اخوووي بيسفروونه لامريكا يتعالج..ساعدووني؟؟؟

الله يشفيه ويرجعه سالم لكم ، وانشالله كل شي يهون مقابل سلامة اخوك، انتي دايما خلال فترة السفر فكري في بعدين لما انشالله يتعالج اخوكي ويصير احسن من قبل

رب الناس اذهب الباس اشفي انت الشاافي لاشفاء الى شفاؤك شفاء لايغادر سقما

يااختي ان شاء الله المعااون الله عزوجل وبعدين كثير ناس كانو مثل اخووكي والله شفااهم

ترجعوون بالسلامه وان شاء الله نسمع اخبار حلووه في القريب العاجل

ربنا يشفي يوسف ويرجع له صحته و عافيته
واوصيك بالصبر والدعاء والصدقة
في حديث مامعناه (داووا مرضاكم بالصدقة)
وماتشيلي هم وادعي ربنا كتير واقري سورة ياسين كل يوم وان شاء الله يرجع بكامل صحتو وعافيته.. وان شاء الله يسهل عليك جميع امورك

nenny;4652021:
ربنا يشفي يوسف ويرجع له صحته و عافيته
واوصيك بالصبر والدعاء والصدقة
في حديث مامعناه (داووا مرضاكم بالصدقة)
وماتشيلي هم وادعي ربنا كتير واقري سورة ياسين كل يوم وان شاء الله يرجع بكامل صحتو وعافيته.. وان شاء الله يسهل عليك جميع امورك

آمييييييييييييييييييين

الله يشفيه و يفرح قلب والدته برجوعكم بالسلامة يارب

تسلمون والله ياخواتي..والله يوفقكن دوووم..ويسرهاا بطريقكن..لاتنسونا بالدعاااء ..الله يخليكم..

بس انصحووني شلوون بتعاامل مع الناس هنااك..انا مب ذاك الزود بالانجليزي

صبااح الخير للجميع

أصبحنا واصبح الملك لله..ربنا اغفر لنا وارحمنا..وعافنا واعفوو عنا..

صباح النور والسرور
والله يصبحك بالصحة والعافية

اليووم بشكي لكم همي ..على امل احصل من يسااعدني وينصحني او يخفف عني..
امي ربت وياابت لنا احلااااااا ولد ..سمينااه يووسف <<<على اسم يوسف علية الصلاة والسلام
المهم فرحتنا مااكملت معااه..طلع فيه فتحه بالقلب ولازم يسفروونه لامريكاا يتعالج تقريبا 6 شهووور لان حالته تعباانه..

الله يسااعدكم ياارب
ويشفي مريضكم ويصبر قلب أميمتك
وان شاء الله فرحتكم تكتمل

الوالد طلب مني اسافر معااه لامريكا..لاني على الاقل الوحيده بالعايله اطقطق شوي انجليزي..وممكن افيده..وبعدين مااحب يرووح برووحه..وهذي اول مره بحيااتي ارووح فيهاا دولة اجنبية..ومب عاارفه شلون الاوضااع..كل شي بيكون غيير...والتعامل ..كل شي
يعني مااعرف وين ارووح هنااك... موووقف صعب يمر علي في هاللحظاات..وحااسه بضيق وضيااع..

بحكم تجربتي مع علاج أخوي ( الله يرحمه ) بألمانياا تخيلي ما يتكلموون انجليزي بس ولله الحمد مشيناا الامور
وكل شي سهاالات
واايد خوفونااا بس ولله الحمد حسيناا بالأمااان وتيسرت أمورنااا
وما من شي يخووف ويتعااملوون احسن معاامله معااك
واااذاا كنتواا على حسااب الدولة بسااعدونك السفاارة للمستشفى فقط للمسااعدة للترجمه والموااعيد
ورحت تاايلااند وبعد الامور سهاالاات
لا تخااافين وتطمني

اللي ممكن تسااعدني بشي يفيدني..او بكلمة تهديني..ادعيلهاا بالتووفيق دوووم
ولاتنسووونا بالدعاااء وربي يشفيه ويرجعه سالم لامه

واذا عند اي استفساار
رااسليني على الخاااص

واللهم الشافي المعافي اشفي مريضهم

وان شاء الله يرجع لكم بكاامل صحته

وحااول تكثروون من الاستغفار والصدقة
واخذي معااك مسجل وشغلي عند رااسه القرآن الكريم

تسلمين اختي ليالي..والله يوفقج ان شاء الله...مااعرف كلامج ريحني شوووي..ربي يهدي بالج ويسلمج

الله يشفيه ويساعده ويساعدك انت بعد
انت لا تفكرين انك ماتعرفين وشلون الاوضاع وتكثري على حالك بالاسئلة ان شاء الله ربي بيوفقك وان شاء الله يوسف راح يتشافى
شوفي احد من اقاربكم عايش بامريكا يمكن يساعدكم شوية اذا مافي ان شاء الله راح تتيسر لا تخافي
الله يوفقك ياررررب

ان شاء الله يتعافي وترجعون به وهو سالم يا رب

بخصوص الذهاب الى هناك افضل تاخدي معاك مترجم عربي انجليزي انجليزي عربي و

ودوري في النت على الفنادق والمستشفيات هناك

وخلي تكالك على الله بيهونها ان شاء الله

حياتي الله يشفي اخوك ومايشوف شر
انا عندي اثنين من اقاربنا بناتهم ولدو بنفس مشكله اخوك
والحمدالله تعالجوا واللحين وحده عمرها 6 سنوات والثانيه 4

اما بالنسبه لك عشان اللغه يعني
خذي معاك اطلس ترى مررره ينفع
الجهاز الناطق وخليه على طول معاك

واحنا لنا الدعاء لاخوك بالسلامه

السلام عليكم و رحمة اللــــــــه و بركاته ..
عزيزتي اولا مبروك مــــا جاكم ..و ثانيا الـــــــــف سلامة عليه ان شاءاللـــــــــه و ان شاءاللـــــــه يشفى و ما يشوف شر..عزيزتـــــــــــي لا تخافين او تتوترين مع انه الموقف يدعو الى ذلك ..اول شي يسعدني مساعدتك في استفساراتج لاني عايشـة في امريكــــــا و ابشرج ان الناس واااايد بيساعدونج اذا اللغـــــــة صعبة عليج فلا تشيلين هم رعايتهم في المستشفى ..نجي للمكان اللي حددتوا تسكنون فيه لااااااااازم يكون قريب من المستشفى لانكم جديدين و لازم تقعدون معاه و على فكرة الشتاء بدأ وفي ولايات كثيرة الثلج فيهـــا ما يرحم و المواصلات هم بسبب الطريق ..انا اقدر اساعدج لو قلتيلي عنوان المستشفى و في اي ولاية و اطلعلج الفنادق و المطاعم و المواصلات القريبة ونتي تختارين ..و لا تحاتين ربج بيسهلهـــــــــا ان شاءاللـــــــه ..و الف سلامة على يوسف ..

الله يقوم اخوكم ان شاء الله بالسلامه، وانتي لا تحاتي حطي همج كله كيف توقفين مع ابوج الله يخيله لج ان شاء الله وكيف تساعدين اخوج، والحياه بتكون سهالات بعون الله، اذا على الحجي في مترجمين اطلبوا مترجم خاص بكم يكون معاكم..

اذا على حياتج هناك اعتمدي على بنات عروس وان شاء الله بنكون خير عون لج ادخلي النت كل ماسمحت ظروفج، اهلج كلميهم يوميا وخذي قران معاج وكتب تحبين تقرينها هناك..

وان شاء الله ماراح تحسين بالوحده دام ربي معاج ودام ابوج واحلى يوسف معاج..

والله يوفقج ياقلبي وييسر امورج

الله يشفيه بس حطو لكم مترجم

ويرجع لكم سالم معافي مافيه شي

الله يشفيه يارب و الله عورتي قلبي توووووووووووووا صغير الله يحفضوا يارب و يشفيه و يرجعولكم سالم معافى وانتي فكري فقط في اخوكي و هناك بيحلها الحلال اختي طمنينا عن اخباوا

الله معاكم وإن شاء الله كل خير ورحمة من ربي تكون معاكم

الله يشفيه ان شاء الله ويرد احسن من اول ان الله راد..

كل شي بالبدايه تشوفينه صعب لكن ربي راح يسهل لج كل امورج..

انا جربت السفر بروحي و ما انكر اني كنت خايفه اني اضيع او اتوه و المصيبه اني كنت بتركيا

يعني مافي امل احد يقدر يساعدني لان محد يتكلم لا عربي ولا انجلش.. بس الحمدلله كل

شي صار بسهاله..وكلي امرج لربج واكثري الاستغفار و ما عليكم شر ان شاء الله..

ربنا يشفييلكم يوسف يا رب و يرجه لكم سالم غانم اميييييين
حبيبتي توكلي على ربنا و الله غيرك يتمنّى تجيله فرصة السفر هذه
الحمد لله على كل حال

الله يسر لج امورج ويشافي اخوج ان شاء الله

رب الناس اذهب الباس اشفي انت الشاافي لاشفاء الى شفاؤك شفاء لايغادر سقما


أختــي الغاليه نونوتي

الله يشفي اخوج ان شاء الله وماعليه شر يارب

والله يعينج ويسر لج امورج ان شاء الله

أختــــج الدانـــــــه