بنتي والغازات ساعدوني :(

راجعي أكلج ياقلبي يمكن تاكلين الأكل الي يسوي غازات لاتاكلين منجا ولا فلفل كبار ولا شمام ولاربيان ولاقرنبيط على الأقل ليما تخلصين الشهرين.

وواصلي على مغلي البابونج ومنقوع النعناع والحلوه كل يوم حتى اذا ماتتألم بذاك اليوم.

والله يشفيها ويهديها.

حبيبتي ممكن الغازات هذي لعدد من الاسباب
ممكن انك ماتجشينها زين المفروض لما تخلصي من رضاعتها من جهة تجشينها وبعدين تنقليها للجهة الثانية
وممكن بعض الاكل اللي انت تاكلينه يأثر عليها مثل البيض والبقول والبيبسي هذي كلها تنقل لها الغازات

الله يحزاكم خير بالنسبه لاكلي بالعكس اكلي صحي كثير عالمرق واللحم والبر واعطيها ينسون ومنقوع تمر ونعناع ونسيت اقولكم ماتتجشأ البنت وش اسوي :(

لازم تدلكي ليها بطنها على خفيف كانش تمسحينه
في اطفال مايتجشون بطريقة اللي نعرفه تحطينه على صدرج وتجشينه لا
جربي معاها انك تبطحينها على بطنها وانتي ماسكتها وتضربين على ظهرها على خفيف

هذا لقيته في احذ المنتديات ان شاء الله يفيدج


1) ضعي طفلك على حجرك أو سطح أفقي آخر بحيث يكون
بطنه إلى أسفل ثم أديري رأسه إلى أحد الجانبين (وتأكدي من أنه مستند)
وربتي بخفة على ظهره أو دلكيه براحة يديك.

( أنظري الصورة ادناه للتوضيح )



) إرفعي طفلك عاليآ على كتفك وإجعلي صدره فوق كتفك مع ثني
الرأس بخفة ثم ربتي برقه على ظهره.

( أنظري الصورة ادناه للتوضيح )



- أمسكي طفلك بحيث يكون في وضع رأسي مع ميل طفيف إلى الأمام
وأثناء مساندتك لعنقه وظهره ربتي أو دلكي ظهره برقة.

( أنظري الصورة ادناه للتوضيح )

اشتري دوا انفاكول واايد زين من الصيديليه واشربي اعشاب

الله يعينج يااختي اكره شي بالاطفال الغاازات بنتي لما كانت صغيرة كانت تصرخ وتصيح بشكل موطبيعي وتعور قلبي وبطنها منفوخ وكبير مليان غازات فكنت اسبحها كل يوم المغرب واعطيها مغلي ينسون والحمدالله ترتاح شوي و تنااام وتصيح بعض الايام

هي فترة وبتعدي

مشكووووووووووووووورة حبيبتي Blossoms على الصورة ... ساعدتينا وساعدتي الاخت EmOoOo! كثير !!!!

العفو حبيبتي ان شاء الله الكل يستفيد

مشكورييييييييييييييين الله يجزاكم كل خير ويوفقكم دنيا واخره يااارب

حبيبتي ابتعدي عن كل شي يسوي غازات

يعني المشروبات الغازيه وعصير المانجا ....إلخ

وقبل النوم اخذي شوي زيت زيتون وحطي فيه نقطه بوفاس للأرياح

ودلكي بطنها زين وبعدين غطيها والا نوميها على بطنها عشان الغازات تطلع

وعليج بماي غريب وااايد يريح البيبي

وماتشوف شر ان شالله

الله يعينك حبيبتى

اختي انت ماترضعيها صناعي اذا كنت تعطيها صناعي فبدلي ليها الحليب
واذا كانت ماتعطيها صناعي فالسبب بنتك لانها يمكن من النوع العصبي الي يبي يشرب بسرعة ويدخل ليها اثناء الشرب هواء حاولي بس تشرب اشوي ارفعها وخليه تتكرع وحتى لو بعدها ماشبعت ردي حطيها تشرب وبعد تكريع حتى لو بتبدلين ليها الثدي الى الثاني بعد خليها تتكرع انا فاد في بنتي اني بدلت لها الحليب وبعد كنت اعطيها مرقدوش مال اطفال وبعد اعطيها ماء الحلوة مطبوخ مع نباته

الله يجزاكم كل خير انا صدري ترضع من واحد بس البنت ترضع بس من صدري اليمين لان اليسار مافيه حلمه ماتطلع :(وديتها الدكتور قال عشاناها ماتتنفس زين لانها مزكمه تدخل الهوا وهي ترضع وعطاني ادويه لها وربي يعين ادعو لها تكفون ان الله يريحها من هالغازات والله قطعت قلبي