيد الشر).. لو عندكم مكان توصخ فيه القطوة خلي زوجج ينظف مكانها مب انتي...

البول مامنه خوف .. بس البراز حااااسبي منه..

لاتخافين .. احنا عندنا قطااااو ة مو قطوة وحدة في البيت... اهم شي انتي ماتمسكينها... لان ماتدرين وصاختها ممكن تلزق بشعرها ولا اظافرها

والله يتمم عليج وتجيبين البيبي سليم ومعافى

اي ورائحة القط ما منها مضر ابداا