عروس و مهمومه و مو فرحانه بالزواج

السلام عليكم بنات
عروس

من وين ابتدي و كيف اختصر ضيقتي

بسمي بالله ببتدي وياكم
و ياريت احصل حل عندكم


بسم الله الرحمن الرحيم


قصتي
انخطبت و عمري 17 سنه
صحيح فكرت في حدود شهرين او اكثر في موضوع الخطبه
لكن الاهل كانو موافقين و تاركين القرار لي ما يبون يضغطون علي
عشان ما اندم ( طبعا بعد ما سألو عنه و تأكدو من اخلاقه تركو كل شي علي )

و صار لي لحد الان 3 سنوات خطوبة
و قرب موعد الزواج

قبل الخطوبة اشترطت عليه اني ابي شقة ايجار بعيده عن اهله
و ما وافق
قلت له ابيه ينكتب بالعقد رفض و قالي كل اللي تبينه بيصير بس لا تكتبين في العقد
و بعد كلام طويل في الموضوع وافقت

و سويت لي خطوبة بسيطه مو فخمه عشان الزواج اسوي لي شي فخم
طبعا متفقه معاه على كل شي
و وافق انه بسوي لي

و صارت الخطوبه
و كنت سعييييييييييييييده لو اقلها لكم اشكثر سعيده ما تتصورون
طبعا لا بد من المشاكل
فكانت في مشاكل على الشقة فقط
و كل مرة يقولي بيبني في البيت ما ارضى
و كان يخيرني يا اني بالبيت او نسكن في غرفة و حمام في بيت عمي
الين وافقت بالشقه
بعد اقل من سنة من الخطوبه
و قالي بطلب قرض بعد 6 شهور
و طلب القرض بعد سنه كااااامله و تعبني عليه و زعلت و تهاوشت معها في هذي الفترة و ااااااااااايد
و كم مرة قلت له ( ما ابيــــــــــــك )
و ابي انفصل و نتصالح و تتيسر الامور
بنى الشقة و تمت على بناءها الى حد الصبغ بسسسس
سنه و نص
و تعبت و طلعت روووووووووحي عليها و تهاوشنا عليها و ياما ياما
كررت الكلمة و قلت له ما ابيك
و السبب الشقه
و كانت عمتي دووووووم تقنعني لا تبنون و قعدي في الغرفة ( يعني مو راضيه على الشقه)
بس خليته يبني لي
على العموم من بداية البني بالضبط الى الان تغييييييييير 180 درجه صار شخص ثااااااني
صرت انا بالنسبة له
مزهرية رحت او ييت مالي معنى في وجدوده
و اذا صار معاي اوكي في الشهر مرة

و الحين جاء الزواج
و طلبت منه ان نسوي العرس اللي وعدني فيه
رفض
و عطاني مبلغ بسييييييط
يمكن يكون ربع المبلغ اللي يحتاجه العرس
و قالي سوي العرس من مهرج
و المهر ما يكفي شي
ابد
اغراضي مو اغراض عروس كل شي بالواحد
او الاثنين

و قلت اوكي بسوي عرس بسيط
و عمتي شبت علي نااااااااار عطاج في الخطوبة و سويتي حفلة لا تسوين حفلة عرس مو راااااضيه كلللللللللش

و انا قلت لها بسوي عرس عائلي
و لا تعزمين عام
عزمي اللي يعز عليج
و اهلج
قالت حق خطيبي انا ما بروح العرس
و خطيبتك ما تبيني اعزم
و جا قالي هالكلام و تهاوشت معاه و حلفت و قلت له
ما ابيك و خلاص
فلوسك
و فلوس المهر اللي انصرفت برجعها كلها
ما ابيك و لا ابي منك شي

و بعدها امي حاولت تصالح بينا و تفاهنا
لكن عمتي و اهله كلهم ما بيون بحجة اني ما ابيها تعزم و بحجة ما يسمعون اغاني
و انا احس خطيبي دايما ضدي في كل شي و معاهم
و حسيت
اني
كرهت الدنيا و مافيها و بعد ما تحدد الزواج
و جهزت و خلصت للزواج
قلت ابي انفصل عنه
ما ابيه
و كل يوم اصيح
و اصيح على امي و اقولها
كل ما يقرب يوم احس روحي تطلع و اختنق

و اقولها بطلع من بيت ابوي و بروح بيتهم
احس كأني بروح بيت مخيف او بيت كآبه
او كابوس مادري
الفرحه ابد ما دخلت قلبي

على فكرة شلت مبلغ بسيط من مهري عشان اروح معاه دبي
و قلت له بالمبلغ قالي ما يكفي قلت له زيده ما رضى
و عمتي منقهرررررررره حددددها اني بسوي حفلة و بسافر
و هو مو راضي بالحفلة و لا راضي بالسفر و دايما يقولي سويتي حفلة في الخطوبة و كل هذا مال داعي
اقول حق امي احس اني مو مقتنعه فيه تغير
ما ابيه
رجعو له كل شي
ما ابي اتزوج
فستاني فصلته و كل ما اروح حق بروفه ارجع اصيح
و اقول ما ابي البسه
مو فرحانه متضايقه حددددددددددددددي

شسوي ؟؟؟؟؟؟؟؟

عطوني الحل ؟؟؟؟؟؟؟؟؟؟؟؟؟؟؟؟؟؟
باقي عللى الزواج 18 يوم تقريبا