قصة ولادتي بعلاااوي

هلا عروسااات
تحمدوا لي بالسلامة كلكم

تمت الولادة يوم الاربعاء الصباح
الساعة 6.56دقيقة
---------------------------------
بقص عليكم الحين قصة ولادتي المحزنة اللي مستحيل انساها
-------
كنت احس بتقلصات قوية من يوم السبت وكل يوم عن الثاني يزيد وقلت مدام اني متحملة الالم راح اجلس في البيت الى ان يشتد الالم عندي
وكان يوم الاثنين عندي موعد عند دكتورتي فرحت المستشفى متأخرة شوي ودخلت على الدكتورة 9وشوي واني مو قادرة من الالم وفحصتني وطلع الرحم متوسع 2سم
وقالت لي لاتروحين تولدين الا اذا اشتد الالم او نزل ماء الجنين فسمعت كلامها وجلست في البيت
يوم ثاني الصباح جلسني زوجي يوم بيروح العمل وكانت 6ونصف وقال ماتحتاجي تروحي المستشفى قلت له لأ توكل على الله...
بس والله ماجت 8الا ربع الا واني اتقطع من الالم وتقلصاتي كل 10 دقايق فاتصلت الى زوجي وقلت له تعاااال
المهم
جى زوجي الساعة 9 الا ورحت المستشفى واحنا رايحين ياكافي الشر كان بيصيبنا حااادث بس الله سلم اعمارنا ونا اختلعت مرررة وقمت اصااارخ
المهم وصلنا المستشفى قسم الطوااارى واني ادعو ربي الن الرحم متوسع 5 او 6
بس كانت الفاجعة الاعظم قالت لي الدكتورة ان الرحم متسكر ولا تجين الا اذا نزل ماء الجنين او نزل دم
وطلعت من المستشفى وقلبي ينزف دم واخذت اصيح وقتلت روحي من البكى لاني ابغى اولد خلاص تعبت ومو قادرة اتحمل
وزوجي وداني بيت اهلي وهو رجع العمل وانا اخذت نفسي ونمت واني اعاني من التقلصات اللي ذابحتني تقلص ورى تقلص وكل واحد اقوى من الثاني واني ماسكة نفسي من الالم
ماحبيت اصارخ قدام اخوتي واخواتي
ه\ي طبعاً يوم الثلاثاء الظهر ودخلت اريح نفسي من الساعة 11الظهر ولا قمت من السرير الا المغرب تقريباً الساعة 7وشوي وبعدني مازلت اعاني من التقلصااات الشديدة
حسيت نفسي بنفجر من الالم واتصلت على زوووجي ورحت الطوارئ الحمد لله قالوا لي الرحم فاتح مابين 4الى5 ودخلوني قسم الملاحظة الا هي غرفة الطلق من 9.30 الى ان خلصت نفسي وجهزت حالي ولبست ثوب الولادة وحطوا المغدي كن جت الساعة 11وشوي
-----------------------
حطوا لي التخطيط وقياس نبضات الجنين واني لسة اعاني
3الا ربع جت الدكتورة وكشفت لسة الرحم ستة ماتغير شي المهم والاقيها كل مابين شوي تجي تكشف وتهدر بالانجليزي وتروووح
قلت السالفة اكيد فيها شي وكل ماسألتهم في شي يقولون لأ
افففففففففف
جت لي الحووووسة وقام قلبي يدق ويدق واسمع كلمة هاند
فعرفت ان يد الجنين على رااااسه وهم قاعدين يحاولون يباعدوهاعن الراس حتى لاتتعسر الولادة
وابعدوا اليد الحمد لله
ولكن لسة بعدهم قاموا زيادة في الكشفيه والله يمكن لو اقوم امشي ماأقدر من كثر مالعبوا بي لعب حسبي الله عليهم
سألت مرة ثانية ويش صاير واصريت اني اعرف قالت لي الدكتورة ان الجنين راسه ارتفع عن الحوووووض وحاولي انك تساعدينا حتى لاتكون الولادة قيصرية
يعني الرحم متوسع 6 والدكتورة يدها داخل وهي تقول لي ادفعي علشان الراس ينزل في الحوض
وقمت احاول بكل قوتي واساااعد بس مافي فايدة كن مايجي تقلص تقل قوتي في الدفع
يعني تخيلوا
الدكتورة دخلت يدها نصها علشان تعدل من وضع الجنين واني اصارخ من الم الطلق ومن الم يدها
لا واللي اعظم ان الدكتورة يدها دااااخل وقامت الممرضة وحطت يدها بعد
والله هذي اللحظة حسيت نفسي بقرة متعسرة ولادتها ويحاولوا يولدوها باي طريقة
-----------------------
خلاص الجنين نبضاته قلت والدكتورة تصارخ علي حسبي الله عليها تقول لي لازم تساعدينا حتى ماتولدي قيصرية
وبعدين حطت لي خيط من الاسفل في الرحم لقياس نبضات الجنين
والله صرت كن ماتجي الدكتورة يجيني رعب شديييد من عملية الكشف المهبلية
المهم جت الساعة 5 وعطوني مهدئات وابرة زعج الجنين او ابرة ملينة للرحم حتى الرحم يفتح على طوووول
ونفس الشي لاقيت صعوبة في غرفة الولادة حيث ان الجنين راسه مازال مرتفع فووووووق والدكتورة ردت ودخلت يدها هالمرة اعظم من قبل وحاولت انها تقرب الجنين لان راسه ماااااال
فما في نتيجة خلااااص وهي كل شوي تقول لي حرااام تتعذبي مرتين المرة الاولى الام الطلق وتوسع الرحم والمرة الثانية الام العملية القيصرية
وكن كاتقول لي شدي اشد بس اهي تقول لي انتي ماتشدي
خلاص عضلات المهبل تعبت من كثر الكشفية اللي ارهقتني وارهقت عضلات حوضي
وصرت ماأقدر ادفع خلااااااااص وخلاص سوو لي شفط للجنين اللي تعبني اكثر واكثر والحين الراس دخل الحوض والمشكله هنا اني تعبت من الشد خلااااااااااااااص ماعاد فيي قوة
قامت الدكتورة تضغط على بطني بكل قوتها والله
شوي اللي يهديها وتركب فوووووقي وقي تقول اذا ماطلع الجنين لازم قيصرية والله راح يموت
والحمد لله طلع علاوي بالسلامة مع اعوجاااج في جمجمته واحمرار قوي
بس الحمد لله والله من شفته نسيت كل عذابي وتعبي بغمضة عين وبعدين خيطوا جرحي وعقموا المنطقة ورجعوني غرفة الملاحظة وبشرت زوجي وامي اني ولدت باالسلامة ويوم ثاني طلعت من المستشفى بس بدون ولدي لأنهم قالوا ليي يحتاج شوية فحوصات لأنهم يسمعوا صوت في صدرها ويوم السبت رحت استلمت البيبي وخبروني انه مافيه شي الحمد لله رب العالمين
------------------------------------------------------------------------

ادري عورت راسكم بقصتي

بس والله حبيت انكم تشاركوني مأساتي اللي هلكت كاهلي
صار لي من ولدت 13 يوم وبعدها عظام حوضي متفككة لين جلست او قمت من الجلوس احس بمفاصل الحوض تتحرك

-----------------------------------
وعقبال حوامل منتدانا يولدون بالسلامة ياااارب
والله يرزق كل محرومة ال\رية الصالحة ان شاء الله