اللي عندها مشكله مع طفلها تخبرنا بها وسنحلها باسرع وقت ممكن الجزء ** 2 **

موضوع حلوووو

ياكثر المشاكل وكلها تتشابهه
بس راح ابتديها بان بنتي ..........


ماتاكل
:(

تبي الحليب وبس او اي مشروبات اما الاكل كأنه اكل عصفور

احيان اتركها ابي بروحها تنطق بس تكسر خااااااااااااااطري احس بذمتي حرام اتركها وان لاحقتها عشان تاكل نصير الفار والقطو مراكض عشان الاكل

ياليت القى حل

عزيزتي تقدرين تزورين قسم التغذيه للاطفال ،،، هناك انا كاتبه مواضيع جدا مفيده للاطفال ،،، واطباق وله احلى ،،،

عزيزتي بما انها تحب الحليب ،،، تقدرين تسوين عليه اضافات ،،، تسوين لها بسكويت بالحليب ،،، حليب بالفواكه ،،، وغيرها من الاطباق اللي على الاقل تستفيد منها ،،،

عزيزتي في اشيه وايد حلوه في القسم التغذيه ،،، بتستفيدين منها.. ان شا ءا لله ..

شكرا لثقتكي بي ،،،

مرحبا خواتي


مشكله بنتي تصيح وتقلب البيت على راسي عشان ترقد

وتكون شبعانه طبعا وترفض الحليب واللهايه
واحاول معاها بكل الطرق ماتبي اي شي

تبي بس تصيح

وتطول عندها هالحاله وابوها يحاول معاها وهي ولا همها

وياريت بعد ماتنام تطول نومها في النهار اذا بطول نص ساعه


وعلى فكرة هالحركه تنساها اذا بترقدها امي وتصير اشحلاتها ولا تتاخر دقايق وهي في اعداد النومى هههههههههههه

وايد متعبتني هالحركه

انا مشكلتي ان ولدي عنيد الله يصلحه .. ومجنني بشغلة اللبس .. يعني مايبي يلبس الا

اللي ع كيفه .. والحين الشتا بدى ومعاناه علشان البسه شي انا منقيته .. واللي يقهر كاره

كل نعاله الله يكرمكم ومتعلق بوحده مايرضى يطلع مكان الا لابسها .. من جد احس صعب

اتفاهم وياه .. واحس توه صغير ع هالعناد عمره سنه و11 شهر .. وكله يبي يلبس ثياب زي

ابوه .. انا البسه ثياب علشان خاطره اذا زياره لاهلي او اهل زوجي .. بس للطلعه لازم بدل

وعاد شوفوا علشان اقنعه يلبس بدله شلون .. :(

وهج الدموع ،،

عزيزتي بأمكانك تسألي امج عن الطريقه اللي تنومها فيها ،،، وتعلميها واتبعي نفس الطريقه ،،،

شكرا لثقتكي بي ،،،

مشكوره اختي للموضوع المفيد

انا بنتي مشكلتها من نوع ثااااااااااني والله مضايقتني وااااااااااايد يا ريت القى لها حل

بنتي عمرها سنه وشهرين موووووووووووووووتها الطلعه ما تحب تقعد في البيت ابددد

اول ما يجي ابوها من الشغل على طول ترفع يدها وتأشر ع الباب وتقول ((( ننه )))

يعني تبي تطلع او اي احد يجي يطق الباب على طول تروح وتبي الي جاي ياخذها يطلع فيها بره او تذبح عمرها من البجي

حتى لو ضيوف لدرجه حتى اذا تنام وتقعد في اليل بدل ما تشرب حليب تقول لي ((ننه))

والله ما ادري شنو اسوي تذبح نفسها من البجي بس تبي تطلع وما تكفيها ساعه او ساااعتين

اول ما تدخل البيت ترد تبجي و وين ووين علما تسكت والله شي متعبني وااااايد

لو تنصحيني شنو اسوي يا الغاليه اكون شاكرتج واااااااايد

انا مشكلتي مثل وهج الدموع
عند حماتي ( اخت زوجي)
من تحطها ع جنب تغمض
وحتى لو مانامت ع الاقل تهدأ
اما عندي فصراااااااااخ ماله نهاية
مع اني اسوي نفس ما تسوي حماتي بالضبط

انا عنجي مكله وهى النوم ابى اعرف الطفل بو 3 اشهر كم يرقد في ايوم انا ولدى اذا نش يلعب وكمل ساعتين او 3 ساعات خلالالالالالالالالالالالالاص يبى يرد يرقد هل هذا طبيعي خواتى يقولوا بالهعمر مايرقدون كله لعب وبعدين فليل يرقد ويطول انا ولدى لا ومايميز الليل من النهار يعني مرات الليل عندنا كانه نهار ...وبعدين افكر افطمه لانه احيانا لما اكون مضايجه مايستويلي حليب احس انه صدري نفس الجلي بس هم يقولون ماعليج فيه حليب لو صدرج مب يابس ...واذا كنت مابفطمه كم مرة عادي اعطيه مرضعه بحيث ماينسى صدري ؟ ادوريه طلوت بس مشكورة توته على الموضوع

الاخت ،، alzanbaq

مشكله ولدج الله يخليه عاديه جدا وحلها وله اسهل ،،،

في سن طفلج يحاول الطفل الاستقلاليه ،،، وتغليد الاب او الاخ او احد الاصدقاء عادي ترى ،،،

صج بالنسبه لج صعبه وجذي بس الحل وله اسهل ،،، خليه يلبس اللي اهوه يبيه بكل هدوء وطبعا في اول الايام ،،، ونفس ما يقولون بناخذه بالسياسه لين يترك هذي العاده ،،،

العناد معروف في مثل سن طفلج ،،،

حاولي تخلينه هادئ اطول فتره ممكنه ،،، وستفيدي من طاقته في شي ثاني ،،، يعني مو يطلع طاقته عليج كلها في شغله واحده وهيه العناد ،،، خليه يفرغها في اشيه ثانيه مثل اللعب ،، مشاهده الرسوم المتحركه ،،، الخروج ،،، النوم ،،، وغيرها ،،،

ومن اليوم خليه يختار اللي اهوه يبيه من الثياب ،،، مو شرط تطلعين اذا منحرجه او شي من الاختيار ،،، بس في بادئ الامر لا تحاتين ،،،

لمده عشرين يوم ،،، بعدها حاولي تخلينه يحب اللي تحبينه بأعطائه الحب والحنان وخليج دايما تلعبين معاه وتكونين قريبه منه علشان يكون يحب اللي تحبينه ويرضى ،،،

وبعدها بتجوفينه يلبس اللي تقولين له عنه ،،، واذا لبستيه خليه الامر عادي ،،، مو تقولين مثلا ،،، يالله يالله شاطر ومادري شنو تحسسينه انه لازم يعاند وانتي قاعده تصلحين الامور لا خليج طبيعيه ،،،

بعد شهر عزيزتي ابي اجوف النتائج ،،، وشكرا لثقتكي بي ،،،

بنتي عمرها تسعة اشهر وتعاني من الامساك ودمها ناقص ووزنها ناقص بعد 0000وديتها الطبيب وعطوها حديد بس ما تاخذة لانة ترجع الدوة واكلها قليل مع اني انوع لها الاكل
لو عندك الحل ارجوك ساعديني:21_95:

الاخت ،، && شهوده &&

يا حليلها ،،، الله يخليها لج ان شا ءالله ،،،

عزيزتي العناد وارد عند كل طفل ،،، في مثل هذا السن ،،، بس التصرف السليم مع عناد الطفل ،،، يؤدي الى زوال العاده ( العناد ).

الحل هو :

اذا كانت تشوف طفلتك ان الخروج من المنزل مريح .. خصصي لها ساعه في اليوم ،،، كامله ،،، تلعب في الخارج سواء الحوش او خارج المنزل ،،،

وبترجع تعبانه من برع ،،،

شغليها في شي ثاني يعني مو تعلمونها على الطلعه الدائمه ،،، ترى اكثريه الاطفال يحبون خارج المنزل او الحوش ،،،

يعني مو بس مشكلتج انتي ،،،

فعندنا الحين ساعتين خارج المنزل ،،، ساعه في الحوش مع توفر الالعاب ،،، وخارج المنزل ساعه سواء في السياره او التمشي ،،،

لمده اسبوع الى اسبوعين راح تحسين تحسن في ذي الطبع ،،،

وعادي لا تخلين الشي غريب وتقولين لها لا وتعصبين عادي تبين برع ،،، تعالي معاي انا باوديج ،،، تروحين تتمشين في الحوش ،،، وتسولفين معاها ،،، وترجعين ما تستغرقين 4 دقايق واهم شي تسكت وتتعود اذا تبي برع عادي مو مشكله علشان ما تسوي مشكله ،،،

خبريني بالنتيجه ،،، وبنتبعها لما تزول ان شاء لله ،،،

شكرا لثقتكي ،،

الاخت ،،، ام فدوكة

يمكن يكون مو بس الطريقه مناسبه للطفل يمكن يكون التهويه او الاضاءه او المكان يناسبها في النوم ،،،

انتبهي حق ذي كله ،،، وجوفي المناسب لطفلكتك ،،،

شكرا لثقتكي بي ،،،

هلا عزيزتي
مشكله بنتي عمرها 8 سنوات
غير مرتبه اطلاقا ترمي ملابسها واغراضها في كل مكان في الغرفه فوق السرير على طاوله الدرس
ماقدرت وتعبت انها تاخذ منشفتها للعلاقه الا ترميها فوق السرير
قلت استخدم طريقه الثواب والعقاب يعني احرمها مثلا من شوكلاته تحبها لين ترتب سريرها وتحط اغراضها
تصدقين للحين الشوكلاته موجوده
قلت ماطلعها مكان معاي كله عادي
شو اسوي تراني تعبت
وايد كسوله ابدا ماتساعدني في شئ في البيت
تاكل وتخلي الصحون لين اخذها انا
شو في حل معها ؟؟؟؟؟؟؟؟

اسفة على الازعاج بس ابي الرد لو سمحتو انا في حيره وماعرف شنو الحل وبنتي شاغلة بالي

بنتي عمرها سنه وسبعه اشهر مزعجتني في الاكل ماتاكل واذا عطيتها اكل لعبت فيه واذا رحت عند اقاربي تلعب على السفره تكب اي شئ مع اني اضربها وترجع تسوي نفس الشئ ارجوووووووووووووووووووووكم المساعده

وينج توته البحرين ؟؟

وينج توته البحرين ؟؟

عزيزتي ،، وهج الحب ..

بنتكلمـ اولا عن مشكله النوم ،،،

يجب ان تعلمي طفلك على النظام ،،، ونظام اليوم والساعات .. نظام النوم واللعب ،،،

بس بتسألين شلون ،،،؟

اقول لج شلون ،،،

في النهار وفي وقت الاستيقاظ ،،، تفتحين النافذات ليدخل الضوء فيميز انه النهار ،،، توقظينه مثلا الساعه السابعه او الثامنه صباحا ،،، بعدها تلعبين معه وتسولفين معه ،،، وتسبحينه ،،، وتلبسينه وتعطينه الحليب و تقلقين النافذات وتجعلين المكان مظلم وهادئ ويعرف لما يكون هذا الشي ينام ،،،

بعدها يستيقظ العصر الساعه الثالثه ،،، وتعلبين معه وتسولفين معه وغيرها ،،،،

في الليل نفس الطريقه ،،، لكي يتعلم ان يميز بين اللعب والنوم ،،، بين النهار والليل ،،، يجب ان تعلميه ان المحيط هذا للنوم ،،، والمحيط الاخر للعب ...

ويحتاج لتعليم الطفل حوالي خمس الى ست ايام ،،، وان شاء الله يتعلم وينضبط في يومه ،،


مشكله الحليب ،،،

عزيزتي انا لا اعلم اذا كان هناك حليب عندك او لا يمكنك ان تستفسري من دكتوره تقوم بتحاليل معينه لمعرفه ذلك كي تتطمني ،،، ونفسيا اذا كان في اعتقادك انه لا يوجد حليب فيقل عندك الحليب ،،، وهذا كله هرمونات ،،، يمكن معرفه ذلك عن طريق الطبيبه الخاصه بكي ،،،

اما انك تحسين انه لا يأخذ كفايته من الحليب بأمكانك استخدام الحليب الصناعي ،،،

عدد مرات الرضعات تقاس على حسب الطفل ،،، على حسب احتياجه ،،، اذا نام يعني انه شبعان ،،، اذا لعب يعني انه شبعان ،،، اذا بكى واصبح متضايق ،،، يعني انه يحتاج الى رضعه ،،، والكميه كذلك ،،،خير دليل لكي ،،، عليكي عزيزتي ان تلاحظي الكميه والمرات لتعرفي ما يحتاجه طفلك ،،، وذلك في مده زمنيه ثلاث ايام ،،،

شكرا لثقتكي ،،،

عزيزتي ،، سلماني ،،

ما تشوف شر بنتك ،،،

الامساك ينتج عن عده اشياء ،،، قله السوائل من اهم الاشياء ،،، ونقص فيتامين C والخضروات والفواكه ،،،

يجب ان تتنوع الاكلات عندها بكميات مناسبه لها ،،، سوف تنفعكي سلسله التغذيه لطفلتك ،،، الموجوده في قسم التغذيه والصحه ،،، ارجوا الزياره للموضوع ،،، وابتدي بالسلسله ،،،

وهناك اطباق اخرى قد كتبتها لتستفيدون منها وطريقه عملها ،،،

مشكله اخذ الدواء ،،،

يمكنك عزيزتي اضافه الدواء المطلوب في العصير التي تشربه ،،، وبعدها لا تحس بشربه فتشربه لتستفيد منه ،،،

عزيزتي ،،، الدم الناقص والوزن الناقص ،، سببه سوء التغذيه ،،،

يمكنك في الصباح الباكر عند استيقاظها ،، ان تناوليها كوب من العصير البرتقال الطازج + ملعقه سكر .

وبعد اسبوع اذا لم تحسي بالفرق ،،، خبريني علشان نبحث عن حل اخر ،،، في انتظارك عزيزتي ،،

شكرا لثقتكي بي ،،،