يامخطوبات ،، من منكم صار لها مثلي //؟

راعية الفراري 19-11-2007 65 رد 2,122 مشاهدة
ر


الصراحه شي يلوع الجبد والله

انا مخطوبة من شهر 7 يعني صار لي 5 شهور مخطوبة ،، لحد هني حلو

المشكلة في الناس والصديقات ،،
سؤالهم الوحيد وكل دقيقه وكل يوم متى راح تتزوجين ؟؟؟ متى متى

المشكلة ان نفس البنت ترد تسأل هذا السؤال مليون مرة ،،

وفي وحده من البنات مرة قالت لي متى راح تعرسين ،، ارد اقولها والله ليلحين ماقررنا متى العرس ،،
ترد تسأل اها شكلج بتأخرين او بطولين ،، يااااااااااااااااااربي وانتي اشحارج

ووحده ثانيه تسأل وعقب تقول جهزتي للعرس اقولها لا ليحين لين حددت موعد عرسي راح ان شاء الله اجهزر روحي ،، ترد علي وتقول ويييييييييي ليش

وحده ثالثه تسأل وترد تقول تزوجي شنو وراج انتي ،،

ليكون انا قاعده على قلبهم

والله الناس تقهر شاسوي فيهم

يعني خلاص اي مكان اروح لازم انسأل هالسؤال تمللللللللللت


انتوا يصير لكم اللي يصير لي ؟؟؟
S
هلا بك راعية الفراري...أنا مثلك و الله
المشكله يحسسوك انك مو مهتمه أو مو على بالك. و يرفعو الضغط
و الأدهى و الأمر وحده من العيله انخطبت بعدي بشهر و حددت تاريخ زواجها و بدت تجهز
كنت أنقهر لما يقارنو بس بعدين هذا كله بأثر علي فلازم نطنش
الله يعين
ر
S&M

السالفه مو بس ترفع الضغط لالا الا تجيب المرض
والله شنو ذي

مشكورة حبيبتي على مرورج
ع
والله انك مثل حالتي بس الفرق انا من سنتين ونص
من بعد الخطوبة بأسبوع وين ماروح يسألوني متى الزواج
متى الزواج مليت
ومثل ماقلتي نفس البنت تسأل في وحده من تشوفني تسأل
وحتى لو تشوفني يومين ورا بعض تسأل نفس السؤال
ومرة سأتني وانا معصبة قلت لها خلاص مالك شغل إن شاء الله مااتزوج
انتي مايخصك
ولاتأدبت الحين تحدد زواجي وبدأت اجهز صارت تسألني وش اخذتي
وش جهزتي وش باقي

مابنرتاح الابعد الزواج ويمكن يسألو متى بتحملي متى بتولدي
ر
الفراشه
انا بعد خطوبتي بيوووووووووم واحد اسألوني متى راح تتزوجين
وكل يوم هالسؤال ينسأل لي ،، ولين ارد عليهم اقول لهم والله ليلحين ما حددنا موعد ،، المشكلة مايسكتون الا ليش وانتي راح تسكنين بيت اهل زوجج ووووووووووو

انتوا اشدراكم بظروفنا ،،

وصح كلامج ،، حتى بعد الزواج راح يسألون حملتي او لا ولدتي واولا حملتي اولا ولدتي او لا

لاحول الله


لاتتخيلي حتى وانا هني على المسنجر اكلم صديقاتي ،،
سمعي الاسئله خطيبج ياج اليوم /،، شفتيه اليوم ،،
وينه ااهو معاج ؟؟؟؟

اسئله بااااااااااااااااااااااااااايخه من قلب والله


مشكورة حبيبتي على مرورج


والله سامحوني يابنات وايد مشتطه في السالفه ،، بس للان الناس تقهر
ش
حبيبتي عاااااااااااااادي الحسد والغيره في كل مكان الله وكيلج انا بس شموا ريحه خطبه واهما بدوا الحنه تخيلي انا لين الحين ماملجت وموضوعي وايد متعرقل والناس مالهم الا الحنه يلا شتنطرون ليكون هونتوا شسالفه ومادري وشو .. اللهم ياكافي .... ووحده في الدوام عندي كل يوم تحن هاي متى بتملجين ها شصار كل يوم الله وكيلج تتصل لي تلفونات ها ماتصلوا فيكم والصبح تصبحني بسؤالها ... حسبي الله عليهم من بنات الحين لو اهما وسويتي فيهم جي بياكلونج بلسانهم ... خليها على الله .. اللهم اكفينا شر عيون الحساد
M
اي والله.. مادري شسالفتهم!!
يحسسوني انهم مشتطين اكثر مني.. ويسألون اسأله اتحداهم يجابونها اذا سألتيهم... وايد ملاقيف هههههه
وين حجزتوا؟ وين خيطتوا؟ من بتعزمون؟ ليش ماسويتوا جي؟ ... ها جهزتي اغراضج؟ لين قلت لا للحين... يقولون اشفيييييييييييج؟ قومي تلحلحي ما بقى شي.. ساعات اللي يقولونه صح.. بس هو الحنه هي اللي تبط الجبد والقافة.
ح
يوووووووو عاااااادي خيو الناس (النسوان والبنات تحديداً) ما لهم غير يسألون هالأسئلة،، شوفي أنا ظليت مخطوبة سنة وسبعة شهور لش تتوقعين شقد عانيت من هالأسئلة حتى لما قلت لهم خلاص بتزوج قالوا وه ما بغيتين!!! شالسالفة قاعدة على قلوبكم!!! والحين تزوجت من سبعة شهور والسؤال اللي يتكرر علي ها ما حملتي؟ ما في شي جاي في الطريق؟ يعني حتى لو الوحدة ما تبغي تفكر في هالموضوع غصب يخلونها تحاتي والله بلشة،، هالأسئلة وهالحشرية عمرها ما بتخلص في المجتمع النسائي عندنا لأنها جزء منه.
ب
ياحبيبتي انتي ولا شي قدام اللي اعرفهم لهم سنين من انخطبوا

ومع ذلك تعبانين من كثرة أسئلة اللي حولهم حتى نحن يسألونا عنهم

ياخي وش عليكم بالناس ...

بنت عمتي لها خمس سنين او اكثر مخطوبه ومن كثر مازهقت تقول شكلي بهون وخلاص
a
تعودي خيوو على هالأسئلة مشوارش طويل ,,
هي ماجت على الخطوبة بس ,, إذا تزوجتين بيسألونش ماحملتين ؟ وإذا حملتين متى بتولدين ؟
متى بتحملين على ولدش :21_88:
مثلش تعرضنا لهالسؤال وأكثر من مرة بتسمعينه من مثل الشخص بس أخذيهم على قدهم وتحملي,,
هالدنيا ماتسوى تزعلين العزيزين على قلبش وبعدين تندمين ,,
أني الحين كملت سنة وشهرين من خطوبتي وباقي أقل من شهر عن زواجي ,,
بفتك من أسئلة متى بتزوجين ,, بس بيطلع بعد سؤال ثاني عن الحمل :whistling:
خلي الموضوع طبيعي ولاتفتكرين :ongue:


س
الله يهنيـكم

هذي الأسئلة عادية ولا تتضايقين منها

بس بشرط انهاا ما تتكرر وتصير مزعجة

وردي عليهـم بصورة لائقة ولا تعكرون مزاجكم

دعواتـــــــــــكم
K
::

شوفي حبيبتي ..

الاجابه مهيب صعبه .. ولاتخلّين هالسالفه تأثّر على قرارك أو نظرتك ..!

بكل بساطه قولي لأي وحده تسألك مثل هالأسئله
..( أظن الموضوع شخصي .. ولا أتوقع أنه يهمّك لهذي الدرجه ..!! )

بجد اذا كانت اللي قدامك ما تستحي - اسمحي لي - مالك إلا هذا الرد ..
::
ش
هههههههههههه ضحكتيني يا راعية الفراري ..ذكرتينـــــي بالذي مضــــــى ..اسمحيلي حبيبتي ارد عليج مع اني متزوجة من 6 شهــــــــور و الحمدلله ..انا تميت مخطوبة (مــــــالجة) سنة ماشاءاللــــــــــه و تعالي شوفي انواع الاسئلة و التعليقات اللي مالهــــــــا داعي كل من شاف رقعـــــــة ويهي و لا ويــــــه اهلي سأل السؤال العجيـــــــب الا و هو ((((((متــــــــــى العرس))))) !!! كل يوم نفس الحالة ..تعودت لدرجة اني بعد العرس كنت اتوقع الناس تقولي متى العرس هههههههه ...الناس جذي سبحان اللــــه لا تتضايقين لانهم بيتمون وراج رضيتي و لا لا ..لاااا و السالفـــــــــة الاحلى تكون بعد العرس و السؤال الماسي العجيب الا و هو ((((((((متى بتحملين)))
و ان شاءالله حملتي يجي السؤال ((متى بتولدين))) و بعد ما تولدين ((متى تجيبين الثاني ))) يا حبيبتي هذي اسئلة ما حد خلص منهــــــا لا تعورين راســـــج خليج اذن من طين و الثانية من عجين و هذا عن تجربـــــــة ..و الله يوفقج ان شاءاللـــــه..
ا
راعية الفراري;4650069:
الفراشه
انا بعد خطوبتي بيوووووووووم واحد اسألوني متى راح تتزوجين
وكل يوم هالسؤال ينسأل لي ،، ولين ارد عليهم اقول لهم والله ليلحين ما حددنا موعد ،، المشكلة مايسكتون الا ليش وانتي راح تسكنين بيت اهل زوجج ووووووووووو

انتوا اشدراكم بظروفنا ،،

وصح كلامج ،، حتى بعد الزواج راح يسألون حملتي او لا ولدتي واولا حملتي اولا ولدتي او لا

لاحول الله


لاتتخيلي حتى وانا هني على المسنجر اكلم صديقاتي ،،
سمعي الاسئله خطيبج ياج اليوم /،، شفتيه اليوم ،،
وينه ااهو معاج ؟؟؟؟

اسئله بااااااااااااااااااااااااااايخه من قلب والله


مشكورة حبيبتي على مرورج


والله سامحوني يابنات وايد مشتطه في السالفه ،، بس للان الناس تقهر



لما تتزوجين راح تكون الاسئله مثل ماقلتي "ماحملتي- واذا حملتي -يسألونك متى شهرك وكل ماعديتي شهر راح يقولون لك بأي شهر - واذا دخلتي شهرك --للحين ماولدتي

بس الحمدالله انا جبت قبل موعدي بـ 20 يوم يعني الشهر الاخير ماحسيت عليه مثل اللي يغثونهم لنت مطوفه من هالنوعيه

ربي يعين ان شاء الله
ج
رضا الناس غاية لا تُدرك
لاتنسي هالشي
سوي مثلي
دخلي من اذن وخرجي من اذن
ف
حبيبتي لايهمك كلام الناس هو سؤال ورموه وراحوا ولاهمهم وانتي شايله همهم وهمى ولاعليهم
ايش تتوقعي من الناس؟
رضا الناس غايه لا تتدرك اهم شي خطيبك واهلك وحياتك ولا يهمك كلامهم انتي متحسسه من الموضوع عشان عايشه الوضع لاكن صدقيني وضعك جدا عادي وفي غيرك جلسوا بالسنين ودحين في بيوتهم والناس ماهم جايبين خبرهم
الله يهديهم ماتركوا احد في حاله المخطوبه متى تتجوزي والمتزوجه ليش ماحملتي واللي مخلفه متى تجيبله اخ واللي خلفت كتير بفضل الله خلاااااااااااص كفايه خلفه ارتاحي
على الله الله يتمم لك على خير
ح
الله يكون في عونكم يالمتزوجين والمخطوبين


واحنا اعزاب شكلنا مارتحين كذا


الله يعين بس
ع
هاااااي عرايس
صحيح والله كلامك وغير التعليقات على الزواج ,,, أنا بصراحه استغرب هالحركات من المتزوجات المفروض يقدرون الوضع لانهم مروا فيه
take it easy girls
إ
انه صار لي سنة ونص مخطوبة وماراح اعرس الا لين اخلص دراستي

وهالناس كله يزنووون علي وبعد يتكلمون من وراي وانه كتبت مشكلتي في المنتدى والكل قال لي معليج منهم
كل واحد يسوي اللي يريحة
خ
[FONT="Verdana"][FONT="Arial"]لقافة حريم وأنت أدرابها ... حبيبتي طنشيهم ابتسمي في وجهها ولاتردين عليها بتعيد عليك السؤال مره ثانيه سوي نفس الحركه وبتشوفين كيف تحس بالفشله وتقول ياليتني ماسألت ونصيحه أخويه لا تحكين عن الي يسير بينك وبين خطيبك خاصه لزميلاتك حتى لو أنهم قريبين منك [/FONT][/FONT]
:flower:
X