ساعدوني مره محتاره

السلام عليكم جميعا
حبيت احكيكم مشكلتي واتمنى انكم تساعدوني لاني مره محتاره


اول شئ انا بابا وماما منفصلين وبابا في بلد واحنا وماما في بلد
المهم انا ممكله من عشره شهور على واحد مامعه شهاده بس لمى وافقت عليه كان متوظف وراتبه 3000 ولنا شقه ملك من عمارة ابوه فقلت مو مشكله انه مامعاه شهاده اهم شئ بيكافح ويشتغل واهلي كانو مترددين طبعا بس انا وافقت لان الماده مو كل شئ وارضو بالقليل ياتيكم الكثير المشكله مو هنا المشكله اكتشفت بعد الملكه انه مره مهمل وانه يتوظف وظيفه ومايمكل فيه شهر ويفصلوه بسبب الغياب والاهمال واول ايام الملكه انفصل من وظيفته وقعد يمكن ثلاثه شهور تقريبا بدون وظيفه وصبرت ولا حسسته اني متضايقه وقلت نصيب رجع اتوظف وماقعد شهر ورجع انفصل ثاني على اساس انه مو مرتاح وبعدها قعد فتره كمان واتوظف وصاحبه ضحك عليه وورطه مع صاحب العمل ورجع انفصل وبعدين كمان قعد فتره وبعدين لقى وظيفه مره كويسه وراتبها مره حلو وبدلاتها مره كويسه يعني شئ مانحلم بيه واول شهر في الوظيفه غاب 12 يوم ولا قالي بالصدفه امه جاتنا وبتنصحني اني اشد عليه واعاتبه عشان يشد حيله وعاتبته وتكلمت معاه ووعدني وثاني شهر نفس الشئ غاب 10 ايام ففصلوه المشكله لمى اساله ليه يقول مشاكل مع اهلي وظروف وان نفسيته تعبانه عشان كذا مايقدر يداوم فاتصلت على امه وسالتها وقلت لها انه يقول انو عندكم مشاكل عشان كذا مايقدر يداوم فقالت لي وحلفت انو اهمال وانو اصلا مايدري ايش يصير في البيت وانه دايم يطلع مع اصحابه ويرجع متاخر فعشان كذا مايداوم فانا دحين محتاره يعني دايم يوعدني ويخلف ويكذب علي هو يقول انه يحبني بس مايهتم فيني ولا يتصل ولا يسال فانا قررت انفصل ويطلقني لاني خايفه على مستقبلي
فايش رايكم اللي اسويه صح لان ماما مي راضيه تعطيني رايها تقول عشان ماتلوميني بعدين تبغاني اقرر بنفسي وانا والله مره محتاره وبابا ماحكيته لاني لو حكيته حيكبر الموضوع اكثر وانا احس اني عايفته مو قادره اتحمل اكثر
الله يخليكم ساعدوني واعطوني رايكم واسفه اذا طولت عليكم