زواج الخوات من اخوان بين الحسنات والسيئات

مسائك فل وياسمين,,,,,

حبيبتي انا واختي ماخذين اخوان ,,,,

والحمد لله عايشين بكل سلام صحيح انا في منطقه وهي في منطقه ثانيه

بس الحمدلله مااتذكر انه فيه مساوئ بالعكس نسافر سوى وبالاعياد نكون سوى

وبالعكس احس هالشي حلو,,,,,

بس تراها على حسب الازواج نفسهم يعني يختلفون عن بعض ,,,

وتقبلي مروري......

:9_33:

شكرا" ام راكان على ردك

انا عندي خواتي ثنتين اكبر مني متزوجين اخوان واخوهم الثالث كان يريدني بس انا رفضت وهم مستانسين وعيالهم يحبون بعضوايد لانهم عيال عمهم وعيال خالتهم في نفس الوقت

بالعكس ماظن فيه سيئات ...

بس كله متوقف حسب الاخوان او الخوات واذا كانت قلوبهم على بعض وايش مستوى المحبه بينهم..

لاني اعرف ثلاث اخوات متزوجين ثلاث اخوااااااان والعلاقه بين الاخواااااااااات مش ولا بد

فالحكايه كلها في علاقة الاخوات اوالاخوان بينهم قبل الزواااااااااااااااااااااج

ولا لو كان الحب موجود مافي مشاكل ممكن تفرق مابين الاخواااااااااااااااااااااان

انا ما اظن ان فيها سيئات بس اخاف انا مشاكلهم تأثر على بعض

انا اعتقد ان زواج عااااااااااااااااادي جدا

بحيث كل وحده ماتدخل نفسها في تفاصيل مالها داعي او هي في غنى عنها

لان الموضوع وايد حساس

مااشوف فيه شي
بالعكس يكونو سوا لما يروحون لحمولتهم
واولادهم تكون العلاقه قويه

من تجربتي انا واختي بقولك انه مافي مساوئ ابدا بل حسنات وخاصة في موضوع الاطفال يعني اذا احتجت اخلي عيالي عند اختي زوجها ما يتضايق من وجودهم لانه عمهم ونفس الكلام مع زوجي. بس كل واحد غير في شخصيته وامكانياته المادية، فالواحد ما يقارن نفسه بحد لانه هذا المقارنات تكون سبب للمشاكل لانه الاخوات يعرفون وايد عن خصوصيات بعض.

بالعكس احس الموضوع وايد حلو

الحسنات ذكروها البنات ...انا ما جربت هالشي ... بس اقاربنا اخوين متزوجين اختين ... للاسف واحدة من الاخوات لسانها سليط وراعية مشاكل ... وعلاقتها مع زوجها واهله صارت دمااااااااااار .... وبالتاكيد اثرت على حياة اختها التانية وزوجها .. حتى لما اطلقت اهل الزوج ضغطوا على ابنهم الثاني عشان يطلق اختها بالرغم انه ما عندها ذنب ... لكن خلاص العيلة كرهتهم بالجملة ... لولا ربك ستر عليها وزوجها اتمسك بيها كان حياتها ادمرت بسبب اختها ...

الله يعطيكم العافيه على المشاركات

اغلب الأمر يتأثر احد البيوت بمشاكل البيت الآخر

ولا أرى حسنات تميز الموضوع بل المشاكل اكثر

وهذا من مشاهداتى

حبيبتي 000
انا واختي ماخدين اخوان ويشتغلون نفس الوظيفه بعد وساكنين جنب بعض وعايشين مبسوطين ولله الحمد بس في اختلاف في شخصية الاخوان واحدفي الشرق واحد في الغرب لدالك احنا مانطلع ونسافرمع بعض الانادر جدا 0
وعيالنا الله وكيلكم كل امهاوش مع بعض لان كل واحد يغار من الثاني000
وعني انا واختي متفاهمين كثير ودائما نطلع مع بعض ونتزاور0
ومن ناحية اهل الزوج طبعا هم يشفون ان اناشخصيه غير عن اختي ودائما يفرقون بينا000