أرجوكم ساعدوني والله مالي أحد

السلام , مشكلتي هاي عودة والله مالي احد يحلها

انا متزوجة من أربع سنوات كان زواجي من اوله مشاكل حتى في فترة الملجة ما تهنيت مثل ما تتهنى أي عروس شابة في العشرين المهم

تزوجت على الرغم من التحذيرات اللي لقيتها من الناس لانه ريلي قريبي " واقربلك عقربلك" ولان اقل مني في المستوى الثقافي المهم

بعد العرس ما سلمت من تدخل أهله في كل كل صغيرة وكبيرة وما عرفت طعم الإستقلال سنتين او بالأحرى ثلاث وأنا عايشة في بيتهم مع تدخلهم وعدم إعطاء الزوج لحقوقي ما كان همه إلا رضا اهله وشهوته فقط لا غير المهم إنجبت منه بنتي الأولى صبرت لمدة سنة على ما تخرجت من الجامعة بعد ما تخرجت طبعا قمت أرفض بطريقة غير مباشرة تدخل اهله وقمت اسوي اللي اباه طبعا بعد موافقة ريلي عليه وهذا كره حماتي فيني وإعتبرتني عدوة لها وطردتني من بيتها ريلي قام وأخذ شقة بس مازال اهله يتدخلون والله كانوا يتصلون عليه الساعة 3 بالليل ويقولون له نباك في سالفة تعال الحين وإستمروا على هذا الوضع لين ما هو طفر لين ما قالي خلنا نسير بيتهم وبعطيج ملحق بروحج المهم صدقت ورديت بيتهم وقص علي وما عطاني شيء إلا غرفتين داخل البيت ومازال التدخل مستمر المهم إشتغلت ويبت خدامة خذوها
راتبي يذلني عليه أهله مع كل اللي سويته معاهم يقولون هاي مب زينه خذوا كل راتب ريلي في ديون ولما صار حافي قام يفك حرته فيني يهاوش ما بقى أحد من اهلي إلا وياب في سيرته والله والله كرهت العلاقة كرهت إني اييب عيال منه لأنه حتى العيال يقول إحمدي ربج إني عطيتج إياهم وكل ماييب شيء يذلني عليه ويسال عن أشياء و ثياب كانت من سنين عندنا ويسوي مشكلة عليها ووصلت عنده للضرب وانا صابرة
المهم قبل شهرين إنتقلت لبيت أهلي وقال لأهلي خذوا بنتكم تخيلوا والله ما بقى فلوس وتدينتله صبرت على فقره إعتنيت بيه لما أهله كان يطلبون شيء كنت انفذه وأنا أضحك وكل ها يقولون علي إني مب زينة
ولما كلم أهلي حط شروط وأهلي وافقوا عليه قال عني كلام وهو مسوي عمره البريء وأنا اللي ما اخاف الله أهلي صدقوه وقفلوا الموضوع الحين انا في بيت أهلي لا مطلقة ولي حقوقي ولا زوجه وأقدر أكلمه في حقوقي المتعبني والمدمرني إنه أهلي صدقوه لأنه كذاب ولفق كلام وإني ما أعرف نهايتي شو هل أسير المحكمة وأطلب الطلاق لأنه رافض يطلق لانه مايبى يعطيني أي شيء حتى دينه والسكن ولا فيه حل ثاني
دخيلكم محتاجة لكم لأنه مالي لا ربيعه ولا أحد اكلمه