للأسف صار اللي كنت خايفه منه........

]مساء الخير
كيف احوالكم اخواتي بدخل في مشكلتي على طول
انا ولله الحمد جدا متفاهمه مع زوجي ومتفقين لدرجه كبيره والحمدلله ماقد صار بيننا اي مشكله جاده كلها عباره عن نقاشات فقط :shiny:
زوجي يشتغل في مؤسسة والده وهو الآمر الناهي وهو رب العمل لان والده سلموا كل شئ
المهم مشكلتي معاه متعلقه بهالشغل اللي ماينقطع:(:( ؟؟؟؟؟ والله العظيم يابنات يشتغل صبح وليل مع العلم الحمدلله وضعنا المادي ولله الفضل والمنه ممتاز ......
يابنات ابغاكم تفهموني انا ماطلبت منو يبطل شغل او يجي يجلس جنبي بالبيت لا طبعا ؟؟ انا اطلب منه يحدد وقت للشغل ووقت للبيت.... بالله غلطانه بكلامي ؟؟ :icon9:
المهم هو دوامو كان من 8 الصبح ل2 الظهر ومن 5 العصر ل10 في الليل ووالله يابنات لو كان ملتزم بهالوقت مابزعل بالعكس بكون عارفه وقت رجوعه على البيت .. لكن مشكلتو يجي مره في وقتو وعشر مرات لا .. وتمشكلنا كم مره بسبب هالموضوع وتكلمنا فيه لغاية لمن كرهت نفسي :(
من فتره قال عشانك غيرت وقت دوامي صارمن 8 الصباح الى 6 المغرب متواصله ... قلت تمام مع اني كذا ماحقدر لا اروح ولا اجي وانبسطت وقلت تمام حيصير فيه وقت ليا وللاولاد
ونفس الموال من بدأهالدوام الجديد ماجا الساعه 6 الامره وحده وباقي الايام 8 او 9 ووصلت امس لوحده الليل :tears:
انا عارفه انو في الشغل لا اصحاب ولا غيرو بس والله حرام وانا واولادي ويننا من هالموال كلو
صرت متكلمه معاه بهالموضوع مليون مره ولكن لا حياة لمن تنادي طيب ايش الحل ؟؟
مع العلم اني مااحب اكون من الزوجات النكديات اللي تخلي بيتها نكد في نكد بالعكس وهو يشهدلي بهالشئ لكن خلاص طفح الكيل :(
وختمتها اليوم المسا بمشكله:tears: ؟؟ تعتبر اول مشكله فعليه وجاده بيني وبينو :(.. والسبب هالشغل
والله يابنات اللي باط مرارتي انو متحمل هو كل شئ على راسو مع العلم عندو اخوان دايما كنت اقوله قسموا الشغل بينكم كان يقولي بس يخلص .... الجامعه بيخف الشغل عليا ابشري بالخير وصبرت لغاية ماتخرج اخوه وتوظف معاه والوضع صار اسوأ مااحس اي تقدم بالعكس ..
اخوه باسط نفسه وكل ماهفه الشوق اخذ مرتو ونزلوا جده اسبوع طيب ليش ؟؟؟
اقوله انت وعدتني وقلت لما يساعدني اخوي بيخف علي الشغل وين هالكلام يقولي باقي الدور جايه ............
صراحه بط مرارتي اليوم تأخر كالعاده وقومت الدنيا وماقعدتها وقلتله لو استمريت على هالوضع انا ماحجلس معاك قالي هذا شغلي مالو غنى عني ولا ليه غنى عنه وانا ماني ساعه تبغيني ادخل بوقت واخرج بوقت قلتله اذا كذا انا حروح لاهلي واولادك حيجلسوا معاك على القديمه ؟؟؟؟؟؟؟؟؟؟ وبالفعل اخذت التليفون وحجزت على اهلي يوم الخميس العصر ونام زعلان ولا كلمني ..
فما ادري يابنات بأيش تشورون علي وكيف اتصرف اروح ولا لا ؟؟
بس عندي رجاء خاص
ماابغا وحده تقولي احمدي ربك مهو قاعد عند اصحاب ولا سهرات ولا ولا ولا ............ لاني حامده ربي وشاكره فضلو بس يعني ياسهر واصحاب ياشغل لانصاص الليالي ؟؟؟؟؟؟؟؟ليش يعطي كل شئ حقه شغله له وقت واصحابه لهم وقت وبيته له وقت امانه عليكم كلامي فيه غلط
مستنيه ردودكم عليه وكيف تنصحوني اتصرف مع هالموقف
ولكم مني جزيل الشكر