سؤال عن الماء

الي اعرفه من خبراتنا انا يااهل الرياض
ان الماء ينفع لطفل من بداية الشهور الاولى يكون ماء وشوي سكر نبات على شان يروح الصفار الي في العين
وبعد شهرين يكون ماء عادي يعني صحي مو من الحنفيات او ماء فايح على النار يعني بنتك عطيها ماء صحي مو غير مغلي كذا بيضرها ويمكن يسببلهاحصى في الكلى اذا اكبرت
انا يالكبار ماتحملنا طعمها ولا الالام الي تجينا

للنصيحه لا تعطينها من الحنفيات او ماء غير مغلي

ودمتي الف صحه وعافيه انتي وبنتك

هلا عزيزتي.. انا مره قريت في كتاب اجنبي ان الطفل ما ينعطى ماي في السنه الاولى!!!!!
والسبب عشان ما يخرب على اوقات الرضاعه او الوجبات..

بس ما دخل عقلي هالكلام (وجعلنا من الماء كل شيء حيا) صدق الله العظيم
ومن رايي .. انج تعطينه ماي من القاروره بدون غليان اللهم عقمي الملعقه او الرضعه اللي راح يشرب منها..

وهني وعافيه على قلبه

هلا اختي احنا بالنسبة لنا أول ماينولد الطفل نعطيه ماي عادي يعني من الاشهر الاولى

انا بنتي من عمرها شهر وعطيها مااي صحه ما اغليه ولا شي
تحيااتي

هو عادة الرضاعة الطبيعية تغني كل شي حتى الماء

بس ما يضر لو الطفل يشرب قليل من الماء في بدلية الشهور

والحين بنتك في سن بداية اضافة الاكل لها يعني من الطبيعي انها تحتاج الماء في هالعمر

انا بنتي عطيتها ماي من البداية
ولا هو مغلي ولا شي

آنه أعطيهم ماي مغلي مبرد بأول شهرين وبعدين أخلط ماي الصحه بس يكون من نوعيه زينه مع الماي المغلي عشان يصير الحليب دافي وهالأيام في ماي صحه مخصوص لليهال أسمه بيبي ووتر لون الغرشه وردي مسويينه مخصوص لرضعات الياهل وأكله.

بنتي داخلة شهرها السابع وللحين اغلي الماء وابردها سواء للشرب او لرضعات اللبن وغالباً راح استمر لين تتم السنة ان شاء الله

حبيبتي ..

بخصوص الماي

انا بديت اعطي بنتي و هو توها كمن يوم

و الافظل انه يكون ماي دافي ,, او معتدل الحرارة

و بعد كل رضعه و بالذات الصناعي عطي البيبي كمن قطرة ماي

و انا اعطيها الماي بالابرة .. او اذا ابغي اشربها ماي و سكر نبات

احطلها الماي في المرظعه

اختج

قصايد دبي

انا ويه قصايد دبي

انا اوافق جميع الامهات ... كل الدكاترة يقولو ان ما مفروض يعطو البيبي ماء في الشهور الاولي ..
بس سمعت مؤخرا من دكتور مصري في قناة المحور ... ان الماء ضروري من اول يوم اذا كان الجو حاااااااااار ...

بس في صنعاء الجو بارد وانا كنت اشرب ابني ماء من اول يوم ... اشوف ان الماء ضروري ...
وما كنت اهتم بكلام الدكاترة فيما يخص الماء ...

مشكلة الماء هي ليست الجراثيم في الخليج بل في الترسبات الجيرية والحجرية الي بالغلي ما تروح وتضل لهذا احسن ماء الصحة النقي ... لان بيكون نقي منزوعة منه الشوائب ...

انا بنتي من كان عمرها شهر اعطيها ما ي بس اكثر شي اعطيها في الصيف الحين قليل اعطيها بس شويه بعد الرضعه لا يبقى الحليب في فمها ويسبب الها فطريات

انا بصراحه اختي

اعطيت بنتي من الشهر الاول

لان الماء مره مفيد

وطريقتي اني اغلي المويا اللي في القاروره

وبعدها اخليها تبرد وبعدين احطها فالرضاعه واشربها

لان الماء لازم يكون معقم

وتحياتي لك

حايره والشوق

مشكورين يالغاليات على ردودكم