++لو سمحتووا ممكن تردون++

هل يبدي ياكل روب( زبادي )
ايوه دكتورة ولدي تقول من ثلاث شهور
او اي نوع من اللحوم لاني قبل كم يوم قريت كتاب انه المفروض اوكله اشياء فيها بروتين
كنت اوكله دجاج مسلوق مش يوميا
ومتى ابدي اوكله صفار البيض..؟ وماعليكم امر اشلون ابي طريقتكم
تقريبا من تسع شهور
اسلقي البيض وخليه ياكل الصفار بس اما اضربه بالشوكه او ياكله قطع صغيره
والحين عادي احطه على الولكر ؟؟

ههه الله يحفظه لك
انا حطيته فيعا من 5 شهوووور


وان شاء الله افدتك تراي عليميه

السلام عليكم ورحمه الله وبركاته

اختي تقدرين تعطينه الروب واللحوم بانواعها والسمك وصفار البيض،، بنتي من بعد ما كملت الشهر السابع قمت اعطيها من اكل البيت،، والبيض كنت اغليها بالماي لين ما تستوي وبعدين اخذ الصفار واخلطه ويا جبن كيري اليهال وايد يحبون هالوجبه،،

وبالنسبه للوكر اذا تحسين ولدج يصلب عمره في اليلسه حطيه عادي او تقدرين تسندينه بمخده صغيره ورا ظهره واهم شئ ريوله لازم تدق الارض كامله مب بس رووس الاصابع واذا كان ما يوصل نزلي الكرسي واذا ولدج قصير مثل بنتي حطي له كوشن تحت ريوله صح انه ما بيقدر يتحرك بس على الاقل يحصل شئ يدوس عليه

الروب وصفار البيض لازم تعطينه لين يكمل 9شهور


وطريقتي في صفار البيض اعطي ولدي لما كان عمره 9 شهور اخذ صفار البيض واحط عليه اشوي حليب واطبخه عالنار لين يتماسك اشوي

واعطيه اياه وكان وايد يحبه واعطيه مرتين في الاسبوع من بعد ما كمل 9 شهور

والولكر اني حطيت ولدي من 5 شهور يعني عادي تحطين ولدج الحين

انا اللي اعرفه عادي ممكن تاكليه الزبادي لانه خلاص ست شهور وما بعد تقدري تاكليه
وبالنسبة لصفار البيض ممكن تجربيه بس بحذر مو كل الاطفال تتفبله في اطفال يصيبهم حساسية منه اخلطيه مع اللبن حتى يسهل بلعه

وبالنسبة للكريجة حق المشي عااادي انا من خمس شهور احط اولادي وربي يخليه الكم

ممكن تكليه زباي من عمر الاربعة اشهر ...

ممكن تكليه اللحوم .. بس تبداي بالدجاج ويكون مسلوق مهروس كويس ..

ممكن تاكليه صفار البيض من عمر الست شهور ... فيه بروتينات عالية ,,

اكيييييييييييد ممكن تجلسيه في الوكر من اللحين ... باتعلمه المشي بسرعة ..

والعمر كله ان شاء الله لابنك ..

يعطيكم العافيه حبايبي

جزاكم الله خيرا