انا رجعت لكم وكلي مشاكل

السلام عليكم
انا يا بنات كنت اكتب لكم من فترة عن مشاكلي الزوجية ومن اول ماتزوجت والحين ولدت وجبت عليوي الله يخليه

وكملت سنة ونصف زواج وللحين مشاكل مع زوجي وحالته تدهورت اكثر من قبل



انا الله يسلمكم من اول ماتزوجت وزوجي مو معبرني ولا يحترمني وشايفني غلط من ساسي لكرياسي والحين عقب ما صرت ام وزادت لي المسؤولية ما قام يقدر ظروفي وماقم اييني البيت انا بالاول كنت مفكرة بالطلاق بس الحين افكر بولدي شنو شعوره يعيش بدون ابو

زوجي م يشرب ولا يدخن ومحافظ للصلاة بس مشكلته ربعه اهم ماخذين عقله ويضحك معاهم وينكت لمن اسمعه يسولف معاهم اقول يا بختهم والله اسلوب حلو ودم خفيف

لكن معاي انا لاء ثقل دم وزف وطول الوقت يعصب ويسب ومرات لمن يكون بمزاج حلو انكت معاه يطالعني بطرف عينه وانا معروفة بين ربعي اني خفيفة دم والكل يشهد وطيبة وخدومة بس اهو ينكر هالاشياء فيني

قعدت معاه بيوم وقال كارهج ومابي اطلقج عشان لا تروحين حق ريال ثاني ومتمسك فيج عشان الولد قتله اتعدل قال لا مابيج تتعدلين لاتقولين هالكلمة وعصب

علما باني طول وقتي بالبيت حابسة روحي لا طلعات ولا رفيجات ولا شي بس ازور اهلي واهله وغير جذيه ماعندي

ومرة قلت له انه في اسلوب بين الريال ومرته قال انا محترمج شسوي يا بنات قولو لي

حتى اول ما طلعت من النفاس ظليت 15 يوم انطره بالفراش حالي حال الحريم وما ياني ونفسيتي كلش تعبانه ايلين طحت بالمستشفى بعدين تعدل مشكلته يوم زين ويوم شين

ابليز بنات قولو شسوي مابي اتطلق ابي حل لمشكلتي لاني تعبت واحس اني بموت ولا بقولكم شي عنه وجنه يخرع

لمن يزفني او يقولي كلام انا ابجي يروح الصالة يشوف تلفزيون وانا ابجي وصوتي يلعلع بس اهو حاقرني بعدين يروح المطبخ يتسلى بكاكاو ومندمج بالتلفزيون

تعتقدون اهو مريض نفسي او رجل سادي؟؟

ومرة طلعت له وانا ابجي اقوله يا عديم الاحساس قصر على اللفزيون قال محد قالج ابجي


يالله يا كريم ساعدني وهون علي

بنات ادعولي وعطوني حلولكم