تكفون ياحلوين علموني

يا هلا بج الغاليه وطلبج سهل وما يردج غير لسانج :).. ان شاء الله تطلعين قمر وريلج يتخبل عليج :)..

اتبعي هالخطوات وان شاء الله اتشوفين نفسج FullMoOoOon..

1- قبل وضع المكياج بعدة ساعات.. يفضل عمل قناع ومساج للوجه وحمامات زيت للشعر و تدليك للجسم..

2- لتجهيز البشره واعطائه حقه من الفيتامينات والبروتينات وتحريك الدوره الدمويه الذي في الوجه :) يجب عمل القناع والتدليك المستمر.. يعني اتسوين قناع المناسب لبشرتج وانتي ما حددتي نوعية البشره الغاليه :) وانا هنيه بشرح لكل نوعيه وما يناسبها من القناع:
1- قناع (الزبادي+ الليمون+طماطم) للبشره الدهنيه..
2- قناع (الزبادي+الخيار+ زيت اللوز) للبشره الجافه..
3- قناع (الزبادي+ زيت الزيتون) للبشره العادي..
4- قناع ( الزبادي+ الليمون+ زيت الزيتون) للبشره المختلطه..

قبل وضع القناع يفضل غسل الوجه بالماء الدافئ بدون صابون لفتح المسام.. وبعده وضع القناع المناسب للبشره.. يجب وضع القناع لمدة ربع ساعه في الوجه أو حتى ما يجف وعدم الفرك.. اتروحين وتغسلين ويهج بالماء الدافئ فقط وثم البارد.. وتنتظرين ربع ساعه أخرى ثم تغسلين ويهج بالماء البارد والصابون المناسب.. ويوجد عدة انواع من الاقنعه وانا كتبت لج هذا النوع لانه أسهل نوع ومجرب وممتاز اذا استمريتي عليه :)

وانتظر اتحددين لي نوعية بشرتج عشان اقدر افيدج اكثر في نوعية المكياج وكريمات الاساس المناسبه لج :)

حبيبتي اشكرك على اهتمامك وجوابك ومساعدتك لي والله يحقق كل احلامك ويسكنك الفردوس الاعلى ويبعد كل شر عنك
انا بشرتي مختلطة دهنية واجزاء عادية الدهنية منطقة الانف والذقن والباقي تقدري تقولى عادية مش جافة
واشكرك مرة اخرى ياقمر :o

قبل وضع المكياج يجب تحديد لون اللبس وكيفية ارادت وضع المكياج وشكل التسريحه المناسبه :)

*أول شي حطي كريم او لوشن ووزعيه على الجسم..
* لبسي اللبس الذي تريدين ارتدائه..
* لمي شعرك واول شي ابدئي المكياج..

الاشياء الاساسيه الي بتحتاجينها للمكياج:
1- كريم أساس + خافي العيوب
2- مرطب
3- بودر الحره
4- أينز شادو
5- جحال أو الايلينر
6- محدد الشفايف
7- روج
8- جلووس (مرطب)
9- بلاشير (مورد الخدود)
10- ماسكرا


أول شي:
1- ابدئي بوضع كريم مرطب في الوجه حتى يتم ترطيب الوجه ومنع ظهور الحبوب عند وضع المكياج.. خذي المرطب من بودي شوب عندهم مرطبات روعه للبشره الدهنيه واشكال وانواع..
2- وبعده بخمسة دقايق وزعي خافي العيوب في اماكن وجود البثور أو الحبوب او اسوداد..
3- ثم ضعي كريم الأساس المناسب لبشرتك على كامل الوجه والعنق..
4- ثبتي المكياج بوضع البودرة الحرة..
5- توزعين الاينز شادو وتركزين فيه..
6- تحطين جحال او الاينزلينر تحت العين وفوقه على الاطراف..
7- اتحددين الشفايف بالمحدد وبعده تحطين الروج وبعده وبدقايق اتحطين المرطب..
8- وتحطين احمر الخدود (بلاشير)
9- آخر شي حطي الماسكرا..

** بما ان بشرتج مايله للدهنيه أكثر استخدمي منتجات استي لودر من كريم أساس والبودره وعندج بودي شوب منتجاتهم روعه..

* ثم ابدئي في التسريحه التي تريدينها..
* ثم ادخني واتعطري والبس الاكسسوارات المناسبه..

وان شاء الله تطلعين عرووووس :)

شكرا على تعاونك ياغالية :o

اسفة على الغلط الاملائي السابق :D انا كتبت يعد ايامك والله قصدت يسعد ايامك اعذريني على الغلط:o

السلام عليكم

سوري جيت متاخره ..

والاخت سنو وايت .. اشكرج من كل قلبي اختي ماشاءالله كفتي ووفيتي

واختي omalkier انشاءالله تطلعين قمر بفضل الله ثم بفضل الاخت سنو وايت .........:D

تحياتي ....

حبيباتي اشكر تعاونكم بس عندي سؤال بسيط

شايفين المعة الموجودة على البشرة خصوصا الانف والجبهه انا نفسي اعرف هل هية من نوع المكياج ام هية طبيعية لاني لمن احط المكياج ما احصل هذي المعة رغم ان بشرتي صافية وخالية من الحبوب
ياترا هل هوة جل اوماسك يوضع بعد الانتها من المكياج او ماذا يكون ياترى
انتظر اجاباتكم ياحلوين
واشكر تعاونكم :D انا عارفة ان دمي تقيل عليكم بس يابخت من نفع واستنفع :D

ونفسي اعرف كيف احصلها(f)

الغاليه انتي قلتي ان بشرتج دهنيه :) فمافي داعي انج اتحطين الكريم الي يخلي الوجه لماع.. لان بعد مرور كذا نص ساعه او ربع ساعه سوف تلاحظين ان بشرتك سوف تفرز دهون قليله وتعطي اللمعه للوجه.. هذي احدى مميزات البشره الدهنيه انها تعطي لمعه للمكياج :)..

واذا كنتي مصمه انج تبغين الكريم روحي لاي محل للمكياج واساليهم عن كريم (ستروب) من مميزاته انه يعطي لمعه للوجه وتستخدم بعد كريم المرطب وقبل كريم الاساس :)

حبيبتي
اسكنك الله الفردوس يارب مع كل من تحبين
واشكر اهتمامك ياعسل ياست البنات(f)

السلام عليكم ورحمة الله وبركاته

شكرا لك يا اخت XxSnow_WhitexX الصراحة مواضيعك كلها حلوه

لكن انا عندي ملاحظه ارجو انها ما تزعلك

وهي ان الالوان اللي تستخدميها تكون فاتحة يعني ما تساعد على التركيز وذلك لان الخلفية فاتحة والخط فاتح وهذا يتعب النظر والعين فياليت في المستقبل تستخدمي خط غامق هذا كل الملاحظة

وشكرا

مرحبا بنات...
اسمحولي انضم لكم...

حبايبي...اللي تبي الإضاءة اللي بالصور...الي تعطي اشراق ونور للوجه...
هذا كريم اضاءة...وفي منهبأغلب الماركات...

واحلاهم من ماركة ماك...اسم الكريم ستروب كريم...لونه ابيض لؤلؤي..يعطي اضاءة للوجه..سعره 9دينار...يعني تقريبا 100 ريال..

وفي ماركة ثانية رخيصة وحلوة...اسمها ايسادورا...في كريم للإضاءة روعة...انا جربته...سعرة عندنا 2,5 دينار...يعني تقريبا 35 ريال..


ان شاء الله استفدتوا من هذي المعلومات...

ولا يهمج الغاليه sunflower من اليوم ورايح بختار الالوان الغامجه في الكتابه.. كله ولا تعب نظرج ورضاكم هو هدفنا :) ومشكوره على الاطراء الغاليه :)

والغاليه omalkier:
تسلمين على هالكلام الحلو يا عسل.. واذا بغيتي اي شي سالي وان شاء الله بنقدر انرد عليج :)

الغاليه ليل ونهار:
تسلمين على هذي المعلومه وان شاء الله الكل يستفيد منها.. بس سؤال حبوبه ماركة ايسادورا من وين؟! يعني بلد الصنع لو ما عليج كلافه الغاليه؟! لاني اسمع عنها وايد.. و وايد بنات يمدحونها بس ما جد جربته.. انتظر الرد.. وتسلمين :)

حبيباتي وصديقاتي عندي اختي عيونها صغيرة وغائرة يعني داخلة جوة واشترت فستان لون نيلي غامق وناس يسموة ليلكي سؤالي هوة ماهو لون الضل المناسب للفستانها وعيونها وطريقة رسم عيونها بحيث تصبح اكثربروز وجمال
حبيباتي ارجو الرد السريع ولكم خالص دعواتي

الغاليه يفضل ان الظلال (الشادو) يكون بللون الازرق النيلي (ليلكي) ممزوج بلون البنفسجي الغامق بلمعه.. وتحت الحواجب يفضل استخدام اللون الازرق السماوي أو الفضي.. وعيونها صغار فيفضل استخدام الشادو الغامق.. مع كحل تحديد العينين من داخل بللون الفضي او الازرق السماوي الفاتح او الفضي.. واستخدام الكحل الاسود حوالي العينين..

وانتي لم تحددي لون البشره حتى يتم التركز الاكثر على اللوون..!!

المهم حبوبه شوفي هذي الصور حتى يسهل عملية الاختيار.. واختاري الي تريدينه وان شاء الله بينفع معاكم ويناسب ذوقكم..

حبيبتي اشكرك والله من كل قلبي والله يحقق كل امانيكي ويكنك الجنة على تعاونك
بنسبة لون بشرتها سمرى زي انتصار الشراح وبصراحة هي صديقة غالية علية ونفسي اخدمها

تسلمين الغاليه :o.. والله يخلي صديقتك لك يا رب..

حبيبتي اذا هي بشرتها لونها داكن فيفضل استخدام (الشادو) باللون الفضي تحت الحواجب.. والتركيز على الشادو الغامق مثلما وصفته لكي سابقا.. ولان عيونها صغيره فالالوان الداكنه سوف تبرز لها العينين..
يعني ركزي على الصوره رقم 1 و2 وشوفي كيف طريقة مزج الالوان والتركيز على العينين وان شاء الله بتطلع قمر.. :)

الأخت الفاضلة سنووايت.. اشكر لكِ جهودكِ..

مع الأخت ام الخير..

وتسلم الأخت ام الخير اللي خلتني اعرف انك ماشاءالله عندك خبرة..

لأني جديدة بالمنتدى..وياليت تفيديني في موضوع..

لأني بصراحة عييت ادور على روج معين واخذ كذا روج لني اشوف ان منظره تقريبا يشابه اللي ابيه..

بس يظهر ان لازم على الماركة والنوع ومن هالقبيل..

المهم عيوني ابيكِ ان كان تعرفي اسم الروج اللي بالصوره المرفقه.. ونوعيتة واللون بإيش يسمونه..

ياليت انك تخبريني عنه..ولك جزيل الشكر..

تحياتي..

أختك::نــــوراء

تسلمين الغاليه نـــــــوراء على هذا الاطراء.. وان شا ءالله بقدر اساعدج..
اللون الي في الصوره المرفقه تقريبا مثل هذي:

* الروج من ماركة ايف سان لورانت:
Rouge Pur in Fuchsia

* الGlosS للشفاه من ماركة لانكوم:
Juicy Tubes in Grenadine

انتي جربيه وان شاء الله ترضين به :)