انتي موظفه و متزوجه ؟ ..دخلي و شاركينا ...

السلام عليج
موضوعج حلييو وحبيت اشارك فيه
أولا هل توفرين راتبج .. ههههه طبعا لا مصاريف الحياة ما تسمح
. زوجج يصرف عليج ؟
هههههههههههههههههههههههه طبعا لا يصرف على ربعه
هل تصرفين من راتبج
أكيييييييد
و بعد تأخذين مصروف من زوجج ؟ لا ها من المحرمات
هل تشاركين في مصروف البيت مع زوجج ؟ بالاحرى مصروف البيت كله علي
هل زوجج يتدخل في راتبج ؟ يذلني عليه

انا الحين ما اشتغل لكن لما كنت اشتغل زوجي ما يدخل وين راتبي ووين صرفته وفي المقابل ما اقصر


اشتري لي وللاولاد وله يعني كان راتبي للرفاهيات وما وفرت منه وايد لان مثل ما قالت الاخت الالتزامات كثيييرة


ولما كنت اطلب ما يسألني ليش لكن اعرف بنات حتى بطاقة الصراف ما تعرف وينها وهذا حرام


واللي اعرفه المرأة غير ملزمة تعطي من راتبها اللي اذا هي تبي ..............لكن الزوج يحق له


يقعدها بالبيت و هو ملزم انه يصرف عليها

طبعا عمري ماوفرت شي من راتبي
اصرف واخذ من حبيبي بعد
شكرا لطرح الموضوع

طبعا ما بوفر اشي من راتبي لاني بصرف كثير على البيت وعلى المربية وعلى لبس الاولاد الخ..... وزوجي ما بسالني عن راتبي لانه عارف وين بروح وين بنصرف حق اولاده وحق البيت واحيانا باخذ منه مصروف المواصلات اما مصروفي الشخصي طبعا انا الي بصرف على حالي . الله يعين ويغير الحال احسن من هالحال يا رب .

مشكوووورين يا بنات على التفاعل و الردود ..

الصراحه الدنيا كل ماياها تغلى .. و الازواج يختلفون عن بعض
في الزوج الكريم : طبعا يصرف عليج حتى لو راتبج عندج
و في البخيل الي ما يصرف عليج كفايه و لا .. بعد ياخذ من راتبج .. او يسالج وين صرفتيه و شو سويتيبه
والله اعرف بنت ما تتهنى براتبها كله سين و جيم
و في الي على قد حاله .. يعني هاالي صدق يكسر الخاطر و احس ماشي مانع انج توقفين وياه و تساعدين في المصاريف ..


و باقي العرايس شو رايكن ؟؟

كل وحده موظفه .. تخبرنا كيف تصرف راتبها ؟
هل توفرين راتبج ... زوجج يصرف عليج ؟
هل تصرفين من راتبج و بعد تأخذين مصروف من زوجج ؟
هل تشاركين في مصروف البيت مع زوجج ؟
هل زوجج يتدخل في راتبج ؟


هلا حبيبتي يا اختي ظروف الحياة الحين صعبة ولازم نساعد

زوجي ما يتدخل في راتبي بس انا اساعده من نفسي

مااوفر شيء الفلوس كلها رايحه كل شهر يطلع شيء

مشكورة اختي اسما على المشاركه

راتبي ما أوفر منه شي ،
خخخخخخخ زوجي يشل راتبي كلة مسكين يخليلي 2000 مصروفي + راتب الخدامة
ويوم قلت مابعطيك راتبي لأنك ماتستاهل تدرون شوقالي ....؟؟؟





































































































انتي طالق ...

ام عزوووووووووووزي الحلو !!!!
والله ما اعرف شو اقولج بس الرياييل ما فيهم خير ..
و انا احيي فيج شجاعتج يوم قلتي ما تبين تعطينه راتبج
لانه هذا حقج انتي تتعبين و تاخذين هالراتب المفروض هوه ما يتدخل فيه ..
و ما ياخذ منه فلس إلا لو انتي تسمحيله
الحرمه لازم ما تتنازل عن حقها لو شو يصير .. الله يهديهم و يهدينا ..

ام عزوزي الحلوو

حسبي الله ونعم الوكيل


والله يعن الجميع يا اختي....

بس فعلا مايستاهله اصلن حرام الزوج ياخذ من فلووس زوجته بدون ما تدري بس الواحد شو بيقول وكم بيرمس وكم بيتحرطم بس همهم فلوووس وراتب الحرمه.....

انا عن نفسي

شهريا الحمدالله والشكر اول ما ينزل الراتب اسحب مبلغ مثل 3000 او 4000 واعطيهم اختي اتيوده ليه..

والباقي يرووح على كلشي

وانا ما اخذ مصرووف من ريلي بس متى ما احتاج اقوووووله وغصبن عنه يوفريلي لو من الارض وانا طبعي ما اطلب منه بس عسب ما اعوووده اني ما اطلب فا مرات فجاءه اقووله ابا ومحتااجه لان هوو طبيعي ما يسال عفاني الله عععععععع معني اخذ بس والله ما اصرف يتم عندي....

وصح عندي دين البنك الله يفرج هالدين ياااااااااااااااااااااااااااااااااااارب ادعولي بس

انا راتبي كان ما يبقى منه شي لأني اصرفه على كل شي يعجبني لنفسي ولعيالي وللبيت ولزوجي واحيانا اعطيه اقوله خذ هذا المبلغ ينفعك او اشتري له هدايا وهكذا .. لأن الرجل لما يفرح بمساعدة زوجته له بيقدرها وينعكس عليها .. لكن احيانا كنت اذا حسيت انه ينتظرني اصرف في شي معين اسوي حالي ما معايا فلوس عشان لا يتعود ويتحول الموضوع لاستغلال ..

موضوع حلو يختي

انا ما اوفر ولا شي من راتبي ورصيدي في البك زيرو لا ما بكذب يمكن فيه كم فلس
انا ادفع كل شي في البيت لان زوجي غرقان في الدويون وانا اعرف لو عنده ما بيبخل علي
والحياه تستدعي ان احنا نتساعد

بنحط راتبه على راتبى ونصرف من الكل ومصروفى زى مصروفه بالظبط والفلوس ضايعه على الاكل والشرب والشغاله وعلاج الولد وتجميع اقساط المدراس غير بقا الديون ربنا يفرجها علينا وعلى الكل

عروس الموج
ياااااااااااارب يفرج عنج و يفكج من دينج و يهدي ريلج

الرايقه
انا وياج الريال يفرح بمساعده الزوجه .. لكن مثل ما قلتي الوحده ما ادلعه وايد
باجر هوه بيقعد و هيه بتصرف على كل شي

الطاف البحرين + توتى و شيكو
حبيبتي الله يفرج عنكم و يقضي دينكم و يهنيكم و يزاج الله خير على وقفتج مع زوجج


مشكورين على مشاركاتكم يا حلوات ^_^

انا وزوجي اتفقنا من عرسنا ان راتبي مامسكه نهائيا
هو يعطيني مصروف 3000+راتب الشغاله

وهو عليه كل شي جمعيه او مناسبات


طبعا بتسألون راتبي شوظيفته

انا خليت راتبي اذا طلعت بدونه ونقصت الفلوس اسحب او اذا بشتري له هو شي لان مب حلو اشتري له من فلوسه خخخ
وبعد اذا سافرت ممكن اخذ منه ..
والباقي اجمعه للظروف

هل توفرين راتبج ... زوجج يصرف عليج ؟ <<<<<<<<<<<<<< زوجي يصرف علي
هل تصرفين من راتبج و بعد تأخذين مصروف من زوجج ؟<<<< اصرف من راتبي بس اخذ مصروفي من زوجي
هل تشاركين في مصروف البيت مع زوجج ؟ <<<<<<<<< احيانا وهذي تكون مبادرة مني وزوجي ما يطلب مني بس احب اساعده
هل زوجج يتدخل في راتبج ؟ ابدا ولا يدري كم عندي

السلام عليكم ........
هذي أول مشاركة لي وحبيت أهنيكم بمناسبة قرب عيد الأضحى السعيد...
وبالنسبة لموضوع البيزاااااااااااااااااااات ... أنا أصرف راتبي كله وحبيبي فديته ما يقصر لا يسألني عن راتب ولا عن شي بالعكس يصرف علي راتبه كله لو بغيت مايقول لاااااااااااااااااااااااا الله لا يحرمني منه:21_140:

مشكورين على المشاركه ^_^