ساعدوني في اختيار مانع الحمل

أولا الحمد لله على السلامه
ثانيا مدري شلي يناسب جسمج بس أنا ناسبني اللولب أسهل وللي ينسون الحبوب أضمن.
بس لاتفكرين بالأبره جربتها مره وصار لي نزيف طول الشهر .
الله يوفقج.

استشيري دكتورتج احسن .... ماتدرين شاللي يناسب جسمج ..

كل وحدة من البنات ترتاح مع شي غيرها ماترتاح معاه ..

ماتدرين ... كل طريقة لها عيوبها ومميزاتها ... اظن ان الدكتورة بتفيدج

افضل طريقة لمنع الحمل هي الواقي الذكري condom اضمن وبدون مواد كيميائية وخصوصا انج ترضعين (y)

حمدلله على السلامة اولا .. ومبروك ما جاكم :flower:


ثانيا بالنسبة عن مانع الحمل انا استخدم طريقة العزل مع زوجي ،، والافضل لك ان تستشيرين الطبيب وهو رايح ينصحك بالانسب لك ..
بس انا بعد ولادتي الثانية طلبت من الدكتورة ان استخدم طريقة الابر لمنع الحمل لكنها رفضت وقالت لي ما انصحك بالابر في مثل حالتك الافضل لك حبوب لمنع الحمل او اللولب ،، لكن انا عندي اسباب لرفض هالطريقتين وحاليا مستمرة على طريقة العزل والله يكتب اللي فيه الخير :whistling:

زي ماقالووووووووووو لك الاخوات استشيري الدكتوره وهي اللي تعطيكي المانع اللي يناسبك والله يوفقكي ان شاءالله

انا ناسبني اللولب ووااااااااااااااااااايد مريح


جربنا انا وزوجي طريقة العزل وحملت بعد 9 شهور


الواقي الذكري يسوي التهابات واااااااااااااااايد والدكتورة ما نصحتني فيه

الحبوب ممكن تمتن وممكن تسبب تساقط الشعر وتسبب العصبية وهالأمور انا في غنى عنها

فاخترت اللولب

اللولب اريح لبالك واضمن الموجود