لحقوو علي باشق جيبي وباهيم البراري

اكيد تسالووووون ليش؟؟ اقول لكم شي ومو تستغربون
انا عندي ثلاث زوجات اخوان زوجي مطفريني بعيشتي, مقرفيني حياتي

الاولى (زوجة الكبير) اكبر مني بعشر سنين, هي مدرسة وعقلهها ما يساوي عقل اصغر طالبة عندها, وهي مو بنت خالي بعد,
بس تكرهني والسبب ان عيالي ( اهل زوجي) يحبوني, تحاول اتسوي وتخلق لي اي مشكلة ولو من فراغ,
والثانية زوجة الثاني اكبر مني بثمان سنين ام وجهين ( معاكم معاكم عليكم عليكم) ورا الخيل يا شقرا
والثالثة اكبر مني بسنتين, وشايفة حالها على الكل,
المهم هذه مقدمة عشان تحكمو صح,,
انا ما اشوفهم وايد لانهم ما يجون بيت اهل زوجي الا يوم بالاسبوع وبالاعياد,
المهم هالاسبوع بالويك اند قررو ( عمتي وزوجي واخوانه) انهم يطلعون يومين البر فطلعنا معاهم
وهناك انبطت جبدي عدل , هم صراحة اجسامهم مليانة وقصار بعد
فقامو يتكلمو عن النسوان والاغواء
فقلت ( وبشكل عفوي) انا ما اتضايق اذا زوجي طالع وحدة دبة, اتضايق اذا طالع الرشيقات,
جان اتقول الثانية بالعكس الدبات يجذبو الرجال اكثر,
قلت : يمكن بس زوجي ما يحب هذه الاجسام ما يعجبه الا جسمي الرشيق,
جان يتكلمو عن فنانة وتقول الاولى مرة الكبير: هذه الرجال يموتووو فيها
جان اقول انا من حلاتها الا خلفياتها هذه كبرها , انا ريلي ما يحب هذه الخلفيات
جان تقلب ويها وتطنبز وتطنقر, وقامت تقول لي الله يسامحج,
عاد اشوي اللي ولدها الصغير عمرها 5 سنوات ايي ويمشع شعر بنتي رغد اللي عمره ثلاث سنين وجم شهر
المهم انا كنت ارضع خلودي, فما اقدرت اقوم, وقلت له علاوي خلها, اللي انا اقول الها
فلاااااااانة شوفي ولدش,, كان تقعد ساكته ما ترد تقوولووون صمخاء, سكت قلت يهاااال

بعدها جان يجي وقت ما انا اعشي بناتي اللي يجيب الرمل ويكبه ع الاكل
وانا سكت واشوف امه اطالعه وهي ساكتة,
بعدين اقول لزوجي خلي ابوه ياخذه جان تقول يعني تبي تحبسين الياهل,
سكت وقريب حزة النوم كان يجيب قربة الموية ويكتها على خلودي
الى اهني وبس طفح الكيل جان اشيل من ثيابه واطلعه بره الخيمة,
جان امه تقوم تهاوشني,
وتقووول مرة حماي الثانية: لعمتي شفتو هذه اللي تحبوها ما بقلبها رحمة
واتاخذ الاولى اغراضها وتقوم اولادها وتكلم ريلها جان يرجعوون البيت
ويوم قالو بيمشوا قال الباقي انهم بيرجعون جان تقولي الثالثة: ( خربتي علينا الطلعة)
وبعدين لمن رجعنا جان تقولي الثانية اتصلي للاولى واعتذري منها

تخيلوووووووووووووو,, ولا تقولووو لاتطلعين معاهم
انا ما ابي اطلع بس عمتي تقول لي مب عدلة ما تروحين ويش بيقووولون عنج

وزوجي انقهر حده من ود اخوه وكان بيضربه بس انا قلت له مانبي مشاكل
والادهى اليوم انها جاية بي عيالي وتقووول الله ينتقم من اللي ظلمني وظلم ولدي

ادري طولت السالفة بس ساعدوني شلوون اتصرف
وانتو تحسون اني غلطانة, ولا زم اعتذر ولا شنهو