أما أنا فعروس معد يفرق معاي بايعتها وأبي حل مع أهل زوجي أناحزييينة

السلام عليكم ورحمة الله وبركاته
كيفكم خواتي يارب تكونوا بخييييييييييير والله أنا عندي مشكلة وعادتي قبل ما أحلها أستنير بكل الآراء الي حولي ومن ضمنهم خواتي عرايس عروووووووووس
طولت عليكم معليش خلص أبدأ بالقصة ثم المشكلة عشان تشوفوها من جميع الجوانب أوكي يالله نبدا
أنا أنخطبت لولد عمتي فبداية السنة وطبعا بعد الخطوبة عشنا مرحلة عناد جدا عنيفة لأني وحيدة أهلي وهو كبير أهلو ( دلع == تحكم ) وطبعا حصل طلاق مرتين بسبب انو أعطى نفسو اذن انو يتحكم فطلعاتي مع ماما من وانا فبيت أهلي انا كمان كنت غلطانة بدلعي الزايد ( يعني الغلط محسوب على الطرفين) وبابا ما عجبو الحال وقلو طلق فطلق
مع انو ولد عمتي إلا إنهم على قد ما كانو يحبوني وأحبهم وعلى قد ماكنت مبسوطة إني حكون معاهم إلا إنهم أتغيروا 360 درجة بعد الملكة وصاروا يغاروا مني لدرجة إني أهديهم هدايا كعادتي ومن باب المحبة إلا إنهم صاروا حتى الهدايا يردوها لي
أنا لي أربعة أخوان وأنا البنت الصغيرة والوحيدة فيوم صارت مشكلة الطلاق عرفها بابا وماما وإثنين من اخواني وطبعا كانوا ناوين الشر لكن الله ستر وماما قالت لو اتطلقت محد بينضر غيري لأن الرجال مابيعيبهم شي وهوه واخواني ما حينضروا قدي خصوصا مع مشاكل العنوسة وطبعا أهلو كانوا يتقابلوا معي ويضحكوا وكانهم مبسوطين للي صار وأنا بالتالي ماحاولت أبين أني زعلانة قدامهم ولا كأن شي صار وأتصالحنا انا وخطيبي وراضاني بكل مايقدر وأتغير مررررررررررررررة كتير أنا كمان أتغيرت ( يعني مشكلة فصالحنا )
هذي المشكلة قبل رمضان والظاهر ان رضانا وسعادتنا ما عجبت أو ريحت غيرنا
ألحين قبل اسبوع تقريبا زوجت أخوي الي مايدري مع أهلها زاروا بيت عمتي ومعاهم زوجت ولدهم وأنا في بيتنا على غفلتي ( ياغافلين لكم الله) إلا مادري كيف جات سيرتي أنا وخطيبي وقامت عمتي وقالتلهم على الي صار بالتفصيل الممل بحكم ان المشكلة صارت فبيتها وقدامها وبعد كذا زوجت أخويا سألتوا إذا كنت أتطلقت ولا لأ وأخويا مايدري فقامت القيامة وصارت مشاكل كتير بيني وبين نفسي وأخويا طبعا كان زعلان لدرجة انو كان ناوي يروح لعمتي ويوقفها عند حدها , أنا طبعا بمثاليتي الزايدة مارضيت على أخويا إنو يوقع في الغلط وقلة الذوق ( إحنا ما تطلع مننا العيبة) وخطيبي جدا زعلان لكن فنفس الوقت مو عارف ايش يسوي لأن هذي أمو ومسكين نفسيتو صارت تعبانة بس مو اكتر مني خصوصا وهو جدا رضي فمامتو وابو متوفي وبيحاول يرضيني بس مو عارف كيف وانا جدا زعلانة من عمتي ومن بناتها ومنهم كلهم أففففففففففففف
الشي الثاني الي صار ان زوجت اخويا ماتتكلم قدامنا عشان موضوع زي كده يجرح وهي معتبرة نفسها مننا وفينا ووالله انا ماشفت منها الاكل شي طيب بس كمان كنت ملاحظة ان معاملة عمة وبناتها صار فيها غيرة من بعد ملكتي
امي مسكت زوجت اخويا سألتها خصوصا ان عمتي جاتنا اليوم الي قبلها وما اتكلمو عشان كان في ضيوف عندنا ولا كلمت ماما بالتلفون ولا كأن شي صار لحد الآن
زوجت اخويا بعد اصرار من ماما أتكلمت وقالت كلام جدا مختلف وزايد عن الكلام الي وصلو ليه بيت عمتي عن طريق خطيبي واختو ( اختو دي بالذات كلمتني قالتلي انها ما ترضى احد يجيب سيرتي بأي شي بطال ولا تسمحلو , وزوجت أخويا تقول ان احنا سألنا متى حددتوا الفرح قامت هي اختو قالت هما لهم نفس يحددوا فرح اذا كان لين دحين هم اتطلقوا مرتين )مع ان الطلاق صار في المرتين وانا على غير طهر وهم عارفين كذا
وزجت اخويا طلبت انهم يتواجهو عشان يحطو النقط على الحروف وعمتي كمان طلبت المواجهه بس مو معانا ولا قدامنا هي قالت لولدها ان حيكون لها جلسة مع زوجت اخوي واهلها
وخطيبي قالي سوي الي يريحك واللي تبغي حتى لو يتقابلو قدامك وانا كل اللي مخوفني من المواجهة إني أخاف انها تكون اخر مرة يتقابلوا فيها وأصير أنا السبب الي فرقهم مع انو من حقي بس مو هاين علي وما اعرف ايش أسوي بس صليت الخيرة وارجوكم ثبتوني أتوكل على الله واسوي المواجهه ولا أسيبهم كلهم على ربنا ياخذ حقي وألزم ما علي زوجي بس كمان أخاف ان كلهم يستمرو في الكلام عليه ويتعودوا على كده ولاعاد يوقفوا عند حد وانا انسانة جدا حساسة ولا احب اتكلم في احد ونفسيتي جدا تتعب لو احد اتكلم فيا
قولولي داخلة على الله ثم عليكم تدلوني ايش اصلح؟؟ اسويها واحفظ كرامتي ولا ما اسويها عشان ارضي غيري ؟؟؟؟