كل أجهزتي بالبيت وبالصور

بـــــــسم الله الرحمن الرحيم

الســــــلام عليـــكم ورحـــمة الله وبـــركاته


أخـــــواتي الفاضـــــلات ...

موضوعي اليوم هو عن الأجهزه الكهربائيه

كثير غيرت بالأجهـــزه بالسنين الي مــــرت بســـنوات

زواجــــــي ...


اليوم قررت إني أكـــــتب لكم عن بعض الأجهزه الي أخترتها

بعد ما نقلـــــت لبيتي الجديــــد ...


والحمدلله ارتـــحت كثير من هذي الأجهــــزه


ولفــــت أنتباهي سؤال الكثيرات عن أفضــــــل نوعيه لبعض


الأجهزه والآن بقدم لكـــــم عن بعض هذه الأجــــــهزة وتجربتي مع كـــــل جهاز


مع صور مرفقه حتى يتم التعــــرف على الجهــــــاز بشــــكل أفضل ...


نبــــدأ بأجهزة المطبخ ...

طبـــعا المطبخ ياخذ الكــــثير من التكلفـــه لشـــراء مستلزماته الكهربائيه

ولكن لا تنسين عزيـــزتي إنك مع هذه الأجـــهزه بتوفرين عناء العمل

من تقطيع وفرم وغسل وشطف وتجفيف و غيره الكثير والكثير ...

وبيــــتك يحتاج للعنايه ايضا ولازم توفرين الوقت والجهد لكل شئ

والعلم تطور ولله الحمد ووفر لنا الكثير من الأجهزه الاقتصاديه

للجهد والوقت معا ...

أولا



ثلاجتي



أخترت ثلاجتي لأسباب عده منها انها ما تاخذ حيز كبير بالمطبخ

مع ان مطبخي كبير ولله الحمد ولكن زيادة الخير بركه ...

ليه ما ياخذ حيز السبب حبيباتي لأن حجمه بالطول اكثر ما هو بالعرض

والأهم من ذلك إن فيه تلفزيون يسليني وقت الطبخ

وايضا أدراجه مرتبه من الداخل ..

وما يحتاج اني املي مكعبات الثلج كل مره

لأن المكعبات جاهزه بالباب كل الي علي اني املي الجزء المخصص للثلج

وهذا يكفي لمدة اربع ايام

ولا أحتار اذا احد من اطفالي احتاج للثلج وقت الاسعافات الاوليه

أو وقت زياره مفاجئه من ضيوفي واحبائي ..





فريزر




بعد ما كبرو عيالي والحمدلله

أكيد صرت احتاج لفريزر علشان ما اضيع وقتي بشراء المزيد والمزيد من اللحوم والاسماك وغيره من المثلجات

الفريزر الي عندي أفضل شي فيه ان ما يتكون فيه قطع ثلج يعني يجمد الأكل بس ..

الشي الثاني الحلو فيه أن شكله أنيق وبأدراج مرتبه

أتذكر ببيت الوالده الله يخليها لي ..

كان عندها الفريزر العادي او التقليدي المربع بدون ادراج

وكان حوستنا حوسه كل ما نبي ندور شي فيه

ويا عالم اذا طحنا فيه وتسكر علينا الباب

طبعا الباب للفريزر العادي مشكله كم وحده فتحت الباب وبغت تاخذ الي تبيها

ورقعها على راسها :sm179:

الفريزر الأدراج أفضل لأسباب عمليه منها التنظيم بالمأكولات

مثلا عندي درج للبطاطس والنكت والهمبرجر والسجق وغيره

وعندي درج خاص باللحوم

ودرج للأسماك وانواعه

ودرج للدجاج واشكاله

وهكذا....

ومع كل درج فيه زر متحرك تخلينه على الصوره

يعني على كل درج فيه صورة سمك او لحم او دجاج

وهكذا عزيزتي ما تحتارين وقت ما تبين شي وتضيعين وقتك وانتي تدورين



قيمتها عندنا بالبحرين 110 دينار يعني 1100 ريال أو درهم





غسالة الصحون



توني شاريتها صار لي تقريبا من رمضان

توقعت اني ما بحتاجها لبعد رمضان

ولكن صرت مرتاحه من وقت ما شريتها الى الآن

واخيرا صرت انعم بيدين ناعمين مثل الحرير

مهمتها تنظيف وتنشيف بالبخار والحرراه

تعقيــــــــــــــــــــم يا بنات

والكاسات روعه روعه تلمـــــع

حتى انها ما تحتاج تشغليها الا باليوم مره وحده بس

كل ما يكون عندك شي خلي فيه الين ما يمتلي

بعدين شغليه

بكذا راح يكون عندك المطبخ نظيف ومرتب وما فيها ولا ملعقه وسخه

وبعدين التوفير والتوفير يا بنات

فيها فتحه تحطين فيها الصابون البودره او المكعبات الصغيره انا اشتري

من نوع البودره احس انه يتم عندي اكثر صدقوني ما شريت من رمضان الا علبه

وحده والى الحين عندي لو كنت اغسل بيدي كان الفيري ما راح يتم عندي اسبوع

وفيه فتحه ثانيه للملمع ولكن ما استخدمه والسبب واضح

ان تلميعه للصحون والكاسات وغيره بدون الملمع واضح

فبلاش منه ...

وما يحتاج تستنين ينشف الصحون على سلة الصحون بعد الآن

لأنك راح تطلعين الاغراض من الغساله مجففه على الكامل

ومعقمه وعلى طول على الدواليب الخاصه فيهم

ومعها ايضا حمالات للملاعق وغيره من السكاكين والشوك

وكل شي مرتب ...

سعره بالبحرين 170 دينار 1700 ريال او درهم





خلاطتي




بصراحه ما شريت شي عليه القيمه من زود ما اسوي الخلطات لوجهي وغيره

كل ما اشتري يخرب ان شاء الله لما اعقل واهد عني الخلطات وصابون الغار وغيره

اشتري واحد جديد من براون :sm179: بس ان شاء الله زوجي يعطيني وجه وقتها

سعره بالبحريني 8 دينار وبالسعودي 80 ريال او درهم






جهاز قلي البطاطس




نفس الطريقه الزيت راح يكون صافي عندك ما فيه اي شوائب

والحراره عاليه وبسرعه الجرس يرن ويخلص مهمته بأعلى درجات السرعه

واذا على القطع نفس الشي خليه بغسالة الصحون وروحي نامي :21_161:





مكينة الكوفي



ما اقدر استغني عنها لا انا ولا زوجي أحنا عشــــاق الكوفي وأنواعه

أشغلها كل يوم الصباح وما اسكرها الين ما بعد المغرب

حتى جاراتي لما يزروني كل شي جاهز

كل بين فتره وفتره بوقت استراحتي من شغل البيت

اشرب واريح واعيد نشاطي واكمل شغلي بعدها

سعرها بالبحرين 15 دينار 150 ريال او درهم






عصارة فواكه



أكثر شي استخدمه بوقت العصريه

يعني بعد ما نريح بعد الاكل

استعمله لعصر البرتقال والليمون والتفاح والرمان والجزر

لكن لازم تزيدين عليها السكر بالنهايه

انا عن نفسي استخدم سكر لمرضى السكر

مو لأن فينا سكر ولكن لتقليل السعرات الحراريه

وما يحتاج شي طبيعي معصور تخربينه بسكر والله ما يحتاج

ليه هالعصاره مهمه للفواكه الي ذكرتهم

لأن بدل ما تقعدين تقشرين الفواكه كل وحده على حدى

ما يحتاج لأنه يجمع كل القشور بناحيه والعصير بناحيه اخرى

يعني وفري جهدك لقعدتك مع زوجك حبيب قلبك

ما يحتاج تسوين العصير وانتي كارهه عمرك انك تشتغلين وهو قاعد يستنى

خلي فيه الفاكه واضغطي وريحي عمرك

واذا على الغسيل لا تحاتين تقدرين تقطينه بغساله الصحون






القطاعه



يا حبي لبراون ويا حبي لطبخات الشيف رمزي بعد دعايته

على طول رحت شريتها

وياربي على استعماله السلطه على طول كل شي مع بعض الجزر والخيار و الملفوف اخليهم كلهم كلهم

مع بعض واضغط على زر البطئ الي فوق وعلى طول احصل على اسرع سلطه

المكسرات على طول تنفرم بدون تعب

البطاطس اهرسه بأعلى سرعه وعلى طول احصل على الي ابيه

الكريمه ما يحتاج اوصف روعته مثل المطاعم

وفرم الدجاج واللحم وكل شي كل شي حلو فيه

ومعه كتلوج يعلمك من الألف الى الياء

وسعره بالبحريني 37 دينار 370 ريال أو درهم





مبرد المياه




عبي وشربي وخلصي امورج واطفالج ابعاد عن الثلاجه يا بختك

هههههههههههه وين ايام قبل مره علي ومره على امي انعبي المويه





ميكرويف





أكثر شي يستخدمونه اطفالي يسون فيه اندومي

وانا اكثر شي استخدمه وقت العشاء لزوجي بعد ما يرجع من الشغل

ما يحتاج للفرن وتقولبين في الأكل كل اشوي علشان يسخن من كل جهه

سعره بالبحريني 35 دينار وبالسعودي 350 ريال او درهم





فرن



الفرن الرصاصي او الي مصنوع من الرصاص

افضل من الابيض كل الي اعرفهم عندهم ابيض ومشمخ ويبين فيه الوسخ بسرعه

الرصاصي يلق لق مع بام مزيل الدهون حتى لما تحطين عليه القصدير شكله انيق وحلو بمطبخك

سعره بالبحرين 160 دينار بالسعودي 1600 ريال او درهم





سخانة أكل





أحيانا ابو الشباب ما يكون موجود بالبيت علشان يجيب الغاز

ويخلص عندي الغاز اخلص طبخي على سخانة الأكل

الين ما يوصل ابو الشباب ويجيب معه الغاز

سعره بالبحرين 15 دينار وبالسعودي 150 ريال او درهم





للأكل الصحي بالبخار




شريته على سن بنتي بعد ما دخلت اربع شهور

علشان اسوي لها وجباتها وبعد ما خلصت اربع شهور

صرت استخدمه الآن لرجيمي للخضروات وغيره

ومـــــــــــره ممتاز وطعم الخضروات ما يختفي وقت نضوجه عكس لما

تخلينه بالمويه وتخلينه على الفرن راح يختفي الطعم ويبقي الاكل على ما هو عليه

سعره بالبحرين 10 دينار وبالسعودي 100 ريال او درهم




مكنسه




بصراحه انا عندي مكنسه من سامسونج للطابق الاعلى والطابق الي تحت استخدم هذي

ما اعرف شنو ماركتها بس تنظف عدل مدل

وكل ما ابي انظف البيت انظف الكيس الي فيه واشوف المكنسه تشفط كانها جديده

السر بالكيس حبيباتي لو ما فيه شي تعالي شوفي الشفط كيف يكون ...

لا تاخذين المكنسه الي انابيبها او شفاطاتها من الحديد لأن راح يخترب وقت تنظيفك بالماء

سعرها بالبحريني 15 دينار 150 ريال




مكنسه صغيره




من براون عمليه وحلوه لشفط الغبار

وايضا لو كنت مستخدمه المكنسه الكبيره قبل اشوي

وكلينا وجبتنا سواء الغدا او العشا وكنت احتاج لتنظيف الطاوله او البلاط على طول

اجيب المكنسه هذي كلش عمليه

حتى الماء يشفطها وما يحتاج للفوط ...

ورجعيها للشحن وتقريبا الشحن يتم ليوم كامل او يومين اذا تنظيفك خفيف

طبعا القطع الي فيها انظفها بطريقه حلوه

اقول لكم كيف اطلع الوسخ وعلى طول على غسالة الصحون ويا دار ما دخلك شر

سعرها بالبحريني 15 دينار 150 ريال او درهم






نجي الآن لغرفة الغسيل



غساله




غسالتي الحبيبه احبها كثير

والسبب إنها تاخذ الكثير والكثير من الملابس بنفس الوقت

من شركة سامسونج

سعتها 13 كيلو وصرت اغسل مرتين بالاسبوع مره للملابس الملونه ومره للملابس البيضاء

حتى اللحاف ممكن يدخل فيه والستائر وغيره

واحلى شي فيه ان فيه عدد 2 من الفلتر يعني نظفي الفلتر كل اسبوعين بس بلا تعب وبلا هم ..


وفيها مكان خاص تحطين فيه الصابون

وايضا مكان خاص تحطين فيه سائل التنعيم مثل كمفورت وغيره من المنعمات الملابس

وينشف زين زين زين بصراحه من احسن الغسالات الي جربتهم الحمدلله

ولا يطلع صوت ولا يتحرك من مكانه لأن فيها مقابض للثبات

تدرون يا خواتي ادعي ليل نهار يخترعون غساله فيها حوضين غسيل وتكون

فل اوبشن نفس الي عندي تدرون ليه حوض للملون وحوض للملابس البيضه وخلصنا ههههههه

عمومـــــا يالله ننتظر ونشوف وين بيودونا اليابانين

سعرها بالبحريني 150 دينار 1500 ريال





جفافه





بعد ما تخلص غسالتي وأسمع النغمه

على طول احط الملابس بالجفافه ومن الجفافه على طول للدواليب

لا تنشير للملابس بعد اليوم ...

وما يحتاج توقفين تحت الشمس ويحرقك وبعدين تدورين على خلطات وغيره

وعلى فكره الجفافه حرارتها اعلى من حرارة الشمس

يعني تعقيم للملابس

سعره 130دينار 1300 ريال او درهم





مكواة الملابس




ايضا من براون احب براون كثير كثير

بالبخار وعمليه وحلوه وخفيفه

وبصراحه بعد ما خلص من الغسيل على طول

أكوي صحيح تعب بس ارتاحي اسبوع كامل ولا كل اشوي تزورين الغرفه المشؤمه

الي هي غرفة الغسيل حشــــــــــــى غرفه اعدام :sm179:


سعره بالبحريني 11 دينار 110 ريال او درهم


بالنسبه لمكواة البخار الي تجي واقفه بصراحه

جربتها وما نفعتني خليتها بس لبدلات الرسميه لزوجي

لان مو عمليه ولا تكوي عدل للملابس العاديه


بعض من الأجهزه الاخرى





كاميرا براون 830





احلى اللقطات الجميله نقظيها ببيتنا واحلى السفرات

واحلى صور عيالي التقطها بكاميراتي الحبيبه وعلى طول انزلهم على الكمبيوتر

يا الله احيانا ارجع للصور واقول عن جد الايام تمر بسرعه

عيالي هنا اصغر ...

التقطي الكاميرا عزيزتي وصوري عيالك وزوجك وبيتك واحلى ايامكم

بتشوفونها بعدين والواحد ما يعتمد على ذاكرته سبحان الله الايام الحلوه تنسي

والايام المره تتركز بعقولنا الله يبعد عنا التشائم تفائلي بالخير وانتي تشوفين الصور

وجعل ايامكم كلها ان شاء الله اسعد واسعد ...



بصراحه ما اعرف كم سعره لأن هديه من زوجي حبيبي





تلفزيون بلازما



عندي منه اثنين واحد للمجلس وواحد للصاله

احلى مافي البلازما انها ما تاخذ حيز وما تحتاجين للمكتبه وغيره

حتى الكمبيوتر اشغله عليه ما يحتاج لجهاز كمبيوتر ببيتك ومكتبه للكمبيوتر

أما الكيبورد والموس فالبتأكيد استخدم الواير لست

والواير لست ما يحتاج للوايرات المتراكمه بكل مكان مجرد بطاريه وجهاز لاسلكي ما يبين

وخلاص البلازما قدامك والمنتدى اشكبره قدامك ههههههههه :sm179:

سعره 1200 دينار للواحد / 12000 ريال او درهم





لابتوب



أكثر شي يستخدمه زوجي قبل ما يروح الشغل

وانا اكثر شي استخدمه قبل ما اروح أنام اكتب وش باقي

لي من المهامات بالبيت وغيره وملاحظاتي وجدول عيالي واختباراتهم

وغيره واحيانا استخدمه بالمطبخ وقت تشغيلي لسيديات الطبخ





سيارتي سيفيك هذا مو من الاجهزه بس قاعده اتكشخ :sm179:



أشرايكم فيها هذي سيارتي الحبيبه

اسمها شمه هههههه ما ادري ليه سميتها هالاسم

واحيانا اسميها السوده

وبالحاره الحريم يسموني راعية السفك

يا حبي لها ما امشيها الا وقت مشاويري الضروريه

ووقت ما اودي عيالي المدارس

بصراحه بعد ما الوحده تستانس برخصة السواقه

بعدها بسنه صدقوني تبي تختصر كل مشاويرها بمشوار واحد

طبعا سعرها تلاقونها بالوكاله ههههه

قولو ما شاء الله حشــــى لكزس مو سفك






تلفزيون الاطفال



طبعا عندنا ثلاث تلفزيونات وكل مره احس

ان عندنا هوشه على برنامج معين وكل واحد يبي الرموت بيده

طبعا لو شرينا اكثر من رموت معناته ان الشجار بيوصل بيت الجيران

واخيرا اقنعوني عيالي اني اقول لزوجي الله يخليه لنا احنا قررنا انا وعيالي وبقوه

نبي تلفزيون لغرفة الاطفال

وعلى فكره شـــــرطي الوحيد ان ما يكون فيها الا القنوات للاطفال بـــــــــــــــــس

سعرها بالبحريني 75 دينار /750 ريال او درهم ]





مبخره كهربائيه




لو اختربت علي بالليل اروح اشتري وحده غيرها ما اقدر استغني عنها

بلا فحم بلا هم نفس الشي هذي على الكهرباء وبفلوس والفحم والغاز بفلوس

يعني كلو محصل بعضه

طبعا سعرها ما يحتاج دينار واحد فقط 10 ريال او درهم





تلفوني




قديم بس حلو احبه لأنه يناسب سيارتي

والله حالـــــــــــــــــه

لا لا عن جد حلو لأنه هديه من عند امي بمناسبه رجوعي من السفر

ربي يخليها ويسلمها لي قولو آمـــــين






جهاز بلاي ستيشن لبنتي




هديتها بعيد ميلادها لانها دائما تتهاوش وتتشابك مع اخوها على البلاي ستيشن

فقلت بلا عوار راس وخلو البنت تستانس ما عندي الا بنوته وحده الله يخليها لي

بصراحه سعره ما عرفه لأن زوجي هو الي راح اشتراه ما كنت حاضره معه





قيم بوي لولدي




طبعا بعد ما خرب جهاز البلايستيشن الي كان عنده طبعا حوبت اخته

قررنا ما نشتري له لانه كان يغسل السيديات ويحطهم فيه بدون ما ينشفهم

مســـــــــــــــكين ما ادري من قص عليه بالمدرسه ودفع الثمن غالي لأن يشحت من اخته الحين

علشان يلعب وقررنا بعدين نحل المجزره بشراءنا له قيم بوي صغير على قده

سعره بالبحريني 45 دينار 450 ريال او درهم ومعه 5 العاب مجانيه






إن شاء الله أكون افدتكم ببعض الأجهزه المجربه عندي

وسامحــــوني على القصور

واتمنى منكم مشاركاتكم الرائعه الي عودتونا عليها :9_33:


ملاحظه : أتمنى ان اي وحده تبي تنقل الموضوع تكتب انه منقول

لأن تعبت عليه ولكم جزيل الشكر :9_33: