جوزك بيقف معاكى ساعات فى المطبخ؟؟ادخلى

لو عايزة جوزك يحب و لو يقف معاكى بس فى المطبخ من غير حتى ما يعمل حاجه ،مجرد انه يشاركك
لازم كل واحده فينا اولا تخللى مطبخها بيلمع و ريحته حلوه سواء بالفواحات او ريحه المنظفات مش يبقى الريحه الرسمية بتاعته ريحه البصل و المسبك و المحمر و يا الله لو الباسكيت مليان و ريحته مش حلوه كمان :schmoll:،،
و حاولى يكون الرخام نظيف و معلهوش حاجات زحمة كتير
و فى بعض الخدع ممكن تعمليها علشان تخليه داخل خارج عليكى و انتى فى المطبخ
مثلا تخللى فيه كولمن مليان مياه و بجانبه كوب نظيف بحيث يبقى سهل عليه انه ييجى بنفسه يشرب ( طبعا انتوا عارفين الصعوبة الفظييييعه فى انهم يجيبوا الحاجه بنفسهم )
و كمان ممكن تغسلى الفاكهه و تخليها جاهزة للأكل و تضعيها بشكل انيق فى سبت مغطى علشان لو عايز ينقنق لغاية ما الأكل يستوى
و يا سلااام لو حاطه شوية مكسراات من اللى بيحبهم ممممممممممممم بتلاقيه رايح جاى عليهم
اهم من ده كله لبسك و انتى فى المطبخ ااااااااااااه انا عارفه انى جيت على الجرح :schmoll: اهم حاجه ان شاء الله اننا نحاول نلبس حاجات جميله فى المطبخ زى تنانير قصيرة و عليها امريله المطبخ بيبقى شكلها حلو قوى و مغرى و يا ريت تكونى رابطه شعرك بس بطريقه حلوة و طفوليه يعنى الراجل المسكين ميدخلش يلاقى شعرك مسيباه و داخل جوا الأكل اللى المفروض انه ياكل منه
ايه رأيكم فى الأفكار دى، انا عارفه ساعات الكلام بيبقى اسهل من الفعل و لكن خللونا نحاول ان شاء الله و ربنا يوفقنا و كل واحده عندها افكار كمان تقولنا
ادعو لى