متى أكل ولدي من اكل البيت؟؟؟؟؟؟؟

هلا الغالية الله يحفظ لج ولدج ويسلمه يا رب

بخصوص صفار البيض تقدرين تعطينه الحين بس البياض بعد السنه تجنباً للتحسس واللحم انا عطيته ولدي يوم دخل تسع شهور (طبعا كنت خوافه درجة اولى) واكل البيت ابتدي طعميه شوي شوي طبعا بعد هرس الاكل.

هذا اللي عندي واتمنى البنات ما يقصرون معاج.

اختي ااانصحج البيض خليه لين عمر سنه

لانه بعض الاطفال يتحسسون منه وعسل بعد لين عمر سنه

بنتي لما كانت بعمر 6شهور اعطيها فواكه وخضروات مهروسه وطبعا انتي شكلي ومزجي بينهم وسيرلاك ومحلبيه عيش بيضه وسوي لها عيش مهروس ولما دشت 8شهور او 7ونص دخلت جبن مثلثات بوك وفارليز مع حليب

اللحين لما كملت 8ودخلت 9 قمت اعطيها هريس وبدخل لها بعمر 10شهور معكرونه صغار مثل اكل عصافير

واسمع من صديقاتي يسون لهم شوفان كويكر

فانتي لاتاكلينها كل يوم 3وجبات لانها توها تاكل فاعطيها اشياء لينه ومهروسه

ومش غصب 3 لانه صبح مثلا سيرلاك يعتبر وجبه وغدا موز مع كمقري هاي وجبه وبليل حليبها مع فارليز يعتبر وجبه

وبنتي ماكنت اعطيها كل يوووم خفت تحسس معدتها فكنت اعطيها وجبتين فقط

اتمني افدتج

اما دياي الصراحه خفت مادخلته

أختى انت الحين ماشية تمام.. خلي وجباتها خفيفة ولا تستعجلين على البيض صبري شوي..

الصبح عطيه سيريلاك او ميلوبا من النكهات اللي يحبها.
الغداء مهروس الخضروات والأرز
العصر عصير طازج تفاح او برتقال او ممكن الجاهز المعلب او تهرسين الفاكهة وتطعمينه بالملعقة..
العشاء نوع ثاني من السيرلاك او الميلوبا

بعد الشهر الثامن تقدرين تعطينها من أكل البيت بس مايكون مليان ملح وبهارات.. صفار البيض، مثال البيض العيون أكليه الصفار وأنت أكلي البياض (آنه كنت آسوي جذي) ومع قطع جبن كيري او المراعي او حتى سندويش جبن لين بالمرة مع الزبادي مال الأطفال....

والركن مليان من المواضيع الخاصة بالتغذية أعملي بحث وراح تحصلين مطلبك...

البنات ما قصروا

ما شاء الله

مشكووووووووووووووووووووووورات خواتي وان شاءالله من يدش الثامن بعطيه من اكل البيت

انا بدات ااكل ابني من وجباتنا في الشهر ال10 او ال 11 اي اكل يكون في البيت ممكن يكون يناسبه مثلا .. البطاط مع اللحمة .. المعكرونة الطبوخة .. البامية ( فيها الياف عالية باتساعد معدة طفلك علي الهضم ) البقوليات المطبوخة في البيت ( شوربة العدس ، الفاصوليا ، الفول ) كلها اشياء ممكن تتهرس ... في المرق الي احنا نفت العيش ونرش عليه المرق مرة جميلة ويحبها ابني .. في عندنا العصيد (القمح) مع الزبادي ... الرز المطبوخ بس مش مع اللحم لان ما بايقدر ياكل اللحم لانه كبيرة علية ..

اختي انصحك

بالشهر الخامس والسادس والسابع والثامن

اكتفي بالخضار والفواكهه والسيريلاك فقط لان معدته ماتعودت على كل شي فلازم انك تعطينه بالتدريج

حرام كل شي بوقت واحد

وفي نهاية الثامن وبداية التاسع

اعطيه رز ودجاج وصفار البيض

واذا كمل سنه

اعطيه اللحم

كذا راح تتعود معدته شوي شوي

وانا الحين اعمل مع بنتي كذا

وان شاءالله افدتك

اختك

حايره والشوق

مشكورات خواتي

اللحم انا قلت بعطيه عقب سنه ان شاءالله

اما الدياي وعيش دخلتله من عمر 5 شهور

وصفار البيض بعطيه من يدش الثامن ان شاءالله