واني بسويها عشان الجمعة وهناك ناس واجد فاكيد تختلف الاذواق<<< الخلاصة انها بتنأكل بتنأكل يعني (r)
المهم... صورت الخطوات بالصور عشان عيونكم الحلوة.. فلا تبخلوا علي بالردود
المقادير
كيك امريكانا الرولز.. اخترت على نكهة فانيلا..
3 قيمر
8 مكعبات كيري
نصف كوب حليب بودرة
مغلفين دريم ويب
نصف كوب ماء..
والطبقة العليا..
جلي احمر اي نكهة تفضلون توت او فراولة ..
نص كوب فيمتو مركز
رمان منثور
الطبقة الاولى:
يرص الكيك بعد تقطيعه حلقات..
هذا مال قالب الرجال
وهذا قالب الحريم
في الخلاط .. يخلط كل من القيمر والدريم ويب و الجبن الكيري والحليب البودرة والماء..
قبل الخلط
بعد الخلط وبعد ما صبيناه على طبقة الكيك
نحطه بالفريزر لمدة ساعتين على الاقل، ووقتها نشتغل على الرمان نفلله
بعد ساعة من وضع القالب بالفريزر نروح ونرش الرمان عليه عشان يثبت على الطبقة السفلية وما يطفو على السطح، وبنفس الوقت الطبقة الثانية تكون جمدت شوية وماتغوص حبات الرمان داخلها
ونرجعها الفريزر ساعة اضافية
نشتغل على الطقبة العليا فوراً عشان يمديها تبرد..
نذوب الجلي البودرة في كاس ماي مغلي.. وبعد ما نتأكد من ذوبان البودرة.. نضيف كأس ماء بارد، والفيمتو... انا كثرت منه وصار اللون غاااااااااااااااااامووووق قريب للاسود..
بعد ما يبرد ، وخلاص تكمل ساعتين من تدخيل القالب للفريزر، نطلعه ونصب عليه الجلي بحذر، بواسطة ملعقة كبيرة افضل..
وهذا الشكل النهائي، توضع بالثلاحة ( وليس الفريزر ) لساعات.. انا خليتها من الليلة الى بكرة الظهر..
وهذا على جنب
اذا عجبني المديح بحترف الشغلة :poster_av1:
