ممكن طريقه عمل الاكلات الصينيه ..

والله حبيبتى نعرفش اى روابط هنا

اختي ان شاء الله قريبا رايحة انزل الطيق الصيني

الرجاء من الاخوات أريد بعض الطبخات الصينية بالدجاج:flower::clap::clap:

شوفي عندي لج طبخة سهلة وأنتي نوعي فيها يعني لحم دجاج ربيان أو بس خضره

أولا.. المعكرونه استخدمي النوع اللي يجي مثل الشرايط مش النودلز لأ الشرايط وخليها تفوح بدون ما تكسريها مع شوية ملح وزيت وخليها جاهزه.

ثانيا.. الخضروات.. تقطعيها بالطول (الجزر والفلفل الرومي ملون والبصل الأخضر اللي يجي طوال والملفوف هو سر الأكل الصيني، وطبعا تقدري تضيفين الذره الحلوه مع البروكلي أو القرنبيط طبعا كلن حسب الذوق.

وطبعا تجهزين الدجاج تقطعينه بالطول وتتبلينه بالملح والفلفل الأسود وتخلينه نص ساعة في الثلاجه

ولازم يكون عندج صويا صوص أو الصوص تبع اللحم شنو إسمه يا ربي إي ترياكي صوص.

الحين الطريقة:

في قدر على النار تحطين الزيت وتقلين فيه الدجاج بس مو كثير زيت وبعدين تضيفين الخضار وتقلينها بس مو كثير يعني حلوه الخضره تكون مقرمشه وبعدين تحطين المعكرونه وتقلبينهم على بعض وآخر شي تضيفين الصوص مقدار فنجان قهوة لأنه مالح فعشان ما يطغي الملح على الطبق وبس وقلبيهم وطفي النار وكلوه وهو دافي وبالعافية.

هذي المكرونه اللي أقصدها

وتقريبا هذا هو الشكل النهائي

وممكن تسوينه مع الرز على الغداء أو إذا عندج عزيمه ترى الكل يحب الأكل الصحي والأكل الصيني صحي

مثل هذا

وهذي الصلصات اللي ممكن تستخدمينها
ممكن تستخدمي وحده أو تحطي شوي من كل وحده

الصويا .. للربيان والدجاج واللحم
الترياكي.. للحم
الكيوكيمان صوص لكل شي وأحلى مع الدجاج

هذي الكيوكيمان صوص

وهذي الصويا صوص



والترياكي صوص ما حصلته بس تلاقينيه معاهم في الجمعية وكل واحد مكتوب عليه إسمه.

أعتقد خلاص تعلمتي الطبخة وجربيها تراها صحية وايد

مشكوره يالغاليه

بحاول اسويها هالاسبوع واصورها وانزلها لكم ان شاء الله


مشكوره يالغاليه ..

ييسسسسسسسسسلسمو

شوفي ياقلبي انا بقولك على الطريقه اللي اسوي فيها الدجاج او اللحم الصيني بالفلفل الاخضر او الفلفل الحار مررررررره تجنن وكل اهل البيت عندي يحبونها ..

اول شئ تقطعين الدجاج او اللحم شرايح (اللحم لازم تكون نحيفه اما الدجاج عادي ) وتتبلينها بـ (2 غطاء خل ابيض ،، فصين ثوم مدقوق ،، شوي زنجبيل مبشور لا تكثرين ،، صويا صوص _ خذي نوعين واحد اسمه صلصه الصويا المعتدله والثانيه صلصه ريح المحار _ بحيث تحطينها حسب رغبتكم اذا تبون الطبق فيه شويه حلاوه حطي 1 -3 من الصوصين واذا تبينها معتدله لا مالحه ولا حاليه حطي 1-4 من الصوصين 1<< المعتدله و 3 او 4 << ريح المحار ) كذا خلصنا التتبيله ..
بالنسبه للدجاج يكفي تتبلينه لمده 4 الى 6 ساعات .. اما اللحم فالافضل اكثر من 12 ساعه ..

ثاني شئ .. قطعي بصل ،، جزر ،، فلفل اخضر ،، ابشري شوي ثوم وزنجبيل ،،

ثالث شئ .. خذي طاوه كبيره او قدر حسب رغبتك حطي 2 ملعقه زيت وبعدها الزنجبيل والثوم حركيهم شوي وبعدين شيليهم بس الزيت لا خليه وبعدين حطي اللحم او الدجاج وقلبيه تقريبا عشر دقايق وذوقي اذا عجبتك الصوص اللي عليه ولا زيدي اللي تبين سواء محار او معتدله وبعدها اضيفي الخضار وقلبيها واطفي النار على طول لا تخلينها على النار وغطي القدر
( اذا تحبون السائل معاها كثير ممكن تزيدي فنجان او 2 بس مويه مغليه مو اكثر عشان ما يخرب الطعم )

قدمي معاها زر ابيض .. وصحة وعافيه على قلوبكم يااارب .